BOTHUBO 49:8 - Sumi Naga CL (Re-edited) Bible (BSI)

⁸ “Judah, o thiküzümi no o sheqhe nani; o u no o ghümi kuo tsüqü luvetsü nani; o pu nuliqo no o zülo pishiqho nani.

BAIBEL (BSI)

⁸ “Juda, noye othikuzumino osheqheni keu ke, Nono oghumiqo akuo lono tsukiqhi nanie, Opu nuliqono ozulo khoqhunhe pe ogihu nani.

BOTHUBO 49:8 Iomraidhean Croise

BOTHUBO 27:29

Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

BOTHUBO 29:35

Tithiu itaghi li no mishipuve no anu lakhi punu, eno pi, “Ishi ye I no Ampeu sheqheni.” Tighenguno li no pa je Judah kuvetsü. Tithiu li ye atianuli punu move.

BOTHUBO 42:6

Tipa ghuloki lo Joseph ye Egypt yeghi lo angh shiae. Ayeghi lo timi kümtsü lau athi jetsü akeu huye pa ke. Joseph pamu noqo ghi ighi no panongu gi ayeghi lo pishiqho pe pa zülo itsaqi.

BOTHUBO 46:12

Judah nuli: Er, Onan, Shelah, Perez, eno Zerah (ikemu Er ngo Onan pama ye Canaan yeghi lono thive); eno Perez nuli no Hezron ngo Hamul.

SAMUEL AKINIU 22:41

Nono I ghümi, I mithi kemi pelo I launo tsüghüve pe, eno I no panongu kütsave ke.

SAMUEL AKINIU 24:9

Eno Joab no aqo lono hitoi timi kihipe akükau tsü: Israel lo aghütomi azütakikihi kipemi lakh tache, eno Judah lono lakh pungu.

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

YEKIKITHI ATUGHIU 28:4

Ikeghi Ampeu, Israel Lhou no ni lagha lono alholo Israelmi shou akükau shi penike I kishelu. Kughengu Pa no Judah lagha pesü sakiphemi shi kishelu püzü Judah lagha lono ni limi kishelu, eno ni limi dolo ghi Pa no I pelo Israelmi kümtsü shou akükau shipenike Pa züküvü shike.

YEKIKITHI ATUGHIU 5:2

Judah lagha no mtotoi shi pa thiküzümi ghüsü luno atou ghi ipeghi kemu anoghiu mheghiu no Joseph sala shive aghi),

YEKIKITHI AKINIU 14:8

Asa ye Judah lono ghüshimi azüto kijeje kipemi ngo angu kipemi lakh küthü, eno Benjamin lono azüto kipemi ngo shexilika kipemi lakh kini qhethonhe lhotache ache. Hipaqo kümtsü aghütomi ke.

YEKIKITHI AKINIU 15:9

Pa no Judah ngo Benjamin timi, Ephraim ngo Manasseh eno Simeon timi khunoqo panongu gholo küghüna chekeno kümtsü hekütsü, kughengu Ampeu no pa gholo akeu timi kütsasa no ithulu kelo panongu no Israel qhive no pa lau ighive.

YEKIKITHI AKINIU 17:2

Pa no Judah lo aliwo kumto mishighüna kümtsü lo, eno Ephraim lo mishighüna papu Asa no hakholu keu kümtsü lo aghukhemi qhive.

YEKIKITHI AKINIU 30:11

Tishimu Asher ngo Manasseh eno Zebulun laghami khami ye kuchunive no Jerusalem lo ighi.

LESHELE 76:1

Judah lo Alhou ithi ani; Israel lo Pa je ye kije ke.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

EZEKEL 21:29

panongu no nongu ghenguno kichile kungunhetsü ithulu eno nongu ghenguno akimki saqhi akelo azütakikihi ye shikitiqe kemi kixikilami kuo lo ikughi nani, panoqo ghime ashekhau do, pano tsala ye ighivae.

AKIKIHI 1:27

qhethonhe lhotsüni bidi no aqhe tsügho.

AKIKIHI 10:14

Judah ghazü no atüghüshi panow michipu pesü aloji kiqi lono chewu, Judah loji tou no Amminadab nu Nahshon.

AKIKIHI 26:20

Judah lagha: Shelah, Perez, Zerah.

AKIKIHI 26:22

Judah lagha lo qhethonhe lhotsüni tsügho no aqhe pungu.

ZAKINIU 33:7

Judah ghenguno pa no pi: “O Ampeu, Judah sütsa ini tsülo, Paw timi gholo pa sachile ighilo. O u pesü pa ghenguno mla tsüno pa ghümi launo kuphu tsülo.”

IBRIMI 10:13

eno itehi kutolo Alhou no pa ghümi pesü pa pukhu kinepu shitsü moke kutolo ngokhe ani.

IBRIMI 7:14

Ni Mpeu ye mtsüqheino Judah laghami ke; eno Moses ye pano lagha jeku püamoe.

JOSHUA 10:24

Joshua lau ighi, Joshua no Israelmi kümtsü kukütsü no pa gholo wukemi ghüshimi shou atomiqo vilo pi, “Hilau kupunu ighilo, nongu pukhu no kükami hipaqo kuo lo nepuku lo.” Panongu no titoi shive.

JOSHUA 15:20

Hipaqo no Judah shiaye, ali kiqi lono, amheghi shitsü keqo.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 5:5

Tileno layemi gholo lakhi no I vilo pi, “Qa tavelo; julo, Judah shiaye lo Abongshuu, David kuhu aghü, huno theqhi luvae, ikehu Pa no michida tsüni lhave no liküküzü kaku xükho nani.”

XAKUTHAMI 20:18

Israelmi no Bethel lo iqho no Alhou vilo iniju, “Ningu dolo khuno lagha paghino Benjamin lagha sasü aghü shini kea?” Ampeu no khochile, “Judah lagha paghino iqhoni.”