DANIEL 10:6 - Sumi Naga CL (Re-edited) Bible (BSI)

⁶ Pa phiau ye beryl tu toi, pa gi ye tsütsüpha küvü toi, pa nhethi no akulu miküqü toi, pa u mlo ngo apukhu no alazayi thakimtheve keu toi, eno pa tsa no aqokitikhi ghügha toike.

BAIBEL (BSI)

⁶ Pa phino qhivutsuni akughupu tu toi. Pa gino tsu-tsupha ighike kuvu toi vuqai eno pa nhethino ami iqu akeu toi. Pa umlo eno pa pukhuno alazayi thakutsughu pua ketoi ilompui, pa sutsaye aqo kitikhi no igha ipeghi ke toi.

DANIEL 10:6 Iomraidhean Croise

IPEKULU 28:20

eno beryl, onyx, ngo jasper no abidiu shini. Tipaqo ye ameshoyi bocho lo medani.

ALE KIMCHI 5:14

Pa u mlo ye ameshoyi chopumloi keu lo akughupu tu dapüa keshie. Pa phimpi no akühahu lo atsülatu dapüa keshie.

EZEKEL 1:14

Tsütsüpha kulopha akeshi, aküxüküa lhoxüqo ghi ilhe ipeilo ae.

EZEKEL 1:16

Kuluho ju akoghe ye hitoi: akughupu tu yevüqai keu ju toike. Kuluho bidi ye aju aphiphi, tipaqo ju akoghe ye kuluho alou kuluho akeu toike.

EZEKEL 1:24

Kughou tipaqo no wuni keno, tipaqo chishibo kukulo no azüghi zü qowu akeshi, Akughushuu ghügha toi, ghüshimi no iqhaighu akeshi ighae.

EZEKEL 1:7

Tipaqo pukhu ye müzüchoi, eno panoqo phitsü ye amishi pukhu mütsü toike. Eno tipaqo ye alazayi süpheve ketoi phuphushi.

EZEKEL 10:9

I no jupuwo keloye cherubim phivilo kuluho bidi aghi, cherub lakhikhi shelo kuluho lakhikhi ae, eno kuluho ye beryl tu toi mülapui ipeghi ke.

EZEKEL 40:3

Kughou Pa no I saighi keno, julo, timi lakhi aju ye alazayi toi eno phepheike phi kipili ngo akimghipu süta pesü ipeghi. Pa ye khagho kulaghi lo puthugho ae.

EZEKEL 8:2

Tile I no jukelo akoghe lakhi timi jukimihi ipeghi. Kiu pa chita toi ipeghi keno tipa qhou ami eno pa chita shou no yevüqai keu kiuala alazayi toi phuphushi keu kimihi shie.

MATTHEW 17:2

Eno panoqo zülono Jisü ye ajuhi kilive, pa gino khetsünhe toi vüqaive eno pa phimini no aküvü toi metsüghoive.

MATTHEW 28:3

Pa koghe ye tsütsüpha toi eno pa phimini no mürasü toi metsüghoike.

Luke 9:29

Pa no inikhu akelo, pa gi ye thosü ju kumove no pekilive, eno pa phimini no phuphushi metsüghoi ilhouve.

Piyeküsü 10:1

Tileno I no kungumi kughushu kütau lakhi kungugha lono milisü no pa kütsü shou vehope khüngküsü no küzüpe iqi cheghi keu ithulu, pa gi ye khetsünhe toi eno pa pukhu no ami tsükucho toike.

Piyeküsü 19:12

Pa nhethi ye ami mili toi eno pa kütsü lo kükakütsüqho kutomo ae, pa ye aje lakhi yepe dapuche kemu pa likhino kumo aye khunomu ithimo.

Piyeküsü 2:18

“Thyatira kukuhou lo kungumi lau yelo: ‘Alhou Nu, Khuu nhethi no ami mili toi eno apukhu no alazayi ghukimthepe phuphushi aketoi keno, Pa tsape.

Piyeküsü 21:20

apunguu no onyx, akütsüghou no carnelian, akütsüniu no chrysolite, akütacheu no beryl, atokuu no topaz, achighiu no chrysoprase, chighiaqhaqhiu no jacinth, chighiakiniu no amethyst.