BOTHUBO 34:30 - Sumi Naga CL (Re-edited) Bible (BSI)

³⁰ Tile Jacob no Simeon ngo Levi pama vilo pi, “Nokujo ye I shou aküküpna süghivae eno Canaanmi ngo Perizimi yeghi hile küxümi zülo I pesü ajuaje küsapu shive tsüae. Ni ye aghulo ke, eno tsala panongu no hekütsüpe I mjochile eno leighi aye, ni eno I kibo ye kütsave nanie.”

BAIBEL (BSI)

³⁰ Jakob no Simon ngo Levi pama vilo pi, “Nokujono ishou akupuna sughivetsuae. Kananmi ngo Perizimi hipa yeghilo kuami gholo ije kusapu nokujono shivetsuae. Igholo timi kutomo kuhake, panonguno hekutsu kumqo puzu ishou ighi aye ighiqhiveniae, nibolomi kumtsu pughavetsunia.”

BOTHUBO 34:30 Iomraidhean Croise

BOTHUBO 12:12

Egyptmi no kughou no ithuluni keno, panongu no pi nani, ‘Hipau ye pa nipu ke.’ Tileno panongu no I heqhive nani, ikemu o pelo xülu pe nani.

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 12:6

Abram no chesü Shechem lo a-a lakhi Moreh lo aphisübo akeu lo ighi. Tipa ghuloki lo Canaanmi ye tile acheghi.

BOTHUBO 13:7

eno Abram tsü-aqu khemi ngo Lot tsü-aqu khemi dolo mtomshu keu auve. Tipa ghuloki lo Canaanmi ngo Perizimi ye ayeghi tipau lo küghüna ache.

BOTHUBO 34:2

Kughou Hivimi Hamor nu Shechem, tipa yeghi lo kükapuu no li ithulu keno, pa no li küghaluve no sazüve eno li lau küthakügha shive.

BOTHUBO 34:29

Pano küakini, ititunu eno anipuqo, aki lo aghikeu kümtsü küghaluve no lhepuwuve tsü.

BOTHUBO 34:31

Ikemu pama no pi, “Pa ye kütüqhalimi toi ni chepu peitha masa keshea?”

BOTHUBO 46:26

Jacob timi, khunoqo pa tikughukomi keno, pa nuli nipuqo kihisü mono aqolo pano lhotsügho tsügho.

BOTHUBO 46:27

Joseph nu Egypt lono pa lau punu tsükeu no pamae. Jacob kibolomi, khunoqo Egypt lo ighi keno panongu ye aqolo lhotsüni.

SAMUEL AKINIU 10:6

Kughou Ammonmi no panongu ye David zülo kumthu kümna shivae pi ithi keno, panongu no Beth-rehob eno Zobah lo Syriami ghüshimi qhethonhe muku, akükau Maacah timi 1,000 eno Tobmi kiptimi qhethonhe chighikini piqeve.

SAMUEL AKINIU 16:21

Ahithophel no pi, “O pu nipu amishimi khunoqo aki jukütsü penike qhive keno panoqo lau wulo, eno Israelmi kümtsü no no ye o pu lau aphikümqhüpu shivae pi chiluve nani, tileno o gholo akemi kümtsü amlo shikumtolu nani.”

KUKAMI ATUGHIU 11:25

Pa ye Solomon küxü tivilo Israel ghümi shiche, eno Hadad toi pa ghi Israelmi ghüza cheke. Pa ye Syria lo ayepe eno Israel mithi cheke.

KUKAMI ATUGHIU 18:18

Pa no khochile, “Ni ye Israel küpüna püamoe, ikemu nou no eno o lagha no küpüna cheni, kughengu nono Ampeu zakütsüqo pheve no Baal mllauve ke.

YEKIKITHI ATUGHIU 16:12

O Israel kughuko Alhou qemi, Jacob laghami, Paw kishekipheqo, Paw akümzapu eno mzamghalei keu kümla eno küghakütha tsa kümtsü kümsülu lo!

YEKIKITHI ATUGHIU 16:19

Kughou panongu no amsa loji, mpimghiyi eno kupokiche shi,

YEKIKITHI ATUGHIU 19:6

Kughou Hanun ngo Ammonmi no panongu ye David lau kumthu-kümna shivae pi vethalu keno, panongu no Mesopotamia, Aram-maacah, eno Zobah lono khurkulu ngo khurshimi piqe nike ghükayi ahu qhethonhe shighi-bidi qhalo pesü tsüpuwu.

YEKIKITHI ATUGHIU 2:7

Carmi nu Achan, Israelmi küküpnau akimthe thime kitiqeve keu lono aküpülü kubove keu,

LESHELE 105:12

Kughou panongu no akikihi aghulo likhi shi ache, eno inami shi tile ache keno

IPEKULU 5:21

eno panongu no pama vilo pi, “Ampeu no nokujo ithulu no küghatha peniu, kughengu nokujo no ningu pesü Pharaoh ngo pa qemi zülo kumthu kümna shive tsüae, eno ni ghiqhive peniye azütakikihi panoqo u lo süve tsüae.”

AHOLE 11:17

Timi khuu no ivünhei keno pa likhi pa la shilu cheni, ikemu ayiküsa shikeu ye pau ghüzave cheni.

AHOLE 11:29

Akibo lo aküküpna xusü chekemi ye amülhü ighilu nani, mbomzümi ye alokütsümi qemi shi nani.

AHOLE 15:27

Achipikumo kini mine keu ye pa kibo lo aküküpna xusü ani ikemu külügho mithi kemi no xülu nani.

ZAKINIU 4:17

ayeghi lo kiukiu lhoxü koghe, amülhü lo yekiche ghau koghe na,

ZAKINIU 4:27

Ampeu no ashiayeqo gholo nongu kutholeve nani, eno khuno shiye lau nongu hapuwuve akeno tipaqo gholo nongu ye aghuloshi likhive nani.

ZAKINIU 7:7

Nongu no kütami nguno kutomo kehu Ampeu no nongu kimiye eno kishelu ke kumoe, kughengu nongu ye ashiayeqo kümtsü dolo aghuloue.

JOSHUA 7:25

Eno Joshua no pi, “No ye kushiye aghime ni lau süghi kea? Ishi tsala lono Ampeu no o lau aghime süghi ani.” Eno Israelmi kümtsü no atu pesü Achan veqhi pithive. Panongu no atu pesü veqhive eno ami lono pitive.

SAMUEL ATUGHIU 13:4

Israelmi kümtsü no ti chilu no Saul no Philistiami mqo theqhivae pi, eno itaghi Israel ye Philistiami xukutho puthuvae pi ithive. Timi kümtsü no Saul gholo küqha penike Gilgal lo kukütsü.

SAMUEL ATUGHIU 16:2

Samuel no pi, “Ni ye kishino wuni kea? Saul no chiluve aye, I heqhive nani.” Ampeu no pi, “Amshiti lakhi o gholo pewu no pilo, ‘Ni ye Ampeu lau aghakishi tsüniye ighi ani.’

SAMUEL ATUGHIU 27:1

David no pa mlo lono kümsü, “Ni ye ghulo lakhi lo Saul u lono thive nani. I ghengu ye Philistiami yeghi lo pove keu nguno akiviu kühae. Tileno Saul ye Israel ghuthu lo I phuju pühave no aghüthi süve nani, eno ni ye pa u lono pokaluve nani.”

SAMUEL ATUGHIU 27:12

Achish no David pükhübe che eno ishi kümsü, “Pa ye paw timi Israelmi lau aphikümqhüpu shivae; tighenguno pa ye pülhapuju I qeu shi cheniae.”