BOTHUBO 50:18 - Sumi Naga CL (Re-edited) Bible (BSI)

¹⁸ Pa mu noqo ghi ighi no pa zülo pishiqho no pi, “Julo, ningu ye o qemiae.”

BAIBEL (BSI)

¹⁸ Tile pamunoqo ampino ighi no pazulo itsaiqi agigihu pa tsu. Panonguno pi, “Ninguye ozulo oqemi ake.”

BOTHUBO 50:18 Iomraidhean Croise

BOTHUBO 27:29

Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

BOTHUBO 41:43

Paw khurkulu akiniu lo pa pelo ikupe. Eno pa zülono panongu no pi, “Qhoqhünhe lo!” Tishino Pharaoh no Egypt yeghi kümtsü shou pa süküsü shive.

BOTHUBO 42:6

Tipa ghuloki lo Joseph ye Egypt yeghi lo angh shiae. Ayeghi lo timi kümtsü lau athi jetsü akeu huye pa ke. Joseph pamu noqo ghi ighi no panongu gi ayeghi lo pishiqho pe pa zülo itsaqi.

BOTHUBO 44:14

Kughou Judah ngo pa thiküzümi no Joseph kilo ighi keno, pa ye aki lo ngo aghi. Panongu no pa zülo ayeghi lo ikiqive.

BOTHUBO 45:3

Joseph no pa thiküzümi vilo pi, “Ni ye Joseph ke! I pu ye xüaphi keshea?” Ikemu pa thiküzümi ye pa khochile mlave, kughengu panongu ye pa zülo thüghüive ke.

BOTHUBO 50:17

‘Joseph vilo pilo, “Kimiyeno o mu noqo kipimi eno axine qhive tsülo, kughengu panongu no o lau küsakügha shive ke.”’ Itehi kimiyeno o pu Lhou qemiqo kipimi qhive tsülo.” Kughou panongu no pa pütsa keno Joseph no qauve.

BOTHUBO 50:19

Ikemu Joseph no panoqo vilo pi, “Msa kevilo, kughengu ni ye Alhou lakhü lo ngo ani keshea?