BOTHUBO 32:20 - Sumi Naga CL (Re-edited) Bible (BSI)

²⁰ eno nongu no pilo, ‘Tinguno alau, o qeu Jacob ye ningu thiu chenie.’” Kughengu pa no kümsüe, “Agho I züu chekeqo pesü ni ye pa haküghüqü luvi, eno tithiuno I no pa gi ithulunie. Pa ghi ni ikhilutsü luvie.”

BAIBEL (BSI)

²⁰ Tinguno alauno nonguye ishi pilo, ‘Oqeu Jakob ye nithiu chenie!’ ” Kughengu Jakob no ishi kumsu, “Ino izuwuno agho chhe puwu akeuno pazulo igi kusho shinie, eno tipathiuno pa sasu kushonie, pano ikipimi qhive tsunimala.”

BOTHUBO 32:20 Iomraidhean Croise

BOTHUBO 32:19

Tihutoi pa no amqo akiniu ngo aküthüu eno atsüaqu loji pape chekeqo kümtsü vilo piputove, “Kughou nongu no pa sholuni keno, nongu ye hipa tho pa vilo pilo,

BOTHUBO 32:21

Ikehu aghochhe no pa züu shi wuvepe, eno pa ye tipaji aghazü lo ngove.

BOTHUBO 43:11

Tileno panongu papu Israel no panongu vilo pi, “Tsala tishi kepu shi aye, hi shilo: aghakhu lo xathi akiviu hami, nukümtshau kitila, akhingozü kitila, ata, axokütsüngü, pistachio eno almond lothi ishi nonguw süqhu lo süpe no agho shi pewo timi hu tsülo.

KUKAMI ATUGHIU 20:31

Pa qemi no pa vilo pi, “Julo, Israel kükami ye kimiyekini kepi nino chilue. Ni pelo kumshophi no apo khave eno akighi no akütsü khapu no Israel kükau lau wu pelo. Pa ye o küxü pükhatsü luvike.”

AHOLE 15:18

Aji kumqhomi no mtomshu keu huthuphe cheni, ikemu asheshino amloide kemi no küghüqü tsü cheni.

AHOLE 16:14

Akükau loghu ye akithi shepe kimihi kehu alokütsümi ye pa ghozüiza cheni.

AHOLE 18:16

Milakhi gho no pa ghenguno ala khaqhitsü no pa sasü akhotomi zülo ighilu chenipe.

AHOLE 21:14

Tuqhou no agho chheve aye amlokighide ghaqhilu cheni, küsüuno asaxü tsükeu no aloghu küghüqülu cheni.

AHOLE 6:35

Pa ye tha-lo keu lumo nani; nono tughotili küghüsüpe tsü namu pa ye milive nani.

JONAH 3:9

Khuu no ithi ani kea? Alhou ye xaide luvi eno Pa yiküsa mlokighide süchile luvi, tishi keu lono ningu ye pühamo luvike.”

2 Tim. 2:25

eno mtshaminhei pa mjochile kemi shikithe tsü masae. Ishiake Alhou no pano pelo amlo xaidelu no kuchou ithilupe nani,

SAMUEL ATUGHIU 6:5

Tighenguno nongu ye no yeghi kütsave tsükeu, amishe eno aji julhoqo mla masae, eno Israel Lhou jepipi tsülo. Tishiaye Pa no nongu eno no lhouqo ngo no yeghi lono Pa u süchileve nani.