BOTHUBO 41:8 - Sumi Naga CL (Re-edited) Bible (BSI)

⁸ Ikehu thanau pa kükümsü küpünave kehu pa no timi puwu no Egypt lo küdüumi ngo alokütsümi kümtsü kue. Pharaoh no panoqo vilo pa samo pi, ikemu milakhimu tipaqo hepho tsümlave.

BAIBEL (BSI)

⁸ Inaqhe Farao ye amlo ighono kunachope auve ikehu Ijip yeghilo kuduumi eno alokutsumi kumtsu kusaghipe. Farao no panongu vilo pa samo lhe ikemu khuu nomu tipaqo kiqi hepho pesu pa tsumlave.

BOTHUBO 41:8 Iomraidhean Croise

BOTHUBO 40:6

Kughou Joseph no inaqhe pama lau ighi keno, pama ye akükümsü püna aghikeu pa no ithulu.

BOTHUBO 40:8

Pama no pa vilo pi, “Nikujo ye asamo pumoe, ikemu nikujo vilo hepho piyeni kemi lakhimu kühae.” Eno Joseph no pama vilo pi, “Hekupho ye Alhouw ke kumo? Kimiyeno I vilo piju lo.”

BOTHUBO 41:15

Eno Pharaoh no Joseph vilo pi, “I no asamo lakhi pumoe, ikemu khunomu tipau hepho luamoe. I no o ghili chiluke kughou nono asamo chiluni keno no ye tipau hepholu cheni” ipie.

BOTHUBO 41:24

eno thizümüi keu ghipe huno ape kivi tsüni munove. I no küdüumi vilo pi kemu I vilo chixechilei pitsüni kemi khumu kühae.”

BOTHUBO 41:7

Athi pumo keu ghipe no athi pubeyi keu ghipeqo munove. Eno Pharaoh ye idathuve, eno julo ti ye asamou shi aghive.

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

IPEKULU 7:11

Tithiu Pharaoh no alokütsümi ngo küdüumi ku, eno Egypt lo küdüumi ghi panow tuqhou mqü vecheo tipaphi shilue.

IPEKULU 7:22

Ikemu Egypt lo küdüumi ghi panow tuqhou mqü vecheo tipaphi shilue. Ikehu Pharaoh mlo ye kuthovi auve, eno Ampeu no pi ketoi, pa ye pama tsa ini tsümove.

IPEKULU 8:7

Ikemu küdüumi ghi panow tuqhou mqü vecheo tipatho shilue eno achuyiqo pelo Egypt yeghi shou ikughi lupe.

IPEKULU 9:11

Eno küdüumi ye Moses zülo puthugho mlave, kughengu amishe no küdüumi eno Egyptmi kümtsü shou ikughive ke.

ISAIAH 19:3

pano dolo aghüthiküxü kühave nani, eno I no pano kimji hexavetsü nani; panongu no ajulho, küdüu, tumumi eno kithixashemi küsütsa nani;

ISAIAH 29:14

tighenguno julo, I no itaghi timi hipaqo lau ishokibe akichiqhipu kümla shini; eno panongu gholo alokütsümi lokütsü pühave tsüni, vethakulumi lotsü küsüve tsüni.”

ISAIAH 8:19

Eno timi no nongu vilo, “Asakiqhimi ngo kithixashemi lau küsütsa julo” ipi kelo, panongu ye pano lhou lau küsütsa kelauke kumo? Panongu ye küxümi züqhushi kithimi lau kighinikile akelau keshea?

DANIEL 1:20

Eno akükau no panoqo vilo alokütsü eno vethakulu vehu ighiju ke kümtsü lo panoqou no kükaqha lo küdüumi eno shiküghüzü chekeqo nguno ghuthu chighi akiviu shi pa no ithulu.

DANIEL 4:18

Asamo hipau, ni, Akükau Nebuchadnezzar no ithulue. Eno, O Belteshazzar, nono hekupho I vilo pilo, kughengu I kükaqha lo alokütsümiqo ye hekupho I pelo ithilu apemovae, ikemu no ye shilu nani, kughengu alhouqo ghungu no o lolo anie.”

DANIEL 4:19

Tishino Daniel, khuu je Belteshazzar keno, pa ye ado hami aghüthisüve, eno pa kükümsü no pa shithüghüive. Akükau no pi, “Belteshazzar, asamo eno tipau hekupho no o shithüghüi pe kevilo.” Belteshazzar no khochile no pi, “I mpeu, asamo hu ye khunono o mithi cheni keno panoqo ghenguno shi aghive peniu, eno tipau hekupho no o ghümiqo ghenguno shi aghive peniu!

DANIEL 4:5

I no asamo lakhi pumo ke tino I pelo msavepe. I no alüpa lo ihozü akelo kümsükuju kükümsü eno kungunhetsü no I shithüghüive.

DANIEL 4:6

Tighenguno I no Babylon lo alokütsümi kümtsü I zülo saighi peniye xaküthaza tsü, tishino panongu pelo asamo hekupho I vilo pitsü peniye shike.

DANIEL 4:7

Tithiu küdüumi, shiküghüzü kemi, Chaldeami, eno yepu-yesü kighithimi ighi, eno I no asamo panoqo vilo pive, ikemu panongu ye tipau hekupho I pelo ithilupe move.

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

DANIEL 7:28

“Hi no avehu kishekhave ani. Ni, Daniel ghengu ye, I kükümsü no ighono I shithüghüive eno I ju ye kilive, ikemu I no hipa vehu I mlo lo qhiluve.”

DANIEL 8:27

Eno ni, Daniel, ye atsala hami süve no ihozüve. Tithiu ni ye ithughive no akükau kümlapu lo wuve, ikemu ni ye kungunhetsü ghenguno aveghüzü shino tipau vethamlave.

ACHINE 19:31

“Tumumi momu kithixashemi lau wumoni; panongu vecheo nongu shikitiqe moni: Ni ye Ampeu nongu Lhou ke.

ACHINE 20:6

“Khuana no tumumi momu kithixashemi küsütsa eno tipaqo lau wu aye, I no pa launo I gi kughove no Iw timiqo gholono hapheve nani.

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

MATTHEW 2:1

Kughou akükau Herod ghuloki lo Judea ghakhu lo Bethlehem lono Jisü punu keno, julo, kipelau no ayepu kighithimi Jerusalem lo ighi,

Apostolmi 17:18

Epicurus eno Stoic kükütsü papemi khami ghi pa sasü küptsae. Khami no pi, “Tsathipa hipau ye kiu pinishi ani kea?” Khamiu ye ishi pi, “Pa ye inami lhou ghili pianie mthae” —kughengu pa ye Jisü eno xüchilekulu ghili kütsü ae.

Apostolmi 7:22

Egyptmi kighithi lokütsü kümtsü pesü pa qoputhu, eno pa ye atsa eno akümla lo minhimghai ipeghive.

1 Kor. 1:19

Kughengu ishi yepüani: “I no alokütsümi lokütsü shipühave tsü nani, eno vethakulumiw vethakulu kütsave tsü nani.”

SAMUEL ATUGHIU 6:2

Philistiami no achinemi ngo tumumi ku no pi, “Ningu ye Ampeuw Puloshoqhi Bohu pesü kiu shiveni kea? Kiu pesü tipau gholo küqhano pa-a lo tsüchile puwoveni kela ni vilo pilo.”