DANIEL 11:36 - Sumi Naga CL (Re-edited) Bible (BSI)

³⁶ “Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

BAIBEL (BSI)

³⁶ “Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 11:36 Iomraidhean Croise

LESHELE 136:2

Shikimthi keu pesü alhouqo shou Alhou tsülo, kughengu Paw iqemokeu kikimiye ye alholo acheni.

LESHELE 33:10

Shiyeqow kichekütsü Ampeu no adou shive tsüe; pa no timi kukughu hexave tsü.

AHOLE 19:21

Timi lolo akukughu kutomo shipeqhi cheni, ikemu ashekha loye Ampeu kimji likhino puthugholu nani.

ISAIAH 10:23

Kughengu Alhou, aqokitikhi MPEU no azah shive ketoi Israel yeghi kümtsü kütsakungo keu süghi nani.

ISAIAH 10:25

Kughengu ado hami thiu I loghu ye tave nani, eno tithiu ye pano kütsa nike puku nani.

ISAIAH 10:5

Aha, Assyria, I loghu lo peitha chekeu qheküsü pano u lo anie!

ISAIAH 14:13

O mlo lono nono piae, ‘Ni ye kungugha lo Alhou yepuqo shou ikuno akiqhe-a lo I küka lakhü ghoni; ni ye ahuu alhouqo no kuho kumqo chekeu naghuto lo iku iqani;

ISAIAH 14:14

ni ye khüngküsü kiqhe-a shou ikuno I küghape Shishe Akiqheu toiveni.’

ISAIAH 26:20

Ighilo, Iw timiqo, nongu chebo lo ilove no ahukikha khavelo; Aloghu no hechesü wuve moke kutolo ado hami itshü aghilo.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ISAIAH 46:10

I no abothu lono ashekha vehu sheshue, mulho lono shikupu mphikeu tsa ishi piqhi püani, ‘I kimji kupulo ye mtotoi ani, eno I no I kukughu kümtsü shikupu nani.’

ISAIAH 57:9

Nongu no akükau lau axokütsüngü ala nongu philo süluve, eno thazü pesü wuke; nongu no now züqhukishimi ala kushuo lo puwu ke, eno Kithigha kutolo piqike.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

EZEKEL 35:13

Nongu kichi pesü nongu no I lachile ghi nongu sheqhe, eno I lachile ghi nongu tsa küghüsü ke; I no chiluvae.

DANIEL 11:16

Ikemu khuu no mjochile ighi ani keno pa no kiu shinishi ani keno shi nani, eno khunomu pa zülo puthugho mla nani. Eno kütsakungo keu no pa u lo pesü ngono pa no ajuküvü yeghi lo puthugho nani.

DANIEL 11:3

Tileno akughushu kükau lakhi ithughi nani, pa no aküka kije lono ayepe nani eno pa no pulo keu shi nani.

DANIEL 11:37

Pa ye pa puasü lhouqo lau, momu totimiqo no kimiye chekeu lhou laumu amlo tsüqhiyi mo nani. Pa ye kiu lhou laumu amlo tsümo nani, kughengu pa no kümtsü shou pa ampi süqhe nanie.

DANIEL 12:7

Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

DANIEL 5:19

Eno Pa no kiqhekighe shitsü ke ghenguno, ashiaye, shiye, eno atsa jeli kümtsü no pa zülo khokhoshi eno pa sümsae. Pa no khuu heqhini keno heqhive che; eno pa no khuu püxüni keno püxüve che; khuu xaqheni keno xaqheve che; khuu sünheqhini keno sünheqhive che.

DANIEL 5:20

Ikemu kughou pa mlo no qhemghaive eno pa ghungu no mkave no aqheküza shive keno, pa ye pa kükalakhü lono sünheqhive eno pa juküvü ye pa launo ikhiluve.

DANIEL 7:8

I no akibo ju akeloye tipaqo dolono itaghi akibo kitila aghulo lakhi ipeghi, tipau züu akibo küthü ye akuhu-aghü lono tujopheve tsü. Eno julo, timi nhethi toi akibo hipau lo anhethi ae, eno akichi ghi ae, tino shishe aqheküza tsa piae.

DANIEL 8:19

Pa no pi, “Julo, axukighide ashekha lo kiu shive nani keno I no o pelo ithi peni, hipau ye ashekha do kughu püakeu kimji ghenguno ke.

DANIEL 8:4

Ambetsü ye kulolau, ahuu eno apeu pohu powo aghi keu I no ithulu. Kiu tüghashi mu pa zülo puthugho lumo, eno pa küka launo xaphe luni kemi khumu kühae. Pa no kümsü pulo aketoi shi kije shive.

ZEKHARIA 11:16

Kughengu julo, I no aghakhu lo ambekheu lakhi saputhuni cheni, pa ye kütsave keqo hijumo, alhotheqo phumo, aghüzaku shipivimo, ashiaji kivishi akeqo lojimo nani, ikemu atha pubeyi akeqo tsüchu eno apukhu shobapu keqo mütsü hexüve tsü nani.

John 5:30

“Ni ye I ka-agha loye kiumu shimlae. I no chilu no küghatha cheni, eno Iw küghakütha ye achipie, kughengu ni ye I gho-apulou kumono I puwu keu gho-apulou shicheni.

John 6:38

Kughengu ni ye I pulou shiniye kungugha lono iqighike kumoe, ikemu I puwu keu pulou shiniye ke.

Apostolmi 4:28

Nono azünatha kughu püakeu panongu no shike.

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

2 Thes. 2:3

Kiu gholau nomu khuana pelo nongu pishiqhipe kevilo. Kughengu kütsakungo nu, ayezah heküxau eno hekibideu paghi ighi moke kutolo Ampeu tsala ighimo nani,

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

JOSHUA 22:22

“Akughushu Lhou Ampeu! Akughushu Lhou Ampeu! Pa no ithi ani eno Israelmi ampi no ithilo. Tsala hino hekibide momu Ampeu shou aküpülü hephove aghi aye, ningu kipimi qhitsü kevi,

Piyeküsü 10:7

ikemu kungumi akütsüniu no pa fuko küighani keu ghuloki lono Alhouw tuqhou küsü püakeu shikupu nani, ti ye Pa qemi tungkupmi lau kütüghü püakeu kiqi lono ke.”

Piyeküsü 12:14

Ikemu li lau alhuqu kije chishibo kini tsüpüa kehu tino li pelo apighi launo yewo yenguyike-a lo ampe küthü tüxa kutolo khileno li loji peniye kuto püatsü keno, tipa-a tolupe.

Piyeküsü 13:1

Tithiu tüghashi lakhi akibo chighi, tipaqo lo kükakütsüqho aküphashi xapu, eno akütsü tsüni, tipaqo lo küthaküghapu je heda pusü azüghi lono ipe cheghi keu I no ithulu.

Piyeküsü 17:17

kughengu panoqo no amlo lakhi shino pano kükagha pesü tüghashi lau pephetsü keu ye Alhou no Pa tsa shikupu khamoke kutolo Pa kukughu kiqi lono mla peniye panongu mlo lo süvetsü keu ke.

Piyeküsü 17:3

Kungumi huno aghungu lono I xapusü yenguyi ke-a lo wu, tile totimi lakhi no huchuyi keu tüghashi shou iqa akeu I no ithulu, tüghashi ti ye akütsü tsüni eno akibo chighi xapusü aphi lo küthaküghapu je chhitoi aghi.