DANIEL 10:19 - Sumi Naga CL (Re-edited) Bible (BSI)

¹⁹ Pa no pi, “O shishe kimiyekicheu timi, msa kevilo, aloino keu o lolo alo; akumto shilo eno amlo loghilo.” Eno pa no I pütsa akelo ni ye akumto shikithe luve no pi, “I mpeu no pijulo, kughengu nono I shikumtovae.”

BAIBEL (BSI)

¹⁹ Pano pi, “Alhou ye okimiye acheni, tighenguno kiu nomu omulo ghime pekevi momu oshi kumsape kevilo.” Pano kughono hi pikeno, niye muto kithe ighi eno ino pi, “Akijeu, kiu ivilo pikepu anikeno pilo. Nono ishikumto kitheve tsuake.”

DANIEL 10:19 Iomraidhean Croise

LESHELE 138:3

I no O kuke tsala lo Nono I khochile; Nono I ngulho lo aküka mtotoilu peke.

ISAIAH 35:4

Amlo süsüshi akemi vilo pilo, “Akumto shilo eno msa kevilo! Julo, nongu Lhou no tsüchile kepu, amkhükulu pesü ighi nani. Pa no ighi no nongu xalu nani.”

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

DANIEL 10:18

Itaghi timi ju kimihi lakhi no I buno I shikumtove.

DANIEL 9:23

Nono kimiye tsü penike qhüiniju akeu ghenguno abothu lono atsa lakhi puwuve ke, eno tipau o vilo piniye ni ye ighivae, kughengu no ye ighono kimiye achenie. Tighenguno atsa kümsükutoju no kungunhetsü vethalulo.

HAGAYI 2:4

Tishimu mtolo, O Zerubbabel, Ampeu no asheshue. Mtotoi lo, O Jehozadak nu achinetou Joshua. Mtotoi lo, nongu ayeghi lo akemi, Ampeu no asheshue. Mlalo, kughengu Ni ye nongu gholo ani, aqokitikhi Mpeu no asheshu,

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

ZEKHARIA 8:9

Aqokitikhi Mpeu no piani: “Aqokitikhi Mpeu ki boqha ghoke tsala lo tungkupmi kichi lono atsa hipaqo pikeu chilu ighi kemi nongu kümtsü no achineki shiqhelu kepushi nongu u mtotoi luvelo.

John 11:3

Ikehu pama atsünipu no Jisü lau pi puwu, “Ampeu, nono kimiye chekeu ye sü anie.”

John 11:36

Ikehu Jewmi no pi, “Pa ye kishi Lazarus kimiye chekeno julo!”

John 11:5

Jisü ye Martha eno li tsünipu ngo Lazarus kimiye che.

John 14:27

I no nongu gholo aloino keu qhitsü ani; Iw aloino keu I no nongu tsüani. Ayeghilomi no tsü chekeu toi nongu tsü anike kumoe. Nongu mlo kütakihi kevilo, momu msa kevilo.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

John 19:26

Kughou Jisü no paza ngo pa no kimiye chekeu akhopeu tile puthugho akeu ithulu keno, pa no paza vilo pi, “Totimio, hi no o nuke!”

John 21:20

Peter no ighowo Jisü no kimiye chekeu akhopeu no pama pape cheghi keu ithulu, akhopeu huye aghulhu lo Jisü mungupe ngono, “Ampeu, khuu no o thechu niye ani kea?” ipi ighiju keu ke.

1 Kor. 16:13

Tsükhüi jukuto lo, aküpülü lo mtotoi puthugho lo, amlo kumto shilo.

2 Kor. 12:9

Ikemu Pa no I vilo pi, “Iw küpükini ye o ghenguno lukümkhae, kughengu I küka ye miqemlei kelono kupukülailu cheni.” Tighenguno ni ye aloviqhiyi Iw miqemlei keu lo alau qhezani, tishianguno Khristo küka no I shou apeni.

Ephesiami 6:10

Ashekhashi, Ampeu küka kumto lono mtotoi shilo.

2 Tim. 2:1

Tishiaye, I nu, no ye Khristo Jisü gholo küpükini akeu vecheo mtotoi shilo,

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

XAKUTHAMI 6:23

Ikemu Ampeu no pa vilo pi, “Aloino alo! Msa kevilo; no ye thimo nani.”