BOTHUBO 37:34 - Sumi Naga CL (Re-edited) Bible (BSI)

³⁴ Tileno Jacob no pa kuuphi süxüve no yeqhiyephi pa chita lo khapuve eno pa nu ghenguno atsala kutomo mloqae.

BAIBEL (BSI)

³⁴ Jakob no pa mlo ghime launo pa phimini suxu piniyive eno aphi tsubuyi keu pesu papo hekuxapu, eno ado kushuwa panu Josef ghenguno mlo-qa ache.

BOTHUBO 37:34 Iomraidhean Croise

BOTHUBO 37:29

Kughou Reuben no aqokutho lo ideighi no Joseph kühave aghi keu ithi keno, pa no pa kuuphi süxüve,

BOTHUBO 42:38

Ikemu Jacob no pi, “I nu ye nongu gholo iqimo nani, kughengu pa mu ye thivae, eno pa likhive ake. Nongu no kicheghüzü lo wuniye akeu lo tsala pa lau küsakushopu shive aye, nongu no ni asa kümpau pelo amlo ghimeshi Kithigha lo wuve peae.”

BOTHUBO 44:13

Tileno panongu no pano phiküzü süxüve, eno kümtsü no apulukho khurha xapipeve no mishighüna lo ideighive.

SAMUEL AKINIU 1:11

Tithiu David no pa phimini tsüqü luve no süxüve, eno pa gholo timi akeqo kümtsü no tihutoi shie.

SAMUEL AKINIU 3:31

Tithiu David no Joab eno khunoqo pa gholo akeno panoqo vilo pi, “Nongu phimini süxü no yeqhiyephi pepusü Abner zülo mlolo.” Akükau David no awophe papesü wuve.

KUKAMI ATUGHIU 20:31

Pa qemi no pa vilo pi, “Julo, Israel kükami ye kimiyekini kepi nino chilue. Ni pelo kumshophi no apo khave eno akighi no akütsü khapu no Israel kükau lau wu pelo. Pa ye o küxü pükhatsü luvike.”

KUKAMI ATUGHIU 21:27

Kughou Ahab no atsa tipaqo chilu keno, pa no pa phiküzü süxüve no yeqhiyephi pepusü kümvü eno ighono amlo saqhiyi itsü wuve.

KUKAMI AKINIU 19:1

Akükau Hezekiah no ti chilu kemtsa pa mlo ghime lono pa phi süxüve eno yeqhiyephi pepusü Ampeu chineki lo ilove.

KUKAMI AKINIU 2:12

Elisha no ti ithulu no ighamku, “I pu, I pu! Israel khurkulu eno paw khurshimi.” Pa ye Elijah ithulu move. Tishino pa no pa phiküzü süxüla kini shive.

KUKAMI AKINIU 22:11

Kughou Akükau no Ayezah kaku lo atsaqo hu chilu keno, pa no pa phi süxüve.

YEKIKITHI ATUGHIU 21:16

David no Ampeuw kungumi atsütsü ngo ayeghi dolo puthugho no pa u lo azütakikihi süjope Jerusalem küdau chhopuwo aghi keu ithulu. Ikehu David ngo layemiqo no yeqhiyephi pepusü itsaqive.

YEKIKITHI ATUGHIU 7:22

Pama papu Ephraim no atsala kutomo mlo akelo pa thiküzümi no pa lopiqi tsüniye ighi.

NEHEMIA 9:1

Atsala muku abidini Israelmi no yeqhiyephi pepusü ayeghimkhu epe akütsü lo puku no kümvü ae.

JOB 1:20

Ikelo Job no puthughove no pa phiküzü süxüve, eno pa kütsü miyeve no sükümsa shi ayeghi lo iqi pishiqhove.

JOB 16:15

Ni ye kumshophi no I phiküzü shino ayeghimkhu lo ihozü keu no I kumto shi auvae.

JOB 2:12

Panongu no putou no Job ithulu kelo pa ju michi mlave. Tileno panongu no asütsa süqhe no qauve, eno panongu phimini süxüve no ayeghimkhu epe kunguu vepuku püzü panongu kütsü shou ikughipe.

LESHELE 69:11

Kughou I no yeqhiyephi pepu keno, panoqo zülo ni ye küghakichepu shive.

ISAIAH 32:11

Khokhoshi lo, nongu akuchhoma shi ililai akeu totimiqo; no phimini xape aphikümsa shino achita lono yeqhiyephi minivelo.

ISAIAH 36:22

Tithiu kükaki jukükütsüu Hilkiah nu Eliakim, akiyeu Shebna, eno yekikithiu Asaph nu Joah no aphimini süxü amloksa shi Hezekiah lau ighi no Rabshakeh tsa pesü pa vilo pive.

JEREMIYA 36:24

Ikeghi akükau na paw kijemi atsa chilu kemi namu khunomu msamoe, momu pano phimini süxümoe.

JEREMIYA 48:37

“Kughengu panongu kümtsü akütsüsa miyevae eno pano kichimhi tsalevae. Panongu kümtsü u lo azaku puvae eno kümtsü no yeqhiyephi no achita khapu anie.

JOYIL 2:13

eno nongu phimini kumono nongu mlo süxülo.” Ampeu nongu Lhou lau xaidelo, kughengu Pa ye küpükini eno kimiyekiniu, asheshi no amloide cheni, iqemokeu kikimiye no kupukuno eno amhekiqi süchileve chekeu ke.

MATTHEW 11:21

“Chorazin, o hasapue! Bethsaida, o hasapue! Kughengu nongu lau aküka kumto kümla shikeu hu Tyre ngo Sidon lau shi püaghi keaye, tipaqo ye khaghi no yeqhiyephi pepusü ayevu lo ihino xaideve aghini cheke.

MATTHEW 26:65

Tile achinetou no pa phi süxüve no pi, “Pa ye Lhoupiküptha tsa pivae. Ningu ye thopimi kütami kiu avehupu shini kea? Itehi nongu no paw piküptha tsa chiluvae.

Apostolmi 14:14

Ikemu kughou apostolmi Barnabas ngo Paul pama no ti chilu keno, pama no aphimini süxü ghi posü aqokitikhi gholo ilo no ighamku,

JOSHUA 7:6

Tileno Joshua ngo Israelmi sakiphemi no amlo küsashi pano kuuphi süxüve no Ampeuw Puloshoqhi bohu zülo ikiqi avela kutolo ihi auve. Panongu no ayeghimkhu pesü pano kütsü lo lepuku.

Piyeküsü 11:3

I no kükagha pesü I shepemi kini tsüni, eno pama no kumshophi pepusü atsala 1,260 kutolo tungkuptsa sheshu nani.”

XAKUTHAMI 11:35

Pa no li ithulu kemtsa pa phi süxüve no pi, “Oishe, I nga! Nono I mlo hephove tsüae, nono I mlo ghimepu shive tsüae. Kughengu ni ye Ampeu lau I kichi xükhovae, eno Iw tushokiqhi ikhichile lumoae.”