BOTHUBO 32:2 - Sumi Naga CL (Re-edited) Bible (BSI)

² Kughou Jacob no panoqo ithulu keno pa no pi, “Hi ye Alhouw aghazü-a kena!” Tighenguno pa no tipa-a pesü Mahanaim kuve tsü.

BAIBEL (BSI)

² Kughou panongu ithulu keno Jakob no pi, “Hiye Alhou wu ghushi mie!” Ikehu pano tipa-a pesu Mahanaim kutsue, pa kiqi Alhou kua-a.

BOTHUBO 32:2 Iomraidhean Croise

SAMUEL AKINIU 17:24

Tithiu David no Mahanaim lo ighi. Absalom no Israel lo timi kümtsü sasü Jordan katha ikuve.

SAMUEL AKINIU 2:12

Ner nu Abner ngo Saul nu Ish-bosheth qemiqo no Mahanaim lono Gibeon lo wu.

SAMUEL AKINIU 2:8

Ikemu Ner nu Abner, Saul ghüshimi shou zatsüu no Saul nu Ish-bosheth sasü Mahanaim lo ighi,

KUKAMI ATUGHIU 2:8

Itaghi I no Mahanaim lo wuke tsala lo Bahurim lo Benjaminmi Gera nu Shimei no aloqhi I ghusho püani. Ikemu pa no Jordan lono I sasü kusho niye ighi kelo, I no Ampeu je lono pa vilo tushoqhi, ‘Ni ye o pithimoe.’

KUKAMI ATUGHIU 4:14

Iddo nu Ahinadab no Mahanaim;

KUKAMI AKINIU 6:17

Tishino pa no inikhu, “O Ampeu, kimiyeno pa nhethi xükho tsüno pa pelo ithulu pelo.” Ampeu no aqeu nhethi xükho tsü, eno julo, atoghi lo ami khurshi ngo khurkuluqo no Elisha homxape aghikeu ithulu.

YEKIKITHI ATUGHIU 12:22

Tsalakipetsü timi mqo kütüta no David kuphu nike pa gholo ighikeu huno paw ghüshimi kütsasa shive.

LESHELE 103:21

Ampeuw aqokitikhi kümtsü, Pa qemi khunono Pa pulou shicheni keno, Ampeu sheqhelo!

LESHELE 148:2

Paw kungumi kümtsü no Pa sheqhelo; Paw aqokitikhi kümtsü no Pa sheqhelo!

LESHELE 24:10

Ajuküvü kükau ye khuu kea? Aqokitikhi Mpeu, Pa ye ajuküvü kükau ke!

LESHELE 34:7

Ampeuw kungumi no Pa sümsa chekemi bothape acheni, eno panoqo xaphelu cheni.

ALE KIMCHI 6:13

Ideighilo, ideighilo, O Shulam liu, nino qheghüi o junike ideighi pütsalo. Kushiye nongu ye ghüshimi aqo kini zülo ilhe akeshi Shulam liu jukuto ani kea?

DANIEL 10:20

Tileno pa no pi, “Ni ye kushiye o lau ighive akeno no ye ithi anima? Ikemu itehi Persia kükapuu sasü kichighini ke ni ye idewove niae; eno kughou I no wuveni keno, julo, Greece kükapuu ighi nani.

Luke 2:13

Paikhavi kungugha lo kungumi aqokitikhi no kungumi tipau gholo ipeghive no iqhaighu Alhou sheqhe ghi pi,

JOSHUA 21:38

Gad shiaye launo Gilead lo Sükusho phughi Ramoth eno tile atsüni kümtsha-a, Mahanaim eno tile atsüni kümtsha-a,

JOSHUA 5:14

Timi huno khochile, “Moe, Ni ye Ampeuw ghüshimi zatsüu ke.” Joshua no ikiqi pa gi no ayeghi dape mlla no pi, “I mpeu ye pa qeu pelo kiu shipenishi ani kea?”