BOTHUBO 49:29 - Sumi Naga CL (Re-edited) Bible (BSI)

²⁹ Tishino pa no panoqo azah tsüno pi, “Ni ye Iw timi gholo hekütsü luve niye shivae; Hittimi Ephron luza lo atuki akeu lo I puasü gholo I shiqhove lo,

BAIBEL (BSI)

^29-30 Jakob no panongu vilo ahza tsu ghi pi, “Niye ni timi kithimi gholo wuniae, ike Kanan yeghilo Mamre phu kipelau Makpela a-lo Hatimi Efron lulo akeu tukilo ipu noqo gholo ikumo qhotsulo. Abraham no atuki hipau ngo alu kuma Hatimi Efron launo akumokilive shiniye qhuluke.

BOTHUBO 49:29 Iomraidhean Croise

BOTHUBO 15:15

O ghengu ye, no ye aloino keu lono o punoqo gholo wuve nani; no ye ighono kitemi shive kethiuno shiqho nani.

BOTHUBO 23:16

Abraham no Ephron tsa inive, eno Ephron no Hittimi zülono ame piqhive keu kiqi lono Abraham no ghükayi ahu bidi, ti ye lhidimi kimghipu kiqi lono mighipe tsüve.

BOTHUBO 23:17

Ikehu Machpelah lo Ephron luza khikhi Mamre kipelau akeno tile atuki eno asüboqo akeu tipaqha kümtsü

BOTHUBO 23:20

Aluza eno tile atuki akeu ye Hittimi no Abraham lau amheghi lakhi shi akumo kuqho-a shi penike tsüve.

BOTHUBO 23:9

tishianguno pa no pighi akeu Machpelah tuki khikhi pa luza shekichi lo ani keno tipau I tsü penie. Nongu nhethe lono akumoki ghenguno amheghi lakhi shi ame lono I tsüve pelo.”

BOTHUBO 35:27

Jacob no Abraham ngo Isaac pama no kachena shi acheke-a Mamre, momu Kiriath-arba (ti ye Hebron) lo papu Isaac lau ighi.

BOTHUBO 35:29

Isaac ye ateasü kutolo xüno thive eno pano timi gholo thihuve. Eno pa nu Esau ngo Jacob pama no pa kumo shiqhove.

BOTHUBO 47:30

ikemu I puasüqo gholo I shiqholo. Egypt lono I xapu ipeve no I panoqo thigho lo I shiqholo.” Pa no khochile, “Nono pi aketoi I no shini.”

BOTHUBO 49:28

Hipaqo no Israel shiaye chighikini. Panongu papu no hitoi panoqo kümghatsüe, lakhikhi no aküzüpu shi aghikeu kiqi lono pa no kümghatsüe.

BOTHUBO 49:33

Kughou Jacob no pa nuliqo azah tsü tave keno, pa no alüpa lo pa pukhu peqhe luve no pa tuthu kishekhave eno paw timiqo gholo hekütsü luve.

BOTHUBO 50:12

Ikehu pa no azah tsü ketoi pa nuliqo no titoi shitsüe,

BOTHUBO 50:13

panongu no pa xapu Canaan yeghi lo ighi no Hittimi Ephron luza, Mamre kipelau Machpelah luza lo atuki akeu, khikhi Abraham no akumoki shiniye qhü keno, tilehi pa shiqhove.

SAMUEL AKINIU 19:37

Kimiyeno o qeu pelo idewove pelo, tishianguno ni ye I phughi lo I pu ngo I za pama kumoki phivi lono thivenie. Ikemu o qeu Khimham hi anike pa pelo I mpeu akükau gholo wulu pelo, eno o ghenguno kiukiumu akivi pa pelo shipelo.”

IBRIMI 12:23

Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.