DANIEL 12:1 - Sumi Naga CL (Re-edited) Bible (BSI)

¹ “Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

BAIBEL (BSI)

¹ Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

DANIEL 12:1 Iomraidhean Croise

LESHELE 56:8

I tukuchoqhi keu ye Nono kihipe ani; I nhezü kipiji ye O külabo lo süpüani. Tipaqo ye Ow kaku lo anike kumo?

LESHELE 69:28

Küxümi kaku lono pano je ye nuxave tsülo; amikuchomi gholo pano je sütsü kevilo.

ISAIAH 4:3

Khunoqo Jerusalem lo qhive keno, tile küxümi gholo aje aghi kemi pesü akimthemi ipi kunani,

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 30:10

“Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

EZEKEL 13:9

Tungkupmi khunoqo no kichile kungunhetsü ithulu eno pishikiqhi chine picheni keno panoqo shou I u pesü lachile nani. Panongu ye Iw timi hoho lo ngolumo nani momu Israel laghamiw ajeyeküsü kaku lo yesü mla nani, momu Israel yeghi lo iloghi lumo nani. Ni ye Ampeu Alhou kepi nongu no ithi nani.

EZEKEL 34:24

Eno Ni, Ampeu no panoqo Lhou shive nani, I qeu David no panoqo gholo kükapuu shive nani. Ni ye Ampeu ke; I no piqhivae.

EZEKEL 5:9

Nonguw aphikümqhüpu kümlaqo ghenguno nongu lau khilemu shiju mphikeu I no shiniye ani, eno khikhi nongu lau shiniye ani keno titoi keu ye itaghi khilemu shimo nani.

DANIEL 10:13

Persia kükaqha kükapuu no atsala muku lakhi I lakhape ngove, ikemu Michael, kükapumi gholo atou no I kuphuni ye ighi, kughengu ni ye tilau Persia kükamiqo gholo qhiveke,

DANIEL 10:21

Ikemu kuchou kaku lo kiu yepüani keno I no o vilo pini: Michael, ow kükapuu likhino kumo aye hipaqo gholo I kuphuni kemi lakhimu kühae.”

DANIEL 11:45

Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

DANIEL 7:10

Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

JOYIL 2:2

aküzü eno züchiyi keu tsala, akimhi eno aküzü kutho tsala! Akumtomi kütsasa no aküzü kutho toi naghutoqo nhakhape ani, titoi keu ye khilemu shiju mphi, itaghi panoqo thiumu tiqheli kupuju lo khilemu ithulumo nani.

MALAKI 3:16

Ampeu sümsa chekemi lakhino lakhi sasü küptsae. Ampeu no amlo tsüqhiyi shino panoqo tsa chiluvae, eno Pa zülo Pa sümsa no gihu chekemi ye kümsüchilekulu kaku lakhi lo yesüve tsüe.

MATTHEW 24:21

Kughengu ayeghiqha hukuthu lono ishi kutolo shimphi keu eno khilemu shimoni keu aghime kitikhi ighi nani.

Mark 13:19

Kughengu tipa ghuloki lo kijiküpsa ye inahuu Alhou no pulhosü kelono itehi kutolo khilemu shiju mphi eno hithiu mu khilemu shimo nani.

Luke 10:20

Tishimu, nongu ye aghawuqo no nongu zülo ikiqi ke ghenguno alovi kevilo, ikemu kungugha lo nongu je yepüa keu ghenguno alovilo.”

Rommi 11:15

Kughengu panongu kileqhive keu huno ayeghiqha no külashilu aye, panongu ikhiluveni keloye akithi lono aküxü shive keu kumo aye kiu no kimghini kea?

Rommi 11:26

Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

Ephesiami 1:21

Khristo pesü aghawu yekipe jeli eno aküka kumto pe qhasü chekemi kümtsü shou qhino hipa tiqheli lo likhi kumono ighini keu kutolo ghi aje kütau kümtsü nguno akiqheu shitsüke.

FILIPIAMI 4:3

Iyei, I gholo kicheu pükhükuluu vilo ghi I no pi anike totimi hipama kuphu tsülo, kughengu pama ye Clement ngo I küsami kütami gholo küqhano atsakiviu kümlapu lo I sasü lakhi shi ime cheke, panongu je ye aküxüpu Kaku lo ani.

Jude 1:9

Ikemu kughou kungumi tou Michael no tüghami sasü Moses sükumo kohakishi akeno, pa ye küthaküghapu tsa pimono ishi pi, “Ampeu no o lomipi nani.”

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 12:7

Ikelo kungugha lo aghükishi ipeghive, Michael ngo paw kungumiqo no dragon sasü küpüghü. Dragon ghi paw kungumiqo sasü mjochile,

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.

Piyeküsü 7:14

I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.