DANIEL 11:40 - Sumi Naga CL (Re-edited) Bible (BSI)

⁴⁰ “Ashekha ghuloki lo apeu kükau no pa le nani, ikemu ahuu kükau no khurkulu, khurshimi, eno zükilu kutomo lono miyitsü toi pa shou ighi nani. Eno pa no aghakhuqo jole ighi no qhasü luve nani.

BAIBEL (BSI)

⁴⁰ Siriya lo akukau ghenguno atsala ashekha ighi nike kupunu sheveke mtsa, Ijip lo akukauno pa leighi nani eno Siriya lo akukauno pa kuka pagho pephe mujo chile nani, aghu kishi khurshi eno zukilu peitha nani. Pano aphughi kutomo amghazu kuqo toi ighino le nani.

DANIEL 11:40 Iomraidhean Croise

ISAIAH 21:1

Azüghi phivilo asayeqha akeu ghenguno pimhelu keu tsape. Miyitsü no Negeb qha jole ighi keshi, asayeqha lo kümsa kimshipu yeghi lono aghümi cheni.

ISAIAH 5:28

pano piji ye mtsüsüi eno asüzü ye piqevae, panow khurshi pukhumtsü no atu kümka toi, eno khurkulu pukhu no miyitsü toie.

ISAIAH 66:15

Julo, Ampeu ye ami lono ighi nani, eno Paw khurkulu ye amülhü fuchighi ketoi ighi nani, Pa loghu puku nani, eno ami mili lono Pa no sakiyi nani.

JEREMIYA 4:13

Julo, pa ye khüngküsü toi cheni; paw khurkuluqo no miyitsü toi; paw khurshiqo no alhuqu nguno mthüthei, ningu ye ahasapue, ningu ye pühavae!

EZEKEL 38:4

I no o tutsüghüve nani eno o mükhü lo ayikuho süvetsü nani, no eno ow ghüshimi, khurshi ngo khurshimi, aqokitikhi kije, aghünanu qhoi xapusü azüto kije-kitila eno azütakikihi xapu akemi kümtsü I no sünhe saipeghi nani.

EZEKEL 38:9

Pasapagha cheke toi nongu no azüu wunani. No eno ow aqokitikhi eno ashiaye kutomo o gholo akeqo no khüngküsü toi ayeghiqha küzüluve nani.

DANIEL 11:10

“Pa nuliqo no aghü küpüghü nani eno ghüshimi aqokitikhi lakhi hekütsü kumqo nani, tipaqo no qole-qole ighi nani, eno paw sükusho-a kutolo itaghi aghü shisü ighi nani.

DANIEL 11:11

Tileno apeu kükau ye axuideve no ahuu kükau sasü küpüghüni ye ighi nani. Eno pa no aqokitikhi kije lakhi saphe nani, ikemu tipau ye tomlave nani.

DANIEL 11:13

Kughengu ahuu kükau no itaghi atüghü lo nguno alau aqokitikhi lakhi saputhu nani. Eno ampe hami thiu, pa no ghüshimi kutomo eno aghüshi nanu kupukuno shi süghi nani.

DANIEL 11:22

Ghüshimi eno puloshoqhi kükapuu ghi pa zülono qhoi joleve eno kütsave nani.

DANIEL 11:25

Pa no ghüshimi kije sasü apeu kükau mjoni ye pa küka eno pa mlo xukutho nani. Eno apeu kükau no ghüshimi shishe kije eno akumto sasü küpüghü nani, ikemu pa ye puthugholu move nani, kughengu pa shou küsüqeve nani ke.

DANIEL 11:35

eno alokütsümi khami ye veqhive nani, tishikeu lono panongu ye ashekha ghuloki tomphi lono thakimthe, shikimthe eno metsüghoi luve peniye ke, kughengu kihikütha do ye khe aphike.

DANIEL 11:39

Pa no inaghami lhou kukuphu vecheo aliwo kumtoqo le nani. Khunono pa ikhiluni keno pa no agigihu tsü nani. Eno panoqo pelo timi kutomo shou yepemi shipe nani eno ame lono ayeghi kijetha tsü nani.

DANIEL 11:7

“Eno li kuhu-aghü lono pa züqhulo milakhi ithughi nani. Pa no ghüshimi mjochile ighi nani, ahuu kükauw sükusho-a lo iloghive nani, pa no panoqo sasü küpüghü no toluve nani.

DANIEL 12:4

Ikemu no, Daniel ye ashekha ghuloki ighi moke kutolo atsa hu kütsüpe qhivelo eno kaku mekhape qhivelo. Kutomo no huju woju nani, eno akighithi ikoishe wove nani.”

DANIEL 12:9

Pa no pi, “O la lo wuvelo, Daniel, kughengu ashekha do ighi moke kutolo atsa huye khathave eno mekhape qhivae.

DANIEL 8:17

Ikehu pa no I no khile puthugho akeno tile ighi. Kughou pa no ighi keno, ni ye msave eno I gi pishiqho luve. Ikemu pa no I vilo pi, “O timi nu, kungunhetsü hu ye ashekha ghuloki ghenguno kepi vethalulo.”

HABAKUK 3:14

Tuqhouno kumlhomi pishiqhini ye alovi ake toi, khuu no I haleveni ye miyitsü toi ighi keno, Nono pa piji pesü paw ghüshimiqo kütsü lo chhesüve tsüe.

ZEKHARIA 9:14

Tileno Ampeu no panongu lau ipeghi nani, Pa piji no tsütsüpha toi ighi nani; Ampeu Alhou no afuko küigha nani eno apeu miyitsü lono ighi nani.

Piyeküsü 16:12

Kungumi akütsüghou no pa bohu pesü Euphrates ghoki kije lo leqhi, ikelo kipelau no kükami chekeqo ghenguno ala shetsüni kehu tipau zü qhaive tsü.

Piyeküsü 9:16

Panow khurghüshimi kikihi I no chilu keu ye qhethonhe chighi no qhethonhe chighi küghüsü keu ghuthu kini.