BOTHUBO 49:10 - Sumi Naga CL (Re-edited) Bible (BSI)

¹⁰ Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

BAIBEL (BSI)

¹⁰ Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

BOTHUBO 49:10 Iomraidhean Croise

SAMUEL AKINIU 7:13

Pa no I je lono aki shiqhe nani, eno I no alhokupuju pa kükalakhü iqhikumto tsü nani.

SAMUEL AKINIU 7:16

O lagha eno o kükaqha ye alholo I zülo mtsüqhei anani. O kükalakhü ye alholo ghenguno shosüve nani.’”

YEKIKITHI ATUGHIU 12:24

Judah laghami azüta angu kipemi pano 6,800;

YEKIKITHI ATUGHIU 12:39

Ikehu panongu no atsala küthü kutolo David gholo ngono pano thiküzümi no kuto tsükeu chusho ae.

LESHELE 108:8

Gilead ye Iw; Manasseh ye Iw ke; Ephraim ye I kütsü kuqhoe Judah ye I yekipe küsü ke.

LESHELE 60:7

Gilead ye Iw; Manasseh ye Iw Ephraim ye I kütsükuqho; Judah ye I yekipe küsü ke.

LESHELE 60:9

Khuu no I sasü aliwo akeu mishighüna lo iloni kea? Khuu no I sasü Edom lo wuni kea?

LESHELE 78:68

ikemu Pa no Judah shiaye kisheluve Pa no kimiye chekeu Zion Toghi kisheluve.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 60:1

Ithu no yepüvü lo, kughengu o küvü ye ighivae, eno Ampeu juküvü ye o shou yepüvü ani.

ISAIAH 62:11

Julo, Ampeu no ayeghi shekha kuto sheshuvae, Zion ngaqo vilo pilo, “Julo nonguw xakuluu ye cheni, julo, Pa no asaxü pecheni, eno Pa no xaphe luve kemi no Pa züu shino cheni.”

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 30:21

Pano sakipheu ye pano dolo timi no shinani; pano yepeu ye pano gholono ipeghi nani; I no pa sasü aphivilo ighi eno pa no I kupunu ighi nani, kughengu khuu no I kupunu ighi luni kea? ipi Ampeu no asheshu.

JEREMIYA 33:26

Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

EZEKEL 19:11

Tipau loka mtotoi keu no yepemi kükaküsü shive; tino aghasa dolono chuqumghai thuikughi; aloka tubolei ipeghi keu no qhemghai ithulue.

EZEKEL 19:14

Eno ami no tipa bo lo akhuni lono ipeghi no axathi pitivae, ikehu abo mtotoi keu kühavae, kükaküsü küsü kühavae. Hi ye akumlo le lakhi eno akumlo shivae.

EZEKEL 21:27

Ixapinyi, ixapinyi, I no tipau ixapinyive tsü nani. Küghakütha ye milakhi khuuw keno pa no ighi moke kutolo, hipau ghi tishi pemo nani, eno I no tipau pa tsüve nani.

EZEKEL 21:32

Nongu ye ami lo süküghüpusü shive nani. Nongu ji no ayeghi lo pele nani. Nongu kümsüchilelu move nani, kughengu Ni Ampeu no piqhivae.”

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

HOSIYA 11:12

Ephraim no akimki pesü I süho, eno Israel lagha no pishikiqhi pesü I boluvae, ikemu Judah ye Alhou gholo chechephi eno Akimtheu lau pükhükulupu shi anie.

MICAH 5:1

Itehi now ghüshimi hekütsülo, O ghüshimiw ayiliu; ningu lenike khasüpe ngovae; panongu no aqheküsü pesü Israel xaküthau gilo ghapuku ani.

HAGAYI 2:7

I no shiye kümtsü süküthü nani, tishikeu lono shiyeqo küakini kümtsü ighi nani, eno I no ajuküvü pesü aki hipau shepichhi nani, ipi aqokitikhi Mpeu no piani.

ZEKHARIA 10:11

Pa no aveküsa züghi kathasü wuno azü fukukucho ghasü nani, eno Nile züghi kuthoku kümtsü qhaive nani. Assyria qheküza kuchunive tsü eno Egypt kükaküsü kishekhave tsü nani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

AKIKIHI 21:18

Sakiphemi no chhukeu zükikhe, Gihuküzümi no pano kükaküsü ngo aküsü pesü chhuphe ke.” Panongu no asayeqha lono Mattanah lo chesü wuve,

AKIKIHI 24:17

ni ye Pa ithulu kemu itehi ye ithumlavae, I no Pa ju kemu aphivilo kühavae. Jacob launo ayepu lakhi ipeghi nani, Israel lono kükaküsü ipeghi nani; Pa no Moab kishe hephovetsü eno Sheth nuli kümtsü kütsave nani.

AKIKIHI 24:19

Jacob launo ighikeu no qhasü nani eno ghükulumi kütsavetsü nani!”

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 21:9

Jisü züu eno pa thiu aqokitikhi chekeqo no ighamku, “David Nu Sheqhelo! Khuu no Ampeu je lono cheni keno Alhou no pa kümgha tsülo! Kungugha lono Alhou sheqhelo!”

MATTHEW 25:32

Shiye kümtsü pa zülo hekütsü nani, eno ambekheu no ambe ngo ane kütüta shike toi pa no timiqo lakhino lakhi launo kütüta shitsü nani.

John 12:32

Kughou ayeghi lono ni ikhiqhe luveni keno, I no timi kümtsü I lau sünhe luve nani.”

John 18:31

Pilate no panoqo vilo pi, “Nonguu pa sawuve no nongu yezah kiqi lono pa shou küghathave lo.” Jewmi no khochile, “Ningu ye timi khumu pithive kepu yezah kühae.”

John 19:12

Tileno Pilate no pa kuqhophe niye pükapütsa. Ikemu Jewmi no igha kithe pi, “Nono timi hipau kuqhopheve aye, no ye Caesar küsau kumoe! Khuu no pa ampi pesü akükau ipi cheni keno pa ye Caesar mjochile ani.”

John 19:15

Panongu no ighamku, “Pa sawuve lo, pa sawuve lo, pa yedave lo!” Pilate no panongu vilo pi, “I no nongu Kükau yedaveni keshea?” Achinetomi no pi, “Ningu ye Caesar kumo aye akükau kühae.”

John 9:7

eno pa vilo pi, “Wulo, Siloam zükucho lono qhuvelo.” (Siloam kiqi ye Puwu). Timi huno wu püzü pa nhethi qhuve no ithulu ghi ideighi.

Rommi 15:12

Itaghi Isaiah no pi, “Jesse kuhu-aghü lono ighi nani, shiye shou aye peniye ithu chekeu shou Jewkumomiu no laju nani.”

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

ZAKINIU 28:57

No ghümi no aphughi khasü luve no nongu pishipuju akelo, li no chukepu kühave kehu apunu lo anu küzükeu nha eno li no punu keu tianuli ghi küsüuno chuve nani.

IBRIMI 7:14

Ni Mpeu ye mtsüqheino Judah laghami ke; eno Moses ye pano lagha jeku püamoe.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”