BOTHUBO 41:38 - Sumi Naga CL (Re-edited) Bible (BSI)

³⁸ Eno Pharaoh no pa qemi vilo pi, “Alhou Ghungu alolo akemi timi hitoi keu ningu ye ithulu nani keshea?”

BAIBEL (BSI)

³⁸ Farao no pa qholo ampemiqo vilo iniju, “Alhou nguagha palolo kuami khileno timi hitoi ke ninguye phukulupu kya?”

BOTHUBO 41:38 Iomraidhean Croise

BOTHUBO 41:37

Püghükiphe hipau ye Pharaoh eno pa qemiqo kümtsü pulou shive.

EZRA 7:25

“Eno no, Ezra ye o Lhou lokütsü o lolo akeu kiqi lono yepemi eno xaküthami süküsü shino panoqo pelo Aghoki Kukuu phughi lo timiqow xaküthami shipelo, ti ye o Lhou yezah ithi akemi. Eno panongu no ithi aghimo aye nono shikani.

JOB 32:8

Ikemu timi lolo anguagha akeu, Akughushuu tuthu huno pa pelo ithikuthulu cheni peke.

AHOLE 14:35

Tsükhüi shi mlaitha keu qeu no akükau mlo chulu cheni, ikemu akukujo küha kemi shou akükau loghu ikughi cheni.

AHOLE 22:29

Kütshakügha kümlami ithi anima? Pa ye timi no ithimo kemi zülo kumono kükami zülou puthugho nani.

ISAIAH 19:11

Zoan sakiphemi ye mbomzümie; Pharaoh mijekütsümi alokütsüu no anikha kükütsü tsücheni. Nongu ye kishino Pharaoh vilo, “Ni ye alokütsüu nu, khaghi kükami papemi nue” ipiluni kea?

DANIEL 4:18

Asamo hipau, ni, Akükau Nebuchadnezzar no ithulue. Eno, O Belteshazzar, nono hekupho I vilo pilo, kughengu I kükaqha lo alokütsümiqo ye hekupho I pelo ithilu apemovae, ikemu no ye shilu nani, kughengu alhouqo ghungu no o lolo anie.”

DANIEL 4:6

Tighenguno I no Babylon lo alokütsümi kümtsü I zülo saighi peniye xaküthaza tsü, tishino panongu pelo asamo hekupho I vilo pitsü peniye shike.

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

DANIEL 5:14

Alhouqo ghungu no o lolo ani, eno aküvü, vethakulu ngo akighiche lokütsü o lolo anie pi I no chiluvae.

DANIEL 6:3

Tishino Daniel hipau ye hiyampemi ngo yepemi kümtsü shou akimchi shi ipeghive, kughengu akighiche ghungu no pa gholo ae. Akükau no kükaqha kümtsü shou pa süküsü shinike kughuve.

DANIEL 6:4

Ikelo hiyampemi ngo yepemi no kükaqha vehulo Daniel shou muchho niye alaghi phuju, ikemu panongu ye akumchho momu akipimi tsükulupu laghi kiumu kühave, kughengu pa ye pükhükulupu eno pa lolo akipimi momu küqü keu kiumu ithulu moe.

AKIKIHI 27:18

Ikehu Ampeu no Moses vilo pi, “Nun nu Joshua khuu lolo aghungu ani keno, pa sasü ighi no pa shou o u betsülo.