BOTHUBO 48:19 - Sumi Naga CL (Re-edited) Bible (BSI)

¹⁹ Ikemu papu no milive no pi, “I no ithi anie, I nu, I no ithi ani. Pa ghi ashiaye kije shi ikowo nani. Tishinamu, pa thiküzüu ayitiu no pa nguno akijeu shi nani, eno pa tikughuko no aqokitikhi shiye shinani.”

BAIBEL (BSI)

¹⁹ Ikemu papu no patsa milivetsuno pi, “Ino ithi anie, inu, ino ithi anie. Pa ghi timi anoghi shi ikowo nanie, ikemu pa thikuzuu ayitiu no panguno akijeu shinani eno pati kughukono ashiayeh kutsasa shi wove nani.”

BOTHUBO 48:19 Iomraidhean Croise

BOTHUBO 17:4

“Julo, Iw puloshoqhi ye o gholo anie, eno no ye aqokitikhi shiyeqo papu shi nani.

BOTHUBO 25:23

Ampeu no li vilo pi, “Shiye kini o polo ani, eno ashiaye kini o lolo akeu ye kijethave nani; lakhi no lakhiu nguno akumtou shive nani, akichiu no ayitiu qe nani.”

BOTHUBO 25:28

Isaac no Esau kimiye che kughengu pa ye Esau no ashi yipughi keu chuche, ikemu Rebekah no Jacob kimiye ache.

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

BOTHUBO 46:3

Tile Pa no pi, “Ni ye Alhou, o pu Lhou ke. Egypt lo iqinike msa kevilo, kughengu tilauno I no o pesü shiye kije shitsüni.

BOTHUBO 48:14

Israel no pa u hekütaluve no pa u ajeu pesü Ephraim, khuu ayitiu keno, pa kütsü shou be, (kughengu Manasseh no anoghiu ke).

BOTHUBO 48:18

Joseph no papu vilo pi, “Tila kumoe, I pu; anu hipau no anoghiu ke, o u ajeu pesü pa kütsü lo belo.”

ISAIAH 7:17

Ephraim no Judah launo kütüta shive kethiu khilemu sholu mphi keu tüqhüdo lakhi Ampeu no no eno ow timi ngo o laghami shou süghitsü nani, ti ye Assyria kükau ke!”

EZEKEL 27:10

“Persia, Lud eno Put ye ow ghüshimi shiche. Panongu no azüto ngo akütsükuqho o liwo lo pufupe qhiche; panongu no ajekipi o tsüche.

ZAKINIU 1:10

Ampeu nongu Lhou no nongu kughukove tsüae, julo, itehi nongu ye atsütsü lo ayepuqo jehivae.

ZAKINIU 33:17

Pa ye amshitsü piti tüghüu, pa ye akükanguagha ani, pa kibo ye aviala kibo ke; Pa kibo no timi shoqhi nani, eno ayeghi shekha kutolo timi kümtsü shoqhi nani; tipaqo ye Ephraim lo timi qhethonhe chighi, eno Manasseh lo timi qhethonhe ke.

Piyeküsü 7:6

Asher lagha lono 12,000, Naphtali lagha lono 12,000, Manasseh lagha lono 12,000,

Piyeküsü 7:8

Zebulun lagha lono 12,000, Joseph lagha lono 12,000, Benjamin lagha lono 12,000.