BOTHUBO 26:3 - Sumi Naga CL (Re-edited) Bible (BSI)

³ Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BAIBEL (BSI)

³ Hipau ghakhulo ngolo, ino osasu ani eno okumghatsunie. Kughengu ino otikughuko lau hipa ghakhu kumtsu tsuni eno ino opu Abraham lau piqhi puakeu shoqhi ino shikuputsunie.

BOTHUBO 26:3 Iomraidhean Croise

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 13:15

kughengu nono ithulu akeu yeghi kümtsü I no alholo ghenguno no eno o polo kughukomi tsüni.

BOTHUBO 13:17

Ithulo, ayeghi hipau akijelau eno akushulau kupuju chesü wulo, kughengu I no tipau o tsüni.”

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

BOTHUBO 17:19

Alhou no pi, “Moe, o nipu Sarah no anu lakhi punu nani, eno nono pa je Isaac kutsü nani. I no pa thiu pa tikughukomi lau shekhaha puloshoqhi shi ghi pa sasü Iw puloshoqhi shi nani.

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 20:1

Tilauno Abraham ye Negeb ghakhu küdau itsüsü wuve eno Kadesh ngo Shur dolo ngove; pa ye Gerar lo inami shi ado hami ngove.

BOTHUBO 25:11

Abraham no thive kethiu Alhou no pa nu Isaac kümghatsüe. Eno Isaac ye Beer-lahai-roi lo xüsüve.

BOTHUBO 26:12

Isaac no tipa yeghi lo apiti qüsü eno tipa mpe lo ghile ghuthu aqhe no küghüsü ithulu. Ampeu no pa kümghatsüe,

BOTHUBO 26:14

Pa ye atsü-aqu eno lhoxü loji ngo aqemi kutomo pighi luve, ikehu Philistiami ye pa ju anheshuve.

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

BOTHUBO 28:15

Julo, I no o gholo ani eno nono khile khile wunamu I no o süsho nani, eno ayeghi hipau lo o sachile ighi nani. Kughengu I no o lau ashoqhi kiu shi keno tipau shive moke kutolo Ni ye o qhivemo nani.”

BOTHUBO 31:3

Tile Ampeu no Jacob vilo pi, “O puno yeghi lo no bolomi lau idewove lo, I no o gholo ananie.”

BOTHUBO 35:12

I no Abraham ngo Isaac tsükeu yeghi o tsü nani, eno o shelo o tikughukomi lau I no ayeghi tsü nani.”

BOTHUBO 39:2

Ampeu no Joseph gholo ae, eno pa ye tokulu shiuve, pa ye pa mpeu Egyptmi kilo ngove.

BOTHUBO 39:21

Ikemu Ampeu no Joseph gholo ae eno Paw iqemokeu kikimiye pa piye eno akughu kheu nhethe lo pa kimiyeqhiyi ithulu pe.

BOTHUBO 48:21

Tithiu Israel no Joseph vilo pi, “Julo, ni ye thiveni cheae, ikemu Alhou no nongu gholo anani eno nongu sasü no puasü yeghi lo idewo nani.

BOTHUBO 50:24

Joseph no pa mu noqo vilo pi, “Ni ye thive niye shivae, ikemu Alhou no nongu xuju ighi nani eno ayeghi hipau lono nongu sasü Pa no Abraham, Isaac eno Jacob vilo ashoqhi shikeu yeghi lo ipeve nani.”

YEKIKITHI ATUGHIU 16:16

Abraham sasü puloshoqhi shikeu, Isaac lau pikiqhi shoqhi shikeu,

LESHELE 105:8

Pa ye alholo Paw puloshoqhi, Pa no azah tsükeu tsa tiqheli qhethonhe kutolo kümsülu cheni,

LESHELE 105:9

ti ye Pa no Abraham sasü puloshoqhi shikeu, Isaac lau Paw tushokiqhi shoqhi shikeu ke.

LESHELE 32:8

Nono wu masa keu laghi lo I no o kütsü shika nani; I nhethi pesü o shou jupuku no I no o vilo piputoni.

LESHELE 39:12

“I kighini chilu tsülo, O Ampeu, eno O kini kugho puwo I ghügha chilu tsülo; I no anhezü piji akelo inaqhoive kevilo! Kughengu ni ye O gholo kupokichemi lakhi ke, I puasü kümtsü toi shoinami lakhi ke.

IPEKULU 2:24

Alhou no panoqo mloghuju chilu, eno Alhou no Abraham, Isaac, eno Jacob sasü puloshoqhi shikeu kümsüchilelu.

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

IPEKULU 6:4

Canaan yeghi khipau lo panongu no kachenami shi ache keno tipau panoqo tsünie pi I no panongu sasü ghi Iw puloshoqhi shike.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

IPEKULU 6:8

I no Abraham, Isaac, eno Jacob noqo lau tsünie pi tushoqhi püakeu yeghi lo nongu saghi nani. I no tipau amheghi shi nongu tsü nani. Ni ye Ampeu ke.’”

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

ISAIAH 43:5

Msa kevilo, Ni ye o gholo ani; I no kipelau no o tikughuko saghi nani, eno kulolau no nongu hekütsü saghi nani.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 34:4

Ampeu no Moses vilo pi, “I no Abraham, Isaac, eno Jacob vilo, ‘I no o polo kughukomi tsüni,’ ipi tushoqhi keu yeghi hi cheni. I no o pelo o nhethi no ti ithuluve peae, ikemu no ye tilau wumoae.”

FILIPIAMI 4:9

Nongu no I launo kiu shikalu, ikhilu, chilu, eno ithuluve akeno tipaqo pewolo, eno aloinokütsü Lhou no nongu gholo anani.

IBRIMI 11:9

Aküpülü lono pa ye inami ghakhu lo tüsümi toi pikiqhi yeghi lo, aphiki tshüno pikiqhi mheghi pa gholono kümtsa ithuluni kemi Isaac ngo Jacob pama sasü ache.

IBRIMI 6:17

Ikehu kughou Alhou no Pa shoqhi kiyighimi lau kilive mlakeu lhoaye piyeni ke pulove keno, Pa no ashoqhi pesü ti mtsüqhei shitsüe,