DANIEL 10:14 - Sumi Naga CL (Re-edited) Bible (BSI)

¹⁴ eno ighini keu tsala lo ow timiqo lau kiu shiniye ani keno o pelo vethalu peniye ighi ani. Kughengu kungunhetsü ye ighini keu tsala ghenguno ke.”

BAIBEL (BSI)

¹⁴ Ino olau ighi akeuye owu timiqo shou kiu ighi nani keno opelo ithive peniyeke. Hipau kungunhetsu nono ithulu keuye ighinikeu ghilike.”

DANIEL 10:14 Iomraidhean Croise

BOTHUBO 49:1

Tithiu Jacob no pa nuliqo kuno pi, “Nongu aqoshi hekütsülo, tishianguno ighini keu tsala lo nongu lau kiu shinani keno I no nongu vilo pini.

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

EZEKEL 12:27

“Timi nu, julo, Israel laghami no pie, ‘Pa no kungunhetsü ithulu keu ye ghulo kütau ghenguno ke, eno hithiu ado kushuo lo ghenguno ke.’

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.

DANIEL 10:1

Akükau Cyrus mpe aküthüu lo Daniel, khuu Belteshazzar ipi kuvetsü keno, pa lau atsa lakhi piyesü. Atsa huye kuchou, eno tipau ye aküküpna kije vehuke. Pa ye atsa vethaluve eno kungunhetsü vethakulu ghi ae.

DANIEL 12:4

Ikemu no, Daniel ye ashekha ghuloki ighi moke kutolo atsa hu kütsüpe qhivelo eno kaku mekhape qhivelo. Kutomo no huju woju nani, eno akighithi ikoishe wove nani.”

DANIEL 12:9

Pa no pi, “O la lo wuvelo, Daniel, kughengu ashekha do ighi moke kutolo atsa huye khathave eno mekhape qhivae.

DANIEL 2:28

ikemu Khuu tuqhou küsü püakeu pephe piye cheni keno, Alhou hu kungugha lo ani, eno Pa no akükau Nebuchadnezzar lau ighini keu tsala lo shiniye akeu ithive apeke. O samo eno kungunhetsü nono o lüpa lo ihozü akelo ithulu keu ye hipaqo ke:

DANIEL 8:16

Eno Ulai zümkü lono timi lakhi sütsa I no chilu, tipau no pi, “Gabriel, timi hipau pelo kungunhetsü vethalu pelo.”

DANIEL 8:26

Avela ngo inaqhe kungunhetsü piqhive keu hu ye kuchoue, ikemu ti ye mekhape qhivelo, kughengu tipau vehu ye ado kushuo chephike.”

DANIEL 9:22

Pa no I pelo vethalu pe, I pütsa eno pi, “O Daniel, ni ye kimchikulu eno vethakulu o tsüniye ighivae.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

MICAH 4:1

Ashekha tsala lo hi ighi nani Ampeu ki akeu naghuto ye, kümtsü gholo akiqheu shive nani, eno atoghiqo nguno akiqheu shi ikhiqhe nani; ashiayeqo no tile chokive ighi nani,

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

AKIKIHI 24:14

Itehi ni ye niw timiqo lau woniae, ikemu timi hipaqo no hithiu now timi lau kiu shinani keno I no o kütüghüve tsüni.”

ZAKINIU 31:21

Eno kughou alhoksa ngo shiluküsa kutomo panongu shou ikughini keno, ale hipau no pano shou thopi shinani (kughengu ale hipau ye kümsüma mono pano tianuli gholo ache nani). Kughengu I no panongu sailo chekeu yeghi lo panongu ye kiu shive nani keno, ishi nomu Ni ye ithi ani.”

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

ZAKINIU 4:30

Nongu no shiluküsa lo akelo, eno hithiu hi kümtsü nongu shou ikughive kethiu, nongu no Ampeu nongu Lhou lau ideighi nani eno Pa gholu nani.

2 Tim. 3:1

Ikemu hi vethalu lo, ashekha tsala loye aveküsa ghuloki ighi nani.

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.