BOTHUBO 43:23 - Sumi Naga CL (Re-edited) Bible (BSI)

²³ Pa no khochile, “Nongu ye msa kevino aloino lo. Nongu Lhou eno nongu papu Lhou no nongu ghenguno akinibo nongu pulukho lo süve tsüae. Nonguw pisa ye I no ithulu ke.” Tithiu pa no panongu lau Simeon saipeghi.

BAIBEL (BSI)

²³ Aqeu no pi, “Nongu mulo kusapu kuhae, musa kevilo. Nongu puasu Lhou no nongu pulukholo akini kusu puaghi tsuake. Niye nonguno atughulo tsukeu me ithuluveake.” Tishieno pano panongu pamu Simon saghi.

BOTHUBO 43:23 Iomraidhean Croise

BOTHUBO 42:24

Tileno pa ye panongu launo tsüghüve no qae. Pa no ideighi no panongu pütsa. Eno pa no panoqo gholono Simeon sünhe luve no pa nhethe lono tsüghave.

BOTHUBO 42:28

Pa no pa thiküzümi vilo pi, “Iw pisa süchile püa tsüae; hi I pulukho kichi lo anie!” Tile panongu mlo ye hauve, eno panongu ye msa khokhoshi lakhino lakhi lau ighowo pi, “Alhou ye ningu lau kiu shivetsü akea?”

BOTHUBO 42:36

Panongu papu Jacob no panoqo vilo pi, “Nongu ghenguno I nuliqo pühavae: Joseph kühavae, Simeon kühavae, eno itehi nongu ye Benjamin sawuve niye ani. Hi kümtsü I shou ikughi anie.”

BOTHUBO 43:14

Akughushu Lhou pelo timi hupau zülo küpükini nongu tsü peniu, eno pa pelo nongu thiküzüu lakhiu ngo Benjamin kighide puwo peniu. I ghengu ye, tsala I no I tianuli pühave kepu shive namu pühave niae.”

BOTHUBO 43:22

eno ningu ye achuqupu qhüniye pisa kütau ghi peighi ani.”

YEKIKITHI ATUGHIU 12:18

Tile aghütomi shighi dolo atou timi lakhi Amasai, ipikeu shou Alhou Ghungu ikughive no pa no pi, “O Jesse nu David, ningu ye ow, eno o gholo anie, O David! O gholo eno o kukuphumi lau aloino keu alo, kughengu o Lhou no o kuphu achenie.” David no panoqo saluve no paw ghüshimi mqo lo kijemi shivepe.

YEKIKITHI ATUGHIU 12:19

Kughou David no Philistiami gholono Saul sasü aghü shiniye ighi keno, Manasseh lagha lo khami no David lau poighive. (Ikemu Philistiami yepemi no kuchughupe, “Pa ye ni kitimeve no pa mpeu Saul lau pove nani” ipive no David puwuve, ikehu pa ye Philistiami kuphu mlave.)

EZRA 4:17

Akükau no khokichile tsü puwu: “Zatsüu Rehum eno akiyeu Shimshai eno pama lojimi khunoqo Samaria eno Aghoki Kukuu phughi lo akhani keno, petha tsü ani. Eno itehi

Luke 10:5

Nongu no khuno kilo ilo namu atüghüshi, ‘Aki hipau lo aloino alo!’ ipilo.

Luke 24:36

Panongu no hipaqo piake lono Jisü ampi no tile puthugho no panoqo vilo pi, “Aloino alo!”

John 14:27

I no nongu gholo aloino keu qhitsü ani; Iw aloino keu I no nongu tsüani. Ayeghilomi no tsü chekeu toi nongu tsü anike kumoe. Nongu mlo kütakihi kevilo, momu msa kevilo.

John 20:19

Tipa tsalani avelau Jewmi msa kehu akhopemi ye ahukikha khaveno ngo akelono Jisü no ighi no panongu gholo puthughove eno pi, “Nongu gholo aloino keu alo.”

John 20:21

Jisü no itaghi panongu vilo pi, “Nongu gholo aloino keu alo. Apu no I puwu ketoi ni ghi nongu puwu ani.”

John 20:26

Atsala tache thiu, pa khopemi no itaghi aki sholokuu ngoae, eno Thomas ghi panoqo gholo ae. Ahukikhaqo khapüa keghi Jisü no ighi no panongu gholo puthughove eno pi, “Nongu gholo aloino keu alo.”

XAKUTHAMI 19:20

Velami huno pi, “Aloino lo; I no nongu no avehupu shi akeu kümtsü tsüni. Ikemu kimiyeno alaghila lo zü kevilo.”

XAKUTHAMI 6:23

Ikemu Ampeu no pa vilo pi, “Aloino alo! Msa kevilo; no ye thimo nani.”

SAMUEL ATUGHIU 25:6

Nongu no ishi petha pa tsülo, ‘No, o kibo, eno nono pighi akeu kümtsü lau aloino alo.