DANIEL 11:45 - Sumi Naga CL (Re-edited) Bible (BSI)

⁴⁵ Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

BAIBEL (BSI)

⁴⁵ Azughi ngo naghuto kuma dolo achineki khile akeno tipa alo pano kukauno ngokepu phikiqo shisuthu nani, ikemu timi lakhi nomu pa kuphukemi kuhano tileno thive nani.

DANIEL 11:45 Iomraidhean Croise

LESHELE 48:2

jukivishi qhemghai ani, ayeghi kümtsü lokivipu ke, Zion naghuto ye ahuu kushuo lo ani, Akükau akijeu phughi ke.

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

ISAIAH 14:13

O mlo lono nono piae, ‘Ni ye kungugha lo Alhou yepuqo shou ikuno akiqhe-a lo I küka lakhü ghoni; ni ye ahuu alhouqo no kuho kumqo chekeu naghuto lo iku iqani;

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ISAIAH 65:25

Atine ngo ambe no kümtsa chu nani; abongshuu no amishi toi aghijini chu nani; eno ayeghimkhu no apighi chuqupu shi nani. Iw akimthe toghi lo panongu ye ghüza kile momu kütsakile monani,” ipi Ampeu no piani.

ISAIAH 66:20

Panongu no aghakhu kümtsü lono nongu thiküzümi akümllagho Ampeu tsükeu shi ghi sasü ideighi nani. Panongu no tipaqo sasü I kimthe toghi Jerusalem lo ighi nani. Eno Israelmi no athi kümllagho bohu kimthe lono Ampeu kilo pesü ighike toi, timi hipaqo ye khami no khurshi shouno, khami no khurkulu shouno, khami no tinhemgha puche keu shouno, khami no khurgha shouno, khami no sayeshi shouno ishi xapusü ighi nani, ipi Ampeu no piani.

EZEKEL 39:2

I no o satsüghü no azüu o hapuwu nani eno ighono ahuu yeghi küdau no o saipeghi no Israel naghutoqo lo wunani.

DANIEL 11:16

Ikemu khuu no mjochile ighi ani keno pa no kiu shinishi ani keno shi nani, eno khunomu pa zülo puthugho mla nani. Eno kütsakungo keu no pa u lo pesü ngono pa no ajuküvü yeghi lo puthugho nani.

DANIEL 11:41

Pa no ajuküvü yeghi lo ighi nani. Qhethonhe chighi piqi no ikiqive nani, ikemu hipaqo ye pa u lono xaphe luve nani: Edom ngo Moab eno Ammonmiw akhoto-a.

DANIEL 11:44

Ikemu kipelau eno ahuu sütsa huno pa shithüghüive nani, pa no axukighide kije lono timi kutomo kütsani ke wu nani.

DANIEL 2:35

Tithiu ayi, aghani, alazayi, ghükayi eno ameshoyi kümtsü aleqhi shi kümtsa kubove, eno mütsü tusho lo aniqa lo amuu toive no amülhü no tipaqo fusawuve, tishi kehu tipaqo ye kitilamu apashe mlave. Ikemu atu khipau no ajulho vephove keno ti ye naghuto kije lakhi shive eno ayeghiqha kümtsü nhachhive.

DANIEL 7:26

Ikemu xakütha ghenguno küghaki ye kutope anani, eno ashekha loye qhoi pühave eno kütsaveni ke ghenguno pa yekipeqha ikhi süwuve nani.

DANIEL 8:25

Pa mqükini vecheo pa no pishikiqhi pesü pa u qholono kinikülü shipe nani, eno pa kükümsü lono pa ye kije shinani. Pa no ghutu mono kutomo kütsa nani. Eno kükapumi shou Kükapuu lau ghi pa no mjochile ithughi nani, pa ye kuboleve nani—ikemu timi u lono kumo nani.

DANIEL 9:16

“O Ampeu, O mikucho kümla kiqi lono Jerusalem, Ow mishighüna, O kimthe toghi lono O mlokighide eno O loghu tsüghüve tsülo, ni xine eno ni puasüqo kipimi ghenguno Jerusalem eno Ow timiqo ye ningu sühope akemiqo kümtsü zülo küthakügha shivae.

DANIEL 9:20

I no atsa pi eno akighini shi, I xine eno Iw timi Israelmi xine piphe, eno I Lhou kimthe toghi ghenguno I no qhüiniju akeu Ampeu I Lhou zülo süghi akelo,

JOYIL 2:20

“I no ahuumi hape nongu launo putou qhai eno yenguyi keu yeghi lo puwuve nani, paw amihemi pesü kipela züghi lo eno ashekhami no kulola züghi lo vesüve nani; Pa kumo no tsümüna ipeghive nani, kughengu pa no alhoksa kümla kije shive kehue.

MICAH 4:2

eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

ZEKHARIA 14:8

Tipa tsalani aküxüpu zü no Jerusalem lono qoipeghi no tüxa no kipelau züghi lo qoilo nani eno tüxa no kulolau züghi lo qoilo nani. Tipau ye mütsü eno süsü tusho kupuju qowu anani.

AKIKIHI 34:5

Azmon lono tsüghüsü Egypt lughi lo akhila küdau wuno azüghi lono kishekhani.

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

Piyeküsü 20:2

Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,

Piyeküsü 20:9

Panongu no aqayeghi nhakhape chesü iqhoghi no küpülümi no achekeu-a, kimiyekiche phughi hu boluve, ikemu kungugha lono ami iqighi no panongu pitiqhive.