BOTHUBO 49:26 - Sumi Naga CL (Re-edited) Bible (BSI)

²⁶ O puw kükümgha ye I puasü noqo kükümgha nguno akijeu, mulholo toghiqow kükümgha nguno akijeu ke. Tipaqo no Joseph kütsü lo apelo, pa thiküzümi launo kütüta shive keu kütsü shou apeniu.

BAIBEL (BSI)

²⁶ alothi eno akupu wu kukumgha, kha-ghino achekeu naghuto wu kukumgha, alhokuthu achekeu tolo azukuvupuqo, hi kumtsu Josef kutsu shou ikughi peniu, khuu pa thikuzumiqo launo kututa shivekeu kishe shou ikughi peniu!

BOTHUBO 49:26 Iomraidhean Croise

BOTHUBO 37:28

Tithiu Midianmi lhidimi no katha ighi. Panongu no aqokutho lono Joseph sünhephe eno ghükayi shekel muku no Ishmaelmi vilo jepuwuve. Panongu no Joseph sasü Egypt lo wuve.

BOTHUBO 37:8

Pa mu noqo no pa vilo pi, “No ye kuchou no ningu shou kani kea? Ikeo no ye kuchou no ni shou ayepeni kea?” Ikehu pa samo eno pa tsa ghenguno panongu no itaghi alaushi pa mithiuve.

BOTHUBO 49:27

“Benjamin ye mihemzai keu tüngtügha, inaqhe no tsüqhi kijiliu no ti xulepuwu ke.”

LESHELE 132:18

I no akukujopu pesü pa ghümi pipe nani, ikemu küka kütsüqho no pa shou yepüvü nani.”

LESHELE 89:36

Pa tikughuko ye alholo ache nani khetsünhe ake tivilo pa kükalakhü ye I zülo anani.

ISAIAH 54:10

Naghutoqo no ikauve namu eno atoghiqo no ipa ikiqive namu, Iw iqemokeu kikimiye ye o launo wuvemo nani, eno Iw külakishi puloshoqhi ye ikhivemo nani,” ipi Ampeu o shou kimiyekini achekeu no piani.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

JONAH 2:6

naghuto kuhu lono ni ye ayeghi qhou iqive, tilau akhaduqo no alholo ghenguno I khathave; ikeghi O Ampeu I Lhou, Nono akuthoku lono I saipeghie.

HABAKUK 3:6

Pa no puthugho no ayeghi mighi; Pa no jupuwo no shiyeqo süküthü; tileno alholo naghutoqo ye apanaghave; alholo toghiqo no aqhou iqüilove. Pa laghi ye pülhapuju la ke.

AKIKIHI 6:2

“Israelmi pütsa no pilo, Kughou kiptimi momu totimi lakhi no pa kishe kütüta shipe Ampeu tsünike akimchi shoqhi, Nazirmi shoqhi, shini keno,

Apostolmi 7:9

“Apuasüqo no Joseph ju anheshu püzü Egypt lo pa jepuwuve; ikemu Alhou no pa gholo ae,

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,