DANIEL 1:17 - Sumi Naga CL (Re-edited) Bible (BSI)

¹⁷ Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

BAIBEL (BSI)

¹⁷ Alhou no akighithi kutho eno akukumsu kutho kighithi pesu apumi pano bidi tsu, tipa shou ghi kungunhetsu eno asamo pekide lupekepu agho Danel tsuke.

DANIEL 1:17 Iomraidhean Croise

KUKAMI ATUGHIU 3:12

julo, I no o tsa kiqi lono shitsüni. I no alokütsü eno kimchi kulupu o tsüni, eno o züu o thiu khunomu o toi ipeghimo nani.

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

YEKIKITHI AKINIU 1:10

Itehi ye timi hipaqo sapheni ke alokütsü eno akighithi I tsülo, kughengu khuu no Ow timi hijeje shou ayepe luni kea?”

YEKIKITHI AKINIU 1:12

alokütsü eno akighithi ye o tsüvae. Itaghi I no küakini, amheghi, eno ajekipi o tsüni, ti ye o züu kükami khunomu ithulu püamo eno o thiumu khunomu ithulumo nani.”

YEKIKITHI AKINIU 26:5

Zechariah no xüake lo Ampeu sükümsa lono pa kütsü che, eno pa no Alhou pülü ake tivilo Alhou no pa pelo ikoishe lupe.

JOB 32:8

Ikemu timi lolo anguagha akeu, Akughushuu tuthu huno pa pelo ithikuthulu cheni peke.

AHOLE 2:6

Kughengu Ampeu no alokütsü tsücheni; Pa kichi lono akighithi ngo vethakulu ipeghi cheni.

YETSAPIU 2:26

Kughengu khuu no Pa pulou shi keno Alhou no alokütsü, akighithi, eno alokiqi pesü tsü cheni, ikemu Pa no axinemi pelo hekütsü eno kikepe qhino Alhou lopushi chekemi tsüvepe cheni. Hi ghi adou eno amülhü küghaju püha chekeu ke.

ISAIAH 28:26

Kughengu pa ye achipishi pa Lhou no kütsüshika püani ke.

EZEKEL 28:3

no ye mtsüqheino Daniel nguno alokütsüu; kiu tuqhoumu o launo küsü mla;

DANIEL 1:18

Ado kishekhave kethiu, kughou akükau no panongu sailoghi peniye azah tsü keno, shokomi atou no Nebuchadnezzar zülo panoqo saighi.

DANIEL 1:20

Eno akükau no panoqo vilo alokütsü eno vethakulu vehu ighiju ke kümtsü lo panoqou no kükaqha lo küdüumi eno shiküghüzü chekeqo nguno ghuthu chighi akiviu shi pa no ithulu.

DANIEL 1:4

lhothemi tukutiye küha kemi, aju-aqoghe kivimi, phuithai alokütsümi, akighithi küami, akighithi vethakulumi, akükau kighiki lo puthugho luni kemi saghipe no Chaldeami tsaiko eno atsa panoqo shika peniye shie.

DANIEL 10:1

Akükau Cyrus mpe aküthüu lo Daniel, khuu Belteshazzar ipi kuvetsü keno, pa lau atsa lakhi piyesü. Atsa huye kuchou, eno tipau ye aküküpna kije vehuke. Pa ye atsa vethaluve eno kungunhetsü vethakulu ghi ae.

DANIEL 2:19

Tithiu putho lo kungunhetsü lakhi lono tuqhou küsü püakeu Daniel lau pephe piye. Tileno Daniel no kungugha Lhou shikimthi.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 2:23

O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

DANIEL 2:30

Ikemu I ghengu ye, tuqhou küsü püakeu hipau I lau pephe piye keu ye xüakemi kümtsü dolo kiuala lokütsü kütami nguno alau I no aghike ghenguno kumoe, ikemu hekupho huye akükau pelo ithiluve penike eno o pelo o lolo kükümsü ithilu peniye ke.

DANIEL 4:6

Tighenguno I no Babylon lo alokütsümi kümtsü I zülo saighi peniye xaküthaza tsü, tishino panongu pelo asamo hekupho I vilo pitsü peniye shike.

DANIEL 5:14

Alhouqo ghungu no o lolo ani, eno aküvü, vethakulu ngo akighiche lokütsü o lolo anie pi I no chiluvae.

DANIEL 7:1

Babylon kükau Belshazzar yepe mpe atüghüu lo, Daniel no pa lüpa lo ihozü akelo asamo eno kungunhetsü ithulu. Tithiu pa no asamo yepe qhive eno asamo akhoto vehu huye pivetsü.

DANIEL 8:1

Akükau Belshazzar yepe mpe aküthüu lo kungunhetsü lakhi atüghü lo I piyeve kethiu, itaghi ni, Daniel lau ipeghi piye.

AKIKIHI 12:6

Ampeu no pi, “I tsa inilo: Nongu gholo tungkupmi aghi kelo Ni Ampeu no I pesü kungunhetsü lono pa lau kilethitsü, eno asamou no pütsa cheni.

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

Apostolmi 6:10

Ikemu panongu ye Stephen no alokütsü eno Aghungu lono pikeu ghechile mlave.

Apostolmi 7:10

eno pa ghime küsa kümtsü lono xaphelu no Egypt kükau Pharaoh lopu shilu eno alokütsü shilupe. Ikehu Pharaoh no pa pelo Egypt yeghi lo yepeu shipe eno kükaki jukükütsüu shipe.

Apostolmi 7:22

Egyptmi kighithi lokütsü kümtsü pesü pa qoputhu, eno pa ye atsa eno akümla lo minhimghai ipeghive.

Kolosiami 1:9

Ikehu, ningu ye ti chiluke tsala lono nongu ghenguno inikhu tave mphie. Alhou vilo Pa pulou kighithi lono aghungu lo lokütsü eno vethakulu kümtsü pesü nongu shepichhi tsü penike ningu no khu ani,

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.