BOTHUBO 8:1 - Sumi Naga CL (Re-edited) Bible (BSI)

¹ Ikemu Alhou no Noah, tüghashi tikishi eno lhoxü jeli ashuka lo pa gholo akemi kümtsü kümsülue. Eno Alhou no ayeghi shou amülhü mülhü ighipe, eno azü iqü ilovepe.

BAIBEL (BSI)

¹ Alhou no ashukakilo Noha ngo tughashi tikishi eno lhoxu kumtsu kumsu chilelue. Pano ayeghi shou amlhu mulhuwu pe eno azuno isuilo kithe thuve.

BOTHUBO 8:1 Iomraidhean Croise

BOTHUBO 19:29

Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

BOTHUBO 30:22

Tishino Alhou no Rachel kümsülu, eno Alhou no li sütsa chilu tsüno li tita khaqhive tsü.

BOTHUBO 9:10

eno ti ye aküxüküa lhoxü nongu gholo akeqo, aghau, tikishi eno ayeghi lo tüghashi nongu gholo akeqo, ashuka lono ipeghi keqo, ayeghi lo tüghashi kümtsü ghenguno ke.

NEHEMIA 13:14

Hipaqo ghenguno I kümsülu lo, O I Lhou, eno I no akümla kivi I Lhou ki ghenguno mla püakeqo ngo Pa qe huthu keu pühave tsü kevilo.

NEHEMIA 13:22

Tishino Sabbath tsala akimthe shi pini nike I no Levimi vilo pano shikimtheve eno wuno khaghoqo kheluve lo pi azah tsü. O Alhou hi ghengu ghi I kümsülu tsülo eno Ow iqemokeu kikimiye vecheo I pükhape qhitsülo.

NEHEMIA 13:29

O I Lhou, panoqo kümsülu lo, kughengu panongu no achinemi kümla ngo achinemi eno Levimi sasü puloshoqhi shikeu shikuchhubevae.

NEHEMIA 13:31

I no asü kümllagho ngo amsüu xathi küma ghenguno kishekulu shi kutove tsü. O Alhou, akivi ghenguno I kümsülu tsülo.

JOB 12:15

Pa no azü khatha luve aye, ayeghi ye qhaive cheni, Pa no phepuwuve aye tino ayeghi yimive cheni.

JOB 14:13

O Nono I küghape Kithigha lo küsüve keaye, O loghu kishekha moke kutolo I küghütshüve keaye, eno I ghenguno ado kihitha tsüno I kümsülu tsü keaye lae!

LESHELE 105:42

Kughengu Pa no Abraham, Pa qeu, eno Pa kimthe shoqhi kümsülu ke.

LESHELE 106:4

Kughou Nono Ow timiqo lau Ow kikimiye piyeni keno I kümsülu lo, O Ampeu; Kughou Nono panongu xaluni keno, I kuphu tsülo,

LESHELE 115:12

Ampeu no ningu kümsülue; Pa no ningu kümgha tsü nani; Pa no Israel kibolomi kümghatsü nani; Pa no Aaron kibolomi kümghatsü nani;

LESHELE 132:1

O Ampeu, David no shiluküsa lo kutuu keu kümtsü je lono pa kümsülu lo,

LESHELE 136:23

Ningu no anguküsa sholu kelo Pa no ni kümsülue, kughengu Paw iqemokeu kikimiye ye alholo acheni;

LESHELE 137:7

O Ampeu, Edommi no Jerusalem leighike tsala lo panongu no pi, “kuboleve lo, kuboleve lo, iqi aboqhaqo kutolo kuboleve lo” ipikeu kümsü lulo!

LESHELE 29:10

Ampeu no azüghi shou kükalakhü lo iqa ani; Pa ye alhokupuju akükau shi kükalakhü lo iqa ani.

LESHELE 36:6

O mikucho ye Alhouw naghutoqo toike; Ow küghakütha ye azüghi kutho toike; O Ampeu, Nono timi eno tüghashi xalue.

IPEKULU 14:21

Tileno Moses no azüghi shou pa u chhophe, eno Ampeu no puthotsü kipela mülhü kümka pesü azüghi fuchile puwove tsü, eno azüghi pesü qhaike yeghi shive tsüno azü kijethave tsüe.

IPEKULU 15:10

Nono O mülhü puwu; azüghi no panoqo küzüluve; aküsayi toi panoqo ye akughushu züghi lo itsüilove.

IPEKULU 2:24

Alhou no panoqo mloghuju chilu, eno Alhou no Abraham, Isaac, eno Jacob sasü puloshoqhi shikeu kümsüchilelu.

AHOLE 25:23

Ahuu mülhü no tsütsüghu süghi cheke toi xikishi mili no amlo kighide süghi cheni.

ISAIAH 44:27

Khuu no akuthoku vilo, ‘Qhaivelo; I no o züghi chethove tsüni’ ipi kea?;

JEREMIYA 50:38

Li züghi ye chethovepe nani! Kughengu aghakhu ye ajulho yeghi shivae eno panongu ye ajulho no shiküghüzü auvae.

AMUS 8:7

Ampeu no Jacob qheküza ghenguno tushoqhivae: “Mtsüqheino Ni ye khilemu pano kümla kümsümamo nani.

JONAH 4:11

Imaye Ni ye mishighüna kuloghi Nineveh, khile timi lakh lakhi qhethonhe muku shou ani eno pichepighi ghi tijeje ani keno, tipaqo ghenguno amlosa moni keshea? Panongu ye pano u ajeu ngo piyiu ghi mtha kemie.”

NAHUM 1:4

Pa no azüghi lomipi no qhaive tsü; Pa no aghoki kümtsü qhaive tsü; Bashan eno Carmel ye ighüyivae; Lebanon xamunu ye ighüyivae.

HABAKUK 3:2

O Ampeu, I no O sütsa chiluvae, eno O kümla sümsa ani. Ni ghuloki lo ghi O kümla püxükithe tsüno ni pelo tipau ithi pelo; aloghu lo kimiyekini kümsülulo.

ZEKHARIA 10:11

Pa no aveküsa züghi kathasü wuno azü fukukucho ghasü nani, eno Nile züghi kuthoku kümtsü qhaive nani. Assyria qheküza kuchunive tsü eno Egypt kükaküsü kishekhave tsü nani.

AKIKIHI 10:9

No yeghi lo aghümi khunono nongu qhasü cheni keno, nongu no tipaqo sasü aghü küpüghüni kelo afuko ikhonhei igha no kütüghüni, tishianguno Ampeu nongu Lhou no nongu kümsülu eno no ghümi launo xalu nani.

AKIKIHI 22:32

AMPEUw kungumi no pa vilo pi, “No ye kushiye ghuthu küthü kutolo ow khurha ghaqhi kea? Julo, ni ye o mjonike ighi ani kughengu o laghi hipau ye I zülo hekibide ke.

Piyeküsü 16:19

Aphughi akijeu ye amqo küthüshi itave, titoi ayeghiqha lo aphughi kümtsü ikiqi kütsa khave. Tithiu Alhou no Babylon akijeu pelo Pa loghu jukhu lo akeu kümtsü yeve peni keu kümsülu.

Piyeküsü 18:5

kughengu li xine ye amoqhe keshi iku kungugha to ani, ikehu Alhou no li kipimi kümsüchilelu anie.

SAMUEL ATUGHIU 1:19

Panongu no inaqhe itheno ithuve no Ampeu mllave; tithiu panoqo ye Ramah lo pano kilo idewove. Eno Elkanah no pa nipu Hannah ithive, eno Ampeu no li kümsülu.