BOTHUBO 50:17 - Sumi Naga CL (Re-edited) Bible (BSI)

¹⁷ ‘Joseph vilo pilo, “Kimiyeno o mu noqo kipimi eno axine qhive tsülo, kughengu panongu no o lau küsakügha shive ke.”’ Itehi kimiyeno o pu Lhou qemiqo kipimi qhive tsülo.” Kughou panongu no pa pütsa keno Joseph no qauve.

BAIBEL (BSI)

¹⁷ Josef vilo ishi pilo, ‘Ino oqhuiniju anie, omunoqo kipimi eno panongu xine olau shipuku keu qhivetsulo.’ Ike opu Lhou no qemiqo hi ninguno kiu kipimi shipuani keno qhivetsunima!” Panonguno pavilo hitoi pikeulo Josef no qa thuve.

BOTHUBO 50:17 Iomraidhean Croise

BOTHUBO 31:42

Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”

BOTHUBO 45:8

Ikehu nongu no I puwuve ke kumoe, ikemu Alhou noke. Pa no I pelo Pharaoh pa pu toive pe, eno pa kibo kümtsü lo ampeu shino Egypt yeghi kümtsü shou ayepelu peke.

BOTHUBO 49:25

o pu Lhou, o kuphu tsükeu, Akughushuu kükümgha, kunguu atsütsü lo eno aqhou azü kutho lo akeu, akichhi ngo atita kükümgha pesü o kümgha tsüke ghenguno ke.

BOTHUBO 50:16

Ikehu panongu no Joseph lau atsape lakhi pi puwu no pi, “O pu no thinike zülono azah hipau tsü:

BOTHUBO 50:18

Pa mu noqo ghi ighi no pa zülo pishiqho no pi, “Julo, ningu ye o qemiae.”

BOTHUBO 50:20

Nonguu ye I shou küsakügha shiniye shike, ikemu Alhou no akivipu ghenguno kughu tsüe, tishikeu lono ishi tsala lo timi hi kutomo xüaghi keqo küxü pükhalu peke.

LESHELE 21:11

Panongu no o shou alhoksa kuchughu namu pishikiqhi kuchughu aghi namu tokulu shimo nani.

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

MATTHEW 10:42

Khuu no I khopemie pikeu je lono azü kumko ajukhu lakhi pesü hipaqo gholo aghulou piyeni keno, kuchou no I no nongu vilo piani, pa ye kiu gholau nomu asaxü pühave monani.

MATTHEW 18:35

Ikehu nongu no amlo lono no thiküzümi kipimi peve tsümo aye, I Pu kungugha lo akeu no hitoi nongu lakhikhi lau shinani.”

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 6:12

eno ni lau alhoksa shikeqo kipimi nino pevetsü ketoi, ningu kipimi ghi peve tsülo.

Mark 10:41

Kughou akhopemi chighi no hi chilu keno, panongu ye James ngo John pama jupe aghaideve.

Galatiami 6:10

Tishiaye ningu no ado kivi ithuluke kümtsü lo timi kümtsü lau akivi kümla shini, eno akhotoshi khunoqo aküpülü lo kibolomi shive akeno panongu lau mlani nolo.

Galatiami 6:16

Khunono hipa khuaye lono checheni keno, aloino keu eno kimiyekini no pano shou, eno Alhouw Israelmi shou apeni.

Ephesiami 4:32

Lakhino lakhi lau amlo qhaqhilei eno mtshaivü lo, Alhou no Khristo vecheo nongu kipimi qhivetsü ketoi nongu lakhino lakhi kipimi qhitsü kilelo.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.