BOTHUBO 43:9 - Sumi Naga CL (Re-edited) Bible (BSI)

⁹ Pa sükushopu ghenguno I no ashoqhi lakhiae. I küxü no pa züqhu shini. Tsala I no o lau pa saighi no o zülo qhimove aye, I no pülhapuju atiche xapuni.

BAIBEL (BSI)

⁹ Ikuxu no pa zuqhu shinie eno ipelo pa ghenguno amakho pu pelo. Tsala olau ino pa sachile saghino ozulo qhitsumo aye, ikuxu kupuju ozulo angsu shipenie.

BOTHUBO 43:9 Iomraidhean Croise

BOTHUBO 31:39

Tüghashi no kiu tsüqhive keno ni ye o lau süghimoe. Niu no amhekiqi puqheve che. Putho lo na puchou namu pükape wuve aye, nono I launo khuluve che.

BOTHUBO 42:37

Tileno Reuben no pa pu vilo pi, “Tsala I no o lau pa sachile ighi move aye, I nu pama pithive lo. Pa pesü I u lo kulhuqhi tsülo, eno I no o lau pa sachile ighini.”

BOTHUBO 43:10

Tsala ningu no munumo aye, ningu ye ghuthu kini idechile ighive kepu shivae.”

BOTHUBO 9:5

Eno nongu küxü ji luve tsükeu ye I no kihikülai keu avehupu shi nani: tüghashi eno timi kümtsü launo I no kihikülai keu avehupu shi nani. Timi küxü ghenguno I no pa küsau launo kihikülai keu avehupu shi nani.

SAMUEL AKINIU 14:9

Tekoami atopuu no akükau vilo pi, “Akipimi ye akükau eno pa kükalakhü shou kumono I shou eno I pu kibo shou ikughive pelo, I mpeu akükau.”

KUKAMI ATUGHIU 1:21

Tishimo aye nono thive kemtsa I nu Solomon nikujo ye hekibidemi kepi kihive niae.”

JOB 17:3

“I ghenguno ashoqhi shitsülo; khuu no I xaphelu kepu me tsüve tsüluni kea?

LESHELE 119:122

Tushokiqhi kivi lakhi O qeu tsülo; aqheküzami pelo I qodape kevilo!

EZEKEL 3:18

Tsala I no kixikilau vilo, ‘No ye mtsüqheino thive niae,’ ipini eno nono pa kütüghü move momu pa küxü xalu tsüniye paw kixikila laghi lo ideighi penike kütüghü move aye, pa ye pa xine ghenguno thive nani, ikemu pa ji ghenguno nono kihikülai tsü masa nani.

EZEKEL 3:20

Itaghi, amikuchomi lakhi no pa mikucho lono tsüghüsü achipi kumo shive eno I no pa zülo apukhu küpsüpu qhivetsü aye, pa ye thive nani. Kughengu nono pa kütüghü move keke pa ye pa xine ghenguno thive nani, eno pa mikucho kümla pa no mlapüa keqo ye kümsülu tsümo nani, eno pa ji ghenguno no ye kihikülai tsümo nani.

EZEKEL 33:6

Ikemu aghukheu no azütakikihi cheghi keu ithulu anamu afuko küigha move, tishikeu lono timiqo ghutu move, eno azütakikihi ighive no panoqo khukhumu yive aye, timi tipau ye pa kipimi lono yivae, ikemu pa ji ye I no aghukheu launo khu nani.

EZEKEL 33:8

Tsala I no kixikilau vilo, O kixikilau, no ye mtsüqheino thinani, eno nono ti pimove no kixikilau pelo pa laghi lono tsüghü pemo aye, kixikilau huye pa kipimi ghenguno thive nani, ikemu pa ji ye I no o launo khu nani.

Luke 11:50

tishikeu lono ayeghi boqha ghoke lono tungkupmi ji pele ighi keu kümtsü hipa tiqhelimi no xupu masa nani,

IBRIMI 7:22

Hi no Jisü pesü puloshoqhi akiviu pepimhe kütsüu shipe ke.