BOTHUBO 46:1 - Sumi Naga CL (Re-edited) Bible (BSI)

¹ Ikehu Israel no pa no pighi akeu kümtsü pesü pa ghüzüla lo wuve no Beersheba lo ighi, eno pa pu Isaac Lhou lau aghakishi pesü mllae.

BAIBEL (BSI)

¹ Ike Israil no pano pighi chekeu kumtsu hekutsu eno chesu Bersheba lo ighi, pano lhoxu ghiqhieno papu Isak Lhou mllae.

BOTHUBO 46:1 Iomraidhean Croise

BOTHUBO 12:8

Tilehi no pa no Bethel kipelau atoghi ghakhu lo iqesü wuve, eno Bethel no kulolau shi, Ai no kipelau shino pa phiki tshü. Eno pa no Ampeu lau akümlla-khache shiqhe no Ampeu je kue.

BOTHUBO 21:14

Ikehu Abraham no inaqhe itheno ithu asho ngo azü hughi pesü Hagar bighi lo anu gholono xipipeve no li puwuve. Li ye cheve no Beersheba sayeqha lo itsü wuve.

BOTHUBO 21:31

Ikehu tipa-a pesü Beersheba ipi kutsü, kughengu tileno pama no ashoqhi shike.

BOTHUBO 21:33

Abraham no Beersheba lo tamarisk bo lakhi shosü eno tileno Ampeu, Shekhaha Lhou sheqhe.

BOTHUBO 22:13

Abraham no pa nhethi tsüpuku jukelo pa thiu ambetsü lakhi atsünipho lo akibo künakufupe aghi. Pa no wuno ambetsü pesü pa nu züqhulo akipti kümllagho shi tsüve.

BOTHUBO 28:10

Jacob no Beersheba qhive no Haran küdau wuve.

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

BOTHUBO 31:42

Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”

BOTHUBO 31:53

Abraham Lhou, Nahor Lhou eno panoqo papu Lhou no nikujo dolo xaküthau ke.” Ikehu Jacob no pa pu Isaac no Sümsa chekeu jeku tushoqhive,

BOTHUBO 33:20

Tilehi pa no akümlla-khache shiqhe eno tipa-a pesü El-Elohe-Israel kuvetsü.

BOTHUBO 35:3

Tishino ningu ithu no Bethel lo iqhoni nolo, tishianguno Alhou khuu no I veküsa tsala lo I khochile tsü eno khile khilemu I gholo acheni keno, I no Pa lau akümlla-khache shiqheni.”

BOTHUBO 35:7

eno tilehi pa no akümlla-khache shiqhe no tipa-a pesü El-bethel kuvetsü, kughengu pa no pamu launo posü wuche kelo, tipa-a lono Alhou no pa lau ipeghi ke.

BOTHUBO 4:4

eno Abel ghi pa mbeloji lo piti tüghüu, atha pubeyi keqo dolono peighi. Ampeu no Abel eno pa kümllagho shou amloqive,

BOTHUBO 45:28

Eno Israel no pi, “Tino kughomae; I nu Joseph ye xüaphie. I no wuni eno I no thimphi züuno pa sasü kushoni.”

BOTHUBO 8:20

Tishino Noah no Ampeu lau akümlla-khache shiqhe eno mqhamqhi keu lhoxü ngo aghau khami ikhilu no akümlla-khache lono akipti kümllagho tsüe.

JOB 1:5

Kughou no aghulhu tsalaqo taveni keno, Job no panongu ku puwu no shikimthepe Alhou lau ikhiphe tsüche, pa no inaqhe itheno ithu panongu lakhikhi ghenguno akipti kümllagho shiche. Kughengu pa no piche, “I nuliqo no axine shive no panongu mlo lono Alhou ghushove aghi nosake.” Ikehu pa no alhokuthu hitoi shiche.

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

AMUS 7:9

Isaac kümlla topeqo ye kütsaleve tsü nani, Israel kümlla kiqo ye kütsapinyive tsü nani, I no azütakikihi pesü Jeroboam lagha mjo ithughi nani.”

Apostolmi 7:15

Jacob no Egypt lo iqive, pa eno ni sünoqo ghi tilano thive,

JOSHUA 24:4

Isaac lau I no Jacob ngo Esau kughukotsü. Esau lau I no Seir lo ato ghakhuqo amheghi shitsü, ikemu Jacob ngo pa tianuliqo ye Egypt lo iqive.

SAMUEL ATUGHIU 3:20

Dan lono Beersheba kutolo Israelmi kümtsü no Samuel ye Ampeuw tungkupu kuchou kepi ithive.

SAMUEL ATUGHIU 8:2

Pa nu anoghiu je no Joel, eno anu akiniu je no Abijah; pama ye Beersheba lo xaküthami shiche.