BOTHUBO 37:14 - Sumi Naga CL (Re-edited) Bible (BSI)

¹⁴ Ikehu pa no pa vilo pi, “Itehi o mu noqo eno ambeloji ye akivi shi ani kemo keno juwulo, eno asütsa I lau süghilo.” Ikehu pa no Hebron Khila lono pa phepuwuve eno pa ye Shechem lo ideighive.

BAIBEL (BSI)

¹⁴ Papuno pavilo pi, “Wu puzu omunoqoye akivishi anikemokela julo eno bherilojiye akivishi anikemokela julo, tishino ideghi puzu ivilo pilo.” Ikehu papuno Hebron bokhuqa lono pa phepuwuve. Kughou Josef no Shekem to keno,

BOTHUBO 37:14 Iomraidhean Croise

BOTHUBO 13:18

Ikehu Abram no pa phiki xakiqheve no wo Mamre lo aphisübo phivilo xüsüve, tipau ye Hebron lo ani, eno tile pa no Ampeu lau akümlla-khache shiqhe.

BOTHUBO 23:19

Tithiu Abraham no Canaan yeghi lo Mamre (ti ye Hebron) kipelau Machpelah luza lo atuki akeu lo pa nipu Sarah shiqhove.

BOTHUBO 23:2

Li ye Canaan yeghi lo Kiriath-arba (ti ye Hebron) lono thive, Abraham no wuno Sarah ghenguno mloqae.

BOTHUBO 29:6

Pa no panoqo vilo pi, “Pa ye akivi shi anima?” Panongu no pi, “Akivi shi ani; eno julo, pa nonga Rachel ye ambe sasü chenie!”

BOTHUBO 35:27

Jacob no Abraham ngo Isaac pama no kachena shi acheke-a Mamre, momu Kiriath-arba (ti ye Hebron) lo papu Isaac lau ighi.

BOTHUBO 37:15

Timi lakhi no pa no aluza lo itsü cheghi keu ithulu. Timi huno pa vilo pi, “No ye kiu phucheni kea?”

BOTHUBO 41:16

Joseph no Pharaoh khochile, “Ti ye I no kumoe; Alhou no Pharaoh lopushi khochile tsü nani.”

BOTHUBO 43:27

Eno pa no panongu ye kishi ani keno ighiju no pi, “Nongu papu, kitemi hu, khuu ghili nongu no pi keno, pa ye akivishi anima? Pa ye xüaphi kea?”

SAMUEL AKINIU 11:7

Kughou Uriah no pa lau ighi keno, David no Joab ngo timiqo ye kishi ani, eno aghüshi ye kishi ani keno ighiju.

SAMUEL AKINIU 18:32

Akükau no Cushmi vilo pi, “Apumi Absalom ye akivishi anima?” Cushmi no khochile, “I mpeu akükau ghümi eno küsakügha ghenguno o hebide niye ithughi keqo kümtsü pelo apumi tipau toive pelo.”

KUKAMI ATUGHIU 2:33

Pama heqhive keu ngusü ye Joab ngo pa lagha shou alholo anani. Ikemu David ngo pa lagha eno pa kibolomi ngo pa kükalakhü ye Ampeu launo alholo aloino ache nani.”

ESTHER 2:11

Tsalakipe Mordecai no Esther ye kishi ani eno li lau kiu shi ani keno ithi niye iliki hukikha zülo che ipe-ilo ae.

LESHELE 125:5

Ikemu khunono chighichilai keu laghi lo wuveni keno Ampeu no kixikilami gholo haphe puwuve cheni! Israel shou aloino keu apelo!

JEREMIYA 29:7

I no nongu akughu lo puwuve keu mishighüna khile nongu no ani keno tipau lo külakishi eno thukuupu phulo, Ampeu lau aphughi züqhushi inikhu lo, kughengu tipau kivipu phu aye nongu kivipu phulu nani.

AKIKIHI 13:22

Tipa züuno panongu no Negeb lo iqhove no Hebron lo ighi. Tile Anak kughukomi Ahiman, Sheshai eno Talmai laghami no küghüna acheghi. (Hebron ye Egypt lo Zoan nguno ampe tsüni züuno aphughi shiveke,)

Luke 19:42

ghi pi, “Noghi lae, kiu no külashilu cheni keno ishi nomu nou no ithike aye lae! Ikemu itehi ye o launo küsüvae.

JOSHUA 14:13

Ikehu Joshua no Jephunneh nu Caleb kümgha tsüno Hebron pesü Caleb mheghi shitsü.

JOSHUA 14:14

Tighenguno ishi kutolo, Hebron ye Kenizimi Jephunneh nu Caleb mheghi shive, kughengu pa no amlo kuchopu no Ampeu Israel Lhou papeke.

JOSHUA 14:15

Tipa züu Hebron ye Kiriath-arba ipiche. (Arba ye Anakimi gholo akighicheu ke.) Eno tipa yeghi ye aghükishi lono akulho qhilue.

XAKUTHAMI 1:10

Judah no Canaanmi Hebron lo küghüna chekeqo sasü aghüshi no Sheshai, Ahiman eno Talmai laghaqo theqhive (Hebron ye inahuu ye Kiriath-arba ipi kucheghi).

SAMUEL ATUGHIU 17:22

David no thimeqo pesü jukükütsüu u lo qhive tsüno kichi-iti no ake küdau powu no pa munoqo sasü petha shi.