BOTHUBO 48:17 - Sumi Naga CL (Re-edited) Bible (BSI)

¹⁷ Kughou Joseph no pa pu u ajeu no Ephraim shou bepe aghikeu ithulu keno pa mlo qimlave, eno Ephraim kütsü lono pa pu u ajeu ikhiqhepe Manasseh kütsü shou betsü niye shi.

BAIBEL (BSI)

¹⁷ Kughou papu no pa-u ajeu pesu Efraim kutsu shou bekeu Josef no ithulu keno, pa gi zuve. Ikehu Efraim kutsu lono Manase kutsulo kiqhe suwuniye Josef no papu-u ikhiqhe.

BOTHUBO 48:17 Iomraidhean Croise

BOTHUBO 28:8

Ikehu kughou Esau no Canaanmi totimi ye pa pu Isaac lopiqi mlave pi ithi keno,

BOTHUBO 38:10

Pa no kiu shi keno ti ye Ampeu zülo kixikila shive, ikehu Ampeu no pa ghi pithive.

BOTHUBO 48:14

Israel no pa u hekütaluve no pa u ajeu pesü Ephraim, khuu ayitiu keno, pa kütsü shou be, (kughengu Manasseh no anoghiu ke).

BOTHUBO 48:18

Joseph no papu vilo pi, “Tila kumoe, I pu; anu hipau no anoghiu ke, o u ajeu pesü pa kütsü lo belo.”

KUKAMI ATUGHIU 16:25

Omri no Ampeu zülo achipi kumo shi, eno pa züumi nguno alau axine shike.

YEKIKITHI ATUGHIU 21:7

Alhou no hipau jupe alokiqi kühave no Israel ghimeve.

AHOLE 24:18

tikumo aye Ampeu no ithive no alomtshüve nosa, eno pa launo Pa mlokighide süchile luve nosae.

AKIKIHI 11:1

Timiqo no pano veküsa pesü Ampeu no chikulupushi muchho thuve kehu Ampeu no chilupe shishe amloideve, eno Pa miküqü no panoqo dolo iqü ipeghi püzü tino aghazü khalau a-a hami pitive tsü.

AKIKIHI 22:34

Tileno Balaam no AMPEUw kungumi vilo pi, “I no pimivae eno ni ye nono I hachileni ye alaghi lo puthugho akeu mthaveke. Tighenguno itehi, hino o zülo akumou shi aghi aye ni ye idechile woniae.”

Rommi 9:11

punu mphi lono keke kivi-küsamu ithimphi lou no—Alhou no kishelu keu kimji ye akümla lono kumono Pa no kulu keu lono kepi ishokibe pewolu peniye—

JOSHUA 17:1

Joseph nu anoghiu Manasseh laghami lau ayeghi tsü. Manasseh nu anoghiu Makhir, Gilead papu lau Gilead ngo Bashan tsü, kughengu pa ye aghütomi ke.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”