BOTHUBO 33:10 - Sumi Naga CL (Re-edited) Bible (BSI)

¹⁰ Jacob no pi, “Moe, kimiyeno tsala o nhethe lo I kimiye qhiyilu aghi aye, I u lono I ghochhe ikhilu tsülo. Kughengu I no o gi ithulu akeu ye Alhou gi ithulu aketoi ani, eno nono ni ikhiluve tsü ake.

BAIBEL (BSI)

¹⁰ Jakob no pi, “Tishi pitsu kevilo, tsala ozulo ni ikhikulupu shilu aghi aye ilauno agho lutsu lo. Kughengu ino ogi ithulu akeuye Alhou gi ithulu ake toi ani, nono aloqiniqhiyi iyikhilu tsue.

BOTHUBO 33:10 Iomraidhean Croise

BOTHUBO 19:19

Julo, nokujo qeu kimiyeqhiyi tsüno I küxü xaphe tsükeu lono kikimiye kije I piyevae. Ikemu ni ye atoghi lo poka wulu moae, tikumo aye amhekiqi no I haluve no ni ye thive nosae.

BOTHUBO 32:30

Ikehu Jacob no tipa-a pesü Peniel kuve tsüno pi, “Kughengu ni ye agi no agi kinheqhe Alhou ithuluvae, tishimu I küxü xaphe tsüke.”

BOTHUBO 33:11

Kimiyeno Iw kükümgha o lau peighi akeu ikhilu tsülo, kughengu Alhou no I lau küpüqhiyi tsüno ni ye kupukuno shi anike.” Ikehu pa no qhüiniju keu kiqi lono Esau no luvetsü.

BOTHUBO 33:9

Ikemu Esau no pi, “Ni ye lukümkha anie, I thiküzüu; nono kiu ani keno o ghenguno qhiluve lo.”

BOTHUBO 43:3

Ikemu Judah no pa vilo pi, “Timi huno akumto shi ningu ghutu no pi püani, ‘Nongu thiküzüu nongu gholo saghi move aye, nongu ye I gi ithulumo nani.’

BOTHUBO 47:29

Kughou Israel thiveni keu do kupunuve keno, pa no pa nu Joseph kuno pi, “Tsala o zülo I kimiyelu kepu shi püaghi aye, I lukobo qholo o u beno kikimiye eno kuchou lono I lau mlani pi tushoqhi lo. Egypt lo I kumo shiqho kevilo,

BOTHUBO 50:4

Kughou mloqa keu tsala kishekhave keno, Joseph no Pharaoh kibolomi pütsa no pi, “Tsala nongu no I kimiye tsülu aye, kimiyeno Pharaoh pütsa tsüno pilo,

SAMUEL AKINIU 14:24

Akükau no pi, “Pa pelo pa kilo ngo pelo; pa ye I zülo ighi moni.” Tighenguno Absalom ye pa kilo ngove eno akükau zülo ighi move.

SAMUEL AKINIU 14:28

Absalom ye akükau zülo iloghimo no ampe kini kupuju Jerusalem lo ngove.

SAMUEL AKINIU 14:32

Absalom no Joab khochile, “I no o lau atsa pi puwu, ‘Hilau ighilo, tishianguno I no akükau lau o puwu no ishi iniju tsüpeni, “Kushiye ni ye Geshur lono ighi kea? Tilau ngo akeu no I ghenguno akiviu shi aghini cheke.” Tighenguno itehi I pelo akükau zülo wulu pelo, eno I lau akipimi aghi aye, pa no I heqhive peni.’”

SAMUEL AKINIU 3:13

David no pi, “Alova, I no o sasü puloshoqhi shini. Ikemu thime lakhi o launo avehupu shi ani, nono I sasü kushoni ke ighi kelo Saul nonga Michal sasü ighi paghimo aye no ye I sholumo nani.”

JOB 33:26

tile timi huno Alhou lau inikhu kelo Pa no ikhilu tsücheni; pa no Alhou gi ithulupe alovi igha cheni, eno Alhou no pa chipiu pesü tsüchile cheni.

LESHELE 41:11

Hipau vecheo No ye I lau azüvü anipi I no ithini: I ghümi ye I shou tokulu shi ighamku monani.

JEREMIYA 31:2

Ampeu no ishi piani: “Khunono azütakikihi lono xülu keno asayeqha lo küpükini ithulue; Israelmi no akulhokiqhi phuighi kelo,

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

Piyeküsü 22:4

Panongu no Pa gi ithulu nani, eno Pa je no panongu kishe lo anani.

RUTH 2:10

Ikehu li no agi pishiqhope ayeghi lo itsaqive no pa vilo pi, “Ni ye inalimi lakhi keghi kushiye o zülo kikimiye ithulu eno o nhethi lo ijulu kea?”

SAMUEL ATUGHIU 20:3

Ikemu David no itaghi tushoqhi, “Nono I kimiye chekeu o pu no ithi ani, eno pa ye ishi kümsü ani, ‘Jonathan pelo hi ithi pemoni, tikumo aye pa ye amlo ijuve nani.’ Ikemu kuchou no Ampeu xü anike eno no hi xü anike, ni eno akithi dolo küpka lakhi likhi ani.”