BOTHUBO 48:5 - Sumi Naga CL (Re-edited) Bible (BSI)

⁵ Eno itehi o nu kini, khuu pama Egypt yeghi lo I no ighi moke züuno o lau punu keno, pama ye Iw ake; Reuben ngo Simeon pama no Iw ketoi, Ephraim ngo Manasseh pama ye Iw shini.

BAIBEL (BSI)

⁵ “Ino olau ighi mphi lono Ijip yeghi lono punu puaghikeu onu Efraim ngo Manase pama ghi Ruben ngo Simon toi iwue.

BOTHUBO 48:5 Iomraidhean Croise

BOTHUBO 46:20

Egypt yeghi lono Jacob lau punu keu no Manasseh ngo Ephraim, pama ye On lo achineu Potiphera nonga Asenath no pa lau punu tsüke.

BOTHUBO 48:1

Tithiu Joseph vilo pi, “Julo, o pu ye sü anie.” Ikehu pa no pa gholo pa nu Manasseh ngo Ephraim pama sawu.

BOTHUBO 48:6

Pama thiuno nono atianuli ithulu keu ye ow shini. Eno amheghi ighi kelo panongu ye panongu pamu noqo gholo kihisüni.

LESHELE 77:16

O Alhou, kughou azüghi no No ithulu keno tino msave; mtsüqheino azüghi kutho no khokho shive.

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

EZEKEL 16:8

“Kughou I no itaghi o kathawu no o ju ithulu keno, julo, no ye küzüvü kepu do tove aghi, eno I no I kuuphi pesü o phikümsa nhatsüe; I no o lau tushoqhi no o sasü puloshoqhi shie, Ampeu no asheshu, eno no ye Iw shiveke.

EZEKEL 47:13

Ampeu Alhou no ishi piani: “Hipau ye alughi eno hipau vecheo Israel shiaye chighikini dolo ayeghi kotha nani. Joseph no asaje kini ithulu nani.

ACHINE 20:26

Nongu ye I lau akimthe shini, kughengu Ni Ampeu ye akimthe ke, Iw shiniye I no ashiayeqo launo nongu kishe kütüta shike.

MALAKI 3:17

“I no kughou panongu pesü Iw akughupu mheghi shiluveni keno tipau tsala lono panongu ye Iw shive nani, aqokitikhi Mpeu no pi, eno apu lakhino anu khuu pa qe cheni keno pa kimiye ketoi I no panoqo kimiye nani.

AKIKIHI 1:10

Joseph nuli Ephraim lono Ammihud nu Elishama, eno Manasseh lono Pedahzur nu Gamaliel;

2 Kor. 6:18

I no nongu Papu shinani, eno nongu no I pu-anga shinani, ipi Akughushu Mpeu no pi ani.”

Ephesiami 1:5

Pa no ningu pesü anuli shi saluve niye Pa kupulo kimji kiqi lono azünatha Jisü Khristo vecheo ningu kishelu,

IBRIMI 11:21

Aküpülü lono Jacob no thiuche kelo pa küsü kuchope Alhou mlla ghi Joseph nuli pama kümghatsü.

JOSHUA 13:7

Tighenguno itehi ye ayeghi hipau pano shiaye toku eno Manasseh shiaye tüxa lau amheghi shi penike kijeve tsülo.

JOSHUA 14:4

Kughengu Joseph shiaye no kini, Manasseh ngo Ephraim. Levi shiaye ye amheghi kiumu tsümoe ikemu panongu pelo küghüna penike mishighünaqo eno lhoxü pighilu penike aluza tsüe.