DANIEL 10:16 - Sumi Naga CL (Re-edited) Bible (BSI)

¹⁶ Eno julo, timi nuliqo jukimihi lakhi no I mütsü butsü. Tile I no I kichi xükho no pi. I no khuu I zülo puthugho akeno pa vilo pi, “O I mpeu, kungunhetsü kiqi ghenguno aghime I shou ikughivae, eno ni ye aküka kühavae.

BAIBEL (BSI)

¹⁶ Tileno kungumi lakhi timi toi keuno pau chho puwono imtsu butsu. Ino pa vilo pi, “Akijeu, kungunhetsu ithulu keu lono niye ighono qei thuthu shi itha akeu tamlavea.

DANIEL 10:16 Iomraidhean Croise

IPEKULU 4:10

Ikemu Moses no Ampeu vilo pi, “O I Mpeu, ni ye atsa pikithimi kumoe, wovekeu lo shi aghina Nono o qeu pütsave kethiu namu, ni ye atsapi asheshi eno pikukho chenie.”

IPEKULU 4:13

Ikemu pa no pi, “O I Mpeu, kimiyeno kütami khuana puwuve lo.”

YETSAPIU 1:18

Kughengu alokütsü alau shikeu lo amloksa alau ani, khuu no akighithi alau ani keno amlo ghime alau ani.

ISAIAH 6:7

Pa no I mütsü ditsü no pi, “Hi no o mütsü dive tsüae; o kipimi süwuve tsüae eno o xine peve tsüae.”

JEREMIYA 1:9

Tishino Ampeu no Pa u pesü I kichi butsü eno I vilo pi, “Julo, I no I tsa pesü o kichi lo süve tsüae.

EZEKEL 1:26

Tipaqo kütsü shou aliho lo kükalakhü toike lakhi ae, tipau ye sapphire tu mihi; eno kükalakhü toike shou timi jukimihi toike lakhi no iqa ae.

EZEKEL 3:27

Ikemu kughou I no o pütsani keno, I no o kichi xükho tsü nani, eno nono panoqo vilo, ‘Ampeu Alhou no ishi piani’ ipi nani. Khuu no chiluni keno, pa no chilu pelo; eno milive keu no milive pelo, kughengu panongu ye hekibide laghami ke.

EZEKEL 33:22

Pokaighi keu huno ighini ke jilo Ampeu u no I shou ae; eno thanau timi huno ighike ghuloki lo Pa no I kichi xükhotsü, ikehu I kichi ye xükho luve no ni ye atsa pimlave keu shimove.

DANIEL 12:8

I no chiluve, ikemu ni ye vethamlave. Tileno I no pi, “O I mpeu, thime hipaqo ye kishi ashekha shive nani kea?”

DANIEL 4:19

Tishino Daniel, khuu je Belteshazzar keno, pa ye ado hami aghüthisüve, eno pa kükümsü no pa shithüghüive. Akükau no pi, “Belteshazzar, asamo eno tipau hekupho no o shithüghüi pe kevilo.” Belteshazzar no khochile no pi, “I mpeu, asamo hu ye khunono o mithi cheni keno panoqo ghenguno shi aghive peniu, eno tipau hekupho no o ghümiqo ghenguno shi aghive peniu!

DANIEL 7:15

“Ni, Daniel ye, I lolo I ghungu no kütakihi ae, eno kungunhetsü hu no I shithüghüive.

DANIEL 7:28

“Hi no avehu kishekhave ani. Ni, Daniel ghengu ye, I kükümsü no ighono I shithüghüive eno I ju ye kilive, ikemu I no hipa vehu I mlo lo qhiluve.”

DANIEL 8:15

Ni, Daniel, no kungunhetsü ithuluve kethiu, I no tipau vethaluni ke phujue. Julo, timi koghe toike lakhi I zülo puthugho aghi.

DANIEL 8:17

Ikehu pa no I no khile puthugho akeno tile ighi. Kughou pa no ighi keno, ni ye msave eno I gi pishiqho luve. Ikemu pa no I vilo pi, “O timi nu, kungunhetsü hu ye ashekha ghuloki ghenguno kepi vethalulo.”

DANIEL 8:18

Pa no I pütsave kethiu, ni ye I gi ayeghi lo dape zücheive. Ikemu pa no I buno I pelo puthughope.

DANIEL 8:27

Eno ni, Daniel, ye atsala hami süve no ihozüve. Tithiu ni ye ithughive no akükau kümlapu lo wuve, ikemu ni ye kungunhetsü ghenguno aveghüzü shino tipau vethamlave.

DANIEL 9:21

I no akighini shi ake lono Gabriel, timi khuu kungunhetsü atüghüu lono I no ithulu püa keno, pa no mtazü avelau ghakishi ghuloki lono I lau yeighi.

Luke 1:64

Paikhavi no pa kichi eno amili xükhove tsü, eno pa no atsa piluve no Alhou sheqhe thuve.

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

John 20:28

Thomas no pa khochile, “I Mpeu eno I Lhou!”

JOSHUA 5:14

Timi huno khochile, “Moe, Ni ye Ampeuw ghüshimi zatsüu ke.” Joshua no ikiqi pa gi no ayeghi dape mlla no pi, “I mpeu ye pa qeu pelo kiu shipenishi ani kea?”

Piyeküsü 1:13

eno tipau mta lo Timi Nu toike lakhi, chijeboike phi kushuo pepusü ameshoyi mlaküxa no pa mla vehopu aghi.

XAKUTHAMI 13:8

Tile Manoah no Ampeu lau inikhu, “O Ampeu, Nono Alhouw timi puwu keu pelo ni lau itaghi ighi pelo eno anu punu niye akeu hu kishi saputhuni keno ni shika piyetsü pelo.”

XAKUTHAMI 6:13

Gideon no pa vilo pi, “I mpeu, I pelo inijulu pelo, Ampeu no ni gholo aniaye kushiye hi kümtsü ni pelo sholu anipe kea? Eno ni puasü no Paw akümzapu kümla ghili, ‘Ampeu no Egypt lono ni saipeghi ke kumo keshea?’ ipiche keqo khile ani kea? Ikemu itehi ye Ampeu no ni phevae eno ni pesü Midianmi u lo süve tsüae.”

XAKUTHAMI 6:15

Gideon no pi, “Ampeu, ikemu kishino ni ye Israelmi xaluni kea? Julo, Manasseh shiaye lo ni laghau no akimqeu, eno ni limi dolo ghi niu no akimkheue.”