BOTHUBO 35:1 - Sumi Naga CL (Re-edited) Bible (BSI)

¹ Alhou no Jacob vilo pi, “Ithulo, Bethel lo iqholo eno tilau küghünauve lo. Nono o mu Esau launo poche kelo Alhou khuu o lau ipeghi keno, Pa lau akümlla-khache shiqhe lo.”

BAIBEL (BSI)

¹ Alhou no Jakob vilo pi, “Kutopesu Bethel lo iqholo eno tilau kughunalo. Nono omu Esao zulono pochekelo Alhou no olau ipeghipiyekeu Lhou lau aghokiptia lakhi shipe qhilo.”

BOTHUBO 35:1 Iomraidhean Croise

BOTHUBO 12:8

Tilehi no pa no Bethel kipelau atoghi ghakhu lo iqesü wuve, eno Bethel no kulolau shi, Ai no kipelau shino pa phiki tshü. Eno pa no Ampeu lau akümlla-khache shiqhe no Ampeu je kue.

BOTHUBO 16:8

Pa no pi, “Hagar, Sarai qeliu, no ye khilau no ighi eno khilau wucheni kea?” Li no pi, “Ni ye I mpeliu Sarai launo pocheni.”

BOTHUBO 22:14

Ikehu Abraham no tipa-a pesü, “Ampeu no tsü nani,” ipi kuvetsü; ishi kutolo hitoi pi cheni, “Ampeuw naghuto lono ti tsü nanie.”

BOTHUBO 29:1

Tithiu Jacob no pa ghüzüla lo wuve no kipelaumi yeghi lo ighi.

BOTHUBO 31:13

Ni ye Bethel, nono khile atsükucho nukishe eno I lau ashoqhi shi keno, tipa Lhou ke. Itehi ithulo, ayeghi hipau lono wuve no o sholokumi yeghi lo idewove lo.’”

BOTHUBO 31:3

Tile Ampeu no Jacob vilo pi, “O puno yeghi lo no bolomi lau idewove lo, I no o gholo ananie.”

BOTHUBO 34:31

Ikemu pama no pi, “Pa ye kütüqhalimi toi ni chepu peitha masa keshea?”

BOTHUBO 35:15

Ikehu Jacob no Alhou no pa pütsa keu-a pesü Bethel kuvetsü.

BOTHUBO 35:7

eno tilehi pa no akümlla-khache shiqhe no tipa-a pesü El-bethel kuvetsü, kughengu pa no pamu launo posü wuche kelo, tipa-a lono Alhou no pa lau ipeghi ke.

LESHELE 46:1

Alhou ye niw ijekulu eno ni kumto ke, shiluküsa lo kuphu tsünike ani.

LESHELE 47:4

Pa no ni mheghi kishetsü, Pa no kimiye chekeu Jacob kijivilepu shitsüe.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

IPEKULU 2:15

Kughou Pharaoh no hipau vehu chiluve keno, pa no Moses pithiveni ye phuthuve. Ikemu Moses no Pharaoh launo pove no Midian yeghi lo ngove. Eno pa ye azükikhe phivilo iqa ae.

HOSIYA 12:4

Pa no kungumi sasü kumjo no toluve; eno qa ghi paw kükümgha khue. Pa no Bethel lono Alhou ithilu, tilauno Alhou no ningu pütsae

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.

ZAKINIU 32:36

Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

SAMUEL ATUGHIU 10:3

Tishino no ye tilauno chekithesü wuno Tabor lo aphisübo-a lo ighi nani. Timi küthü Bethel lo Alhou phuwu chekemi no o sasü kusholu nani, timi lakhi no ane küthü hasasü cheghi nani, lakhi no asho küthü, eno lakhiu no ashiyiko hughi lono atsaizü pecheghi nani.