BOTHUBO 42:13 - Sumi Naga CL (Re-edited) Bible (BSI)

¹³ Panongu no pi, “Ningu, o qemiqo ye athiazü chighikini ke, Canaan yeghi lo timi lakhi nuliqo ke, eno lakhi ye kühavae.”

BAIBEL (BSI)

¹³ Panonguno pi, “Akijeu, nichighi kini athia-zuke, apu lakhi nuliqoke eno Kanan yeghi lono ighi ke. Anipauye ishi kutolo ningu papuh gholo anie eno lakhiuye kuhavae.”

BOTHUBO 42:13 Iomraidhean Croise

BOTHUBO 37:30

eno pa thiküzümi lau ideighi no pi, “Apu kühavae, imaye niu ye khila wuni akea?”

BOTHUBO 42:11

Ningu kümtsü timi lakhi nuliqo ke. Ningu ye amikuchomi. O qemiqo ye khilemu pukujumi kumoe.”

BOTHUBO 42:12

Pa no panoqo vilo pi, “Moe, ayeghi hipau kümsa shi akeu puju niye ighi ani.”

BOTHUBO 42:14

Ikemu Joseph no panoqo vilo pi, “I no nongu vilo pive ketoi, nongu ye pukujumi ke.

BOTHUBO 42:32

Ningu ye athiazümi chighikini, ningu papu nuliqo ke. Lakhi ye kühavae, eno ayitiu ye ishi tsala lo Canaan yeghi lo ningu papu gholo anie.’

BOTHUBO 42:36

Panongu papu Jacob no panoqo vilo pi, “Nongu ghenguno I nuliqo pühavae: Joseph kühavae, Simeon kühavae, eno itehi nongu ye Benjamin sawuve niye ani. Hi kümtsü I shou ikughi anie.”

BOTHUBO 42:38

Ikemu Jacob no pi, “I nu ye nongu gholo iqimo nani, kughengu pa mu ye thivae, eno pa likhive ake. Nongu no kicheghüzü lo wuniye akeu lo tsala pa lau küsakushopu shive aye, nongu no ni asa kümpau pelo amlo ghimeshi Kithigha lo wuve peae.”

BOTHUBO 43:29

Pa no pa nhethi tsüpuku kelo pa thiküzüu Benjamin, paza nu ithulu no pi, “Hi ye nongu thiküzüu ayitiu, khuu nongu no I vilo pi akeno, pa keshea? Alhou pelo o lau küpüqhiyi tsü peniu, I nu!”

BOTHUBO 43:7

Panongu no khochile, “Timi huno tsaqüi ningu eno ni sholokumi ghili ighiju no pi, ‘Nongu papu ye xüaphi kemo? Nongu ye athiküzüu kütau anima?’ Nino pa vilo kiu pi keno ti ye ighikuju khochile tsükeu ke. Pa ye ningu vilo, ‘Nongu thiküzüu saiqighi lo’ ipi nanie pi ningu ye ithi akeshea?”

BOTHUBO 44:20

Eno ningu no I mpeu vilo pi, ‘Ningu ye apu lakhi kitemi ani, eno pa no kitemi shive kethiuno punu keu athiküzüu lakhi ani. Pa mu ye thivae, eno pa za nuli dolo pa likhivae, ikehu pa pu no pa kimiye chenie.’

BOTHUBO 44:28

Lakhi ye I qhivae, eno I no pi, “Mtsüqheino pa ye sütha pinyive,” kughengu tithiu ni ye pa khilemu ithulu mphike.

BOTHUBO 45:26

Eno panongu no pa vilo pi, “Joseph ye xüaphie, eno pa no Egypt yeghi kümtsü shou yepeu shi ani.” Ikelo pa mlo ye thüghüive, kughengu pa ye panoqo tsa pülümoe.

JEREMIYA 31:15

Ampeu no ishi piani: “Ramah lo asütsa chilu, akumlo eno kukhukimji küqa. Rachel no li tianuliqo ghenguno qa ani; alovekughuno tsüni keu milivae, kughengu panongu ye kühavae.”

AKUMLO 5:7

Ni puasüqo no axine shive, panongu ye kühavae; nino pano kipimi xapu anie.

MATTHEW 2:16

Kughou Herod no ayepu kighithimi no pa mqüqhive kepi ithi keno, pa ye ighono axuideve, eno ayepu kighithimi launo pa no ado kihilu keu kiqi lono Bethlehem eno tipa tokukujo kümtsü lo anu kiptimi ampe kini eno tinguno aqhou thaqhü ghiqhi pithi khavepe.

MATTHEW 2:18

“Ramah lo asütsa lakhi chilue, aküqa eno amloghuju ghügha, Rachel no li tianuli thikhave kehu ighaqa ani eno alopiqi tsüni keu ghi milive.”