DANIEL 1:2 - Sumi Naga CL (Re-edited) Bible (BSI)

² Ampeu no Judah kükau Jehoiakim eno pa gholono Alhou kilo tinhemgha hami Nebuchadnezzar u lo phesüve tsü. Pa no Shinar yeghi lo pa lhou kilo tipaqo süghi eno pa lhou kinibo lo qhive.

BAIBEL (BSI)

² AMPEU no pa pelo Akukau Jehoiakim kughaluvepe eno achinekilo akeu kuakini hami suxaluvepe. Pano idewo ke ghulokilo pa gholo akughumi ghi sasu Babilon lo pano lhou chinekilo wu eno suxakulu nhemugha kumqope pano chineki kokutha bolo ghakutsu pe qhive.

DANIEL 1:2 Iomraidhean Croise

BOTHUBO 10:10

Pa kükaqha hukuthu ye Babel, Erech, Accad, eno Shinar yeghi lo Calneh.

BOTHUBO 11:2

Timiqo no kipelau no phuthe ighi kelo, panongu no Shinar yeghi lo aqa lakhi ithulu eno tilau küghünave.

KUKAMI AKINIU 24:1

Jehoiakim ghuloki lono Babylon kükau Nebuchadnezzar ighive eno Jehoiakim ye ampe küthü pa qholo ngove. Tithiu pa no hebidethu.

YEKIKITHI AKINIU 36:5

Jehoiakim ye ampe muku pungu shi akelono ayepelu eno Jerusalem lono ampe chighiqhaqhi ayepe. Pa ye pa puasüqo no shike toi Ampeu zülo kiu no axine keno shike.

YEKIKITHI AKINIU 36:7

Nebuchadnezzar no Ampeu kilo abohuqo hami pesü wuve eno Babylon lo pa kükaki lo qhive.

EZRA 1:7

Ampeu ki lo abohu, khikhi Nebuchadnezzar no Jerusalem lono ikhisü wuve no pa lhouqo kilo qhive keno akükau Cyrus no tipaqo pechile ighive.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 42:24

Khuu no küpükami u lo Jacob süve kea? eno Israel pesü xülepuwu kemi u lo süve kea? Ti ye Ampeu khuu shou nino axine shive keno, Pa no ke kumo? Pa laghi lo panongu no wumove, eno ningu no Pa yezahqo gholumove ke.

JEREMIYA 25:1

Josiah nu Judah kükau Jehoiakim yepe mpe abidiu lo Judah lo timiqo ghenguno Ampeu tsa Jeremiah lau ighi, (ti ye Babylon kükau Nebuchadnezzar yepe mpe atüghüu lono),

JEREMIYA 27:16

Ikehu I no achinemi eno timiqo vilo pi, “Ampeu no ishi piani: Tungkupmi khunono nongu vilo tungkuptsa, ‘Julo, ado kushuo womono Ampeu chineki lo akhu ajukhuqo süwuve keu Babylon lono süchile süghive nani,’ ipi cheni keno tipaqo tsa ini kevilo, kughengu ti tungkuptsa ye akimki ke.

JEREMIYA 28:3

Ampe kini dolono Babylon kükau Nebuchadnezzar no Ampeu ki lono akhu ajukhu xapusü Babylon lo wuve keu I no süchile süwo a-a hile qhive nani.

JEREMIYA 35:11

Ikemu Babylon kükau Nebuchadnezzar no ayeghi lenike ighi kelo ningu no pi, ‘Ighilo, ningu Chaldeami eno Syria ghüshimi kümsa ghenguno Jerusalem lo wuveni.’ Ikehu ningu ye Jerusalem lo xüani.”

JEREMIYA 50:2

“Shiyeqo gholo sheshulo, michiphi süqhe no pikülhalo, küsüpe qhikevi no veküphalo: ‘Babylon ye leluvae, Bel ye shikujovae, Merodach ye aghüthi süvae. Li julhoqo ye shikujovae, Li julhoqo ye aghüthi süvae.’

JEREMIYA 51:44

I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

DANIEL 5:13

Tithiu Daniel sasü akükau zülo ighi. Akükau no Daniel vilo pi, “Judah lono haphe sawuve kemi, khuu I pu, akükau no saighi keno, no ye Daniel huke lae.

DANIEL 5:18

O akükau, Shishe Akiqheu Lhou no aküka, kiqhekighe, ajuküvü eno kükanguagha o pu, Nebuchadnezzar tsüe.

HABAKUK 1:16

Ikehu pa no aghakishi pesü pa khame tsü eno akümllagho pesü ghokütsü keu khame tsüe; kughengu tipaqo vecheo pa ye tule-pele xüani, eno pa chuqupu ye nibonilei anie.

ZEKHARIA 5:11

Pa no pi, “Tipau ki mla tsüniye Shinar yeghi lo pewu cheni. Kughou no aki tipau shiqhiveni keno, pama no ashoghi pesü tile qhive nani.”

ZAKINIU 32:30

Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

XAKUTHAMI 2:14

Ikehu Ampeu no Israelmi lau ighono axuideve no panongu pesü süxakuchumi tsüve no tipaqo no pano xüle puwuve pe. Pa no pano ghümi u lo panoqo jesüve, tishikeu lono Israelmi ye kiu nomu panongu süshokulupu shimlave.

XAKUTHAMI 3:8

Tighenguno Ampeu no Israelmi lau axuideve no panoqo pesü Mesopotamia kükau Cushan-rishathaim u lo süvetsü. Tishino Israelmi ye ampe tache Cushan-rishathaim qeche.

XAKUTHAMI 4:2

Ikehu Ampeu no Canaanmi kükau Hazor ghakhu lo akükau Jabin pelo panongu leluvepe. Paw ghüshimi shou zatsüu ye Harosheth-hagoyim ghami Sisera.

SAMUEL ATUGHIU 5:2

Tithiu Philistiami no Alhouw Puloshoqhi Bohu pesü Dagon kilo ighi no Dagon ijeghi qhive.