BOTHUBO 44:8 - Sumi Naga CL (Re-edited) Bible (BSI)

⁸ Julo, pisa khikhi ningu pulukho kichi lono ithulu keno ningu no Canaan yeghi lono o lau pechile ighike. Tishi aye, kishino ningu ye ghükayi momu ameshoyi o mpeu ki lono pükani kea?

BAIBEL (BSI)

⁸ Nono ithuluano, pisa ni pulukho kichilo aghikeu ghi Kanan yeghi lono olau suchile sughie, ike kishi puzu ompeuno kilono ninguye shuna tsandi pukalu ni kya?

BOTHUBO 44:8 Iomraidhean Croise

BOTHUBO 42:21

Tithiu panongu lakhino lakhi vilo pi, “Kuchou loye ningu ye ni thiküzüu vehu lo akipimi anie, ningu no pa ngulho ghime kitikhi ithulue, pa no ningu vilo qhüiniju kemu ningu no initsü moveke. Tighenguno aghime kitikhi hipau ningu shou ikughi anie.”

BOTHUBO 42:27

Eno aghuno-a tove kelo panongu lakhi no achu khurha tsüniye apulukho khaqhi, ikelo apulukho kichi lo paw pisa aghikeu ithulu.

BOTHUBO 42:35

Panongu no akho leqhi kelo pütüta pulukho lo pisa kütsa aghi. Kughou panongu eno panongu papu no pisa kütsa ithulu keno, panongu ye msave.

BOTHUBO 43:12

Nongu u lo pisa püzüu jehi kini küghüsü no pewulo. Nongu pulukho kichi lo süchile püaghi keu pisa nongu gholo pechile wulo. Ti ye juzüve keu shi aghiluvi ke.

BOTHUBO 43:18

Panongu ye msave kughengu panoqo sasü Joseph kilo iloghive ke, eno panongu no pi, “Hi ye pisa, khikhi atüghüu lo ningu kho lo süpüaghi keno tipau ghenguno ningu sailoghi ani, tipau ghenguno ningu ghimeqhi no pa qemi shivepe eno niw khurhaqo küghaluve niye shi anie.”

BOTHUBO 44:7

Panongu no pa vilo pi, “Kushiye I mpeu ye atsa hipaqo pi ani kea? O qemiqo ye khilemu hitoi keu kümla shimo nanie!

IPEKULU 20:15

“No ye püka moni.

MATTHEW 19:18

Pa no ighiju, “Khipaqo piani kea?” Jisü no pi, “No ye timi ghiqhi moni; no ye shupu-salha moni; no ye püka moni; no ye kichile thopi shimoni,

Rommi 13:9

Kughengu Azakütsü, “No ye shupu-salha moni, No ye ghiqhi moni, No ye püka moni, No ye alamine moni,” eno kütau kiu kiu Zakütsü pinamu, kümtsü xuküqhape hipa tsalo pipuku püani: “No ye o likhi o toi o kisüghüu kimiyelo.”

ZAKINIU 5:19

“‘Püka kevilo.