BOTHUBO 8:21 - Sumi Naga CL (Re-edited) Bible (BSI)

²¹ Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

BAIBEL (BSI)

²¹ Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

BOTHUBO 8:21 Iomraidhean Croise

BOTHUBO 3:17

Adam vilo Pa no pi, “Nono o nipu tsau inive no asübo khikhi, ‘No ye hipau lono chu kevilo,’ ipi I no azah o tsü keno, tipau xathi chuveke ghenguno, ayeghi ye o ghenguno müsüinivae; o küxü kupuju no ye aghime shi mlano chuniae;

BOTHUBO 4:12

Kughou nono ayeghi mlani keno, ti ye aghüma akeu qhemi athi pithi o tsümoae. No ye ayeghi lo kupokichemi eno kachena shiniae.”

BOTHUBO 5:29

pa je Noah kutsü no pi, “Ampeu no müsüinive keu yeghi lo nino ichheime mla chekeu lono hipau no akukuphu ni lau süghi nani.”

BOTHUBO 6:13

Alhou no Noah vilo pi, “Timi lhoxü kümtsü kishekhave tsüni keu shivae, kughengu panoqo vecheo ayeghiqha ye hekiqhi ghikiqhi no chhitoivae. Julo, I no ayeghi gholono panoqo kütsave nani.

BOTHUBO 6:17

Kughengu julo, atsütsü qholo timi lhoxü aküxü tuthu akeqo kümtsü kütsave nike ayeghi lo I no züqozü süghi nani. Ayeghi lo akeu thaqhü ye thive nani.

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

JOB 14:4

Mithekumo lono akimthe thime süghilu nanio? Khumu kühae.

LESHELE 51:5

Julo, ni ye axine lono punue, eno I za no axine lono I mishike.

LESHELE 58:3

Atita lo aphi lono kixikilami ye küqüve cheni; apunu lono ala vepimive eno akimki tsa picheni.

LESHELE 58:4

Panongu ye apighiw tüghü toi keu tüghü xapu cheni, tuopighi akini kughupou no chilu moveke toike,

IPEKULU 29:18

eno ambetsü kuchopu akiptia lono pitive lo. Hi ye Ampeu lau akipti kümllagho lakhi, Ampeu lopu xokütsüngü achuqupu kümllagho ke.

IPEKULU 29:25

Tithiu panoqo u lono tipaqo ikhilu no akümlla-khache shou no akipti kümllagho shi pitive lo, ti ye Ampeu lopu xokütsüngü, Ampeu lau achuqupu kümllagho lakhi ke.

AHOLE 20:9

“Ni ye I xine shikimthe luvae; I mlo ye tsüghükhüivae,” ipi khuu no pilu nani kea?

YETSAPIU 7:20

Mtsüqheino ayeghi lo timi khumu amikucho shi akivi mlano axine shimo kemi kühae.

ISAIAH 47:12

O sakiqhi shou eno ow küdüu jeli kutomo puthugho lo, tipaqo ye nono o lhothe lono peitha chekeu ke; tipaqo no o pelo toluvepe luvi; eno nono akümsapu süghi luvi.

ISAIAH 47:15

Nono kümtsa sasü mla ighi keqo ye hitoi ke, panongu ye o lhothe lono o sasü kümtsa ighivae; tipaqo ye pütüta laghi lo cheni; eno o xaluni kemi küha nani.

ISAIAH 48:8

Nongu ye khilemu chilu mphi, khilemu ithi mphi, khaghi nomu hipatsa nongu kini lo iloghi mphie. Kughengu I no ithi ake nongu ye pishikiqhimi eno nongu punu mphi lonomu nongu ye hekibidemi ipi kuche ke.

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

ISAIAH 65:6

Julo, I zülo hitoi yepüani: Ni ye inaqhoi ngomo nani, ikemu lochile nani; kuchou no I no pano lukobo lo lepukutsü nani.

JEREMIYA 17:9

Amlo ye thime kümtsü nguno pishikiqhiue, shipivimla kepushi sü ani; khuu no ti vethakulupu kea?

JEREMIYA 18:12

“Ikemu panongu no pi, ‘Ti ye adoue! Ningu ye ni kukughu pape nani; eno pütüta no kuthovi eno amlo lhoksa shikeu kiqi lono mla nani.’

JEREMIYA 8:6

I no amlokütsü shi ini kemu panongu no achipiu tsa pimoe; khunomu pa lhoksa lono xaide mono pi, ‘Ni ye kiu shive kea?’ Khurshi no shoxashi aghüshiqa lo poilo keshi kümtsü no pütüta la lo wuve.

EZEKEL 20:41

Kughou I no ashiayeqo gholono nongu saipeghi eno kuthole püakeu ghakhuqo lono nongu hekütsüni keno, I no alokiqipu xokütsüngü toi nongu ikhilu nani. Eno shiye kümtsü nhethe lono I no I kimthe nongu gholo pephe piye nani.

ACHINE 1:13

ikemu kighinoli eno apukhuqo ye pa no azü lono qhuveni. Tishino achineu no tipaqo kuchopu ikhipe pitiveni; Ampeu lopu mülüi keu xo hino akipti kümllagho ke.”

ACHINE 1:17

Pa no tipau chishibo tsüqüpe no sülaveni, ikemu sütha kütüta shimono akiptia lo ami iqü akeu lono pitiveni. Ampeu lopu mülüi keu xo hino akipti kümllagho ke.”

ACHINE 1:9

ikemu kighinoli eno apukhuqo ye azü lono qhuveni. Achineu no tipaqo kuchopu akiptia lono achuqupu kümllagho, Ampeu lopu mülüi keu xo shi ghi pitiveni.”

ACHINE 26:31

I no no phughiqo xaleve tsünani, akümlla-a kütsaleve tsüno nongu ghakishi xo ikhilu tsümo nani.

ACHINE 4:31

Külakishi kümllagho lo toi atha kuchopu pewo akiptia lono Ampeu lopushi mülüi keu xo tsünike pitiveni. Tishino achineu no pa ghenguno lokichile shitsü no pa kipimi qhivetsü nani.

ACHINE 8:28

Tishino Moses no panoqo u lono ikhipe akipti kümllagho gholono pitive. Hino mülüi keu xo akimthepu lo ikhiphe tsükeu kümllagho, achuqupu kümllagho Ampeu lau tsükeu ke.

AKIKIHI 15:3

eno ashoqhi shikupu keu momu pulokini kümllagho momu tiqhetini ghulhu ghenguno now lhoxü loji lono achuqupu kümllagho, akipti kümllagho, aghakishi kümllagho pesü Ampeu lopushi tsüngqüi tsüni keno,

MATTHEW 15:19

Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

John 3:6

Ashi lono kiu punu keno ti ye ashi, eno Aghungu lono kiu punu keno tino aghungue.

Rommi 1:21

Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

Rommi 3:23

kughengu kümtsü no axine shive no Alhou juküvü lono ikiqive,

2 Kor. 2:15

Kughengu khunoqo xaluve ani eno pühave ani keno, tipaqo gholo ningu ye Alhou lau Khristo xokütsüngü ke,

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

SAMUEL ATUGHIU 26:19

Tighenguno itehi I mpeu akükau no o qeu tsa inilo. Tsala Ampeu no o xukuthope I küla aghi aye, akümllagho Pa tsüve lo, ikemu timi no shi aghi aye, pa ye Ampeu zülo angusü shipeni. Kughengu panongu no Ampeu mheghi yeghi lo I saje kühave peniye ishi tsala lono I haphe no ishi piani, ‘Wuno kütami lhou qelo.’