BOTHUBO 25:18 - Sumi Naga CL (Re-edited) Bible (BSI)

¹⁸ Panongu ye Havilah lono Shur, khikhi Egypt ghüngü lo Assyria küdau ani keno, tipa kutolo küghünauve. Pa ye pa sholokumi kümtsü mjochile ghi küghünauve.

BAIBEL (BSI)

¹⁸ Ismael tikughukoye Ashura yeghi kudau wuke lalo Ijipmi yeghi kipelau Havila ngo Shur qhalo kughuna acheuve. Panonguye Abraham tikughuko kutami launo putosu xu ache.

BOTHUBO 25:18 Iomraidhean Croise

BOTHUBO 10:29

Ophir, Havilah, eno Jobab noqo ithulue; hipaqo kümtsü Joktan nuliqo ke.

BOTHUBO 10:7

Cush nuliqo: Seba, Havilah, Sabtah, Raamah, eno Sabteca. Raamah nuliqo: Sheba ngo Dedan.

BOTHUBO 13:10

Lot no pa nhethi tsüpuku no Jordan Khila huye azünihoi Ampeu ghutu toi, Zoar küdau Egypt yeghi toi aghikeu ithulu. (Hi ye Ampeu no Sodom ngo Gomorrah kütsa mphi züuke.)

BOTHUBO 14:10

Siddim Khila ye tsübuta kuchhuki no chhitoi, eno Sodom ngo Gomorrah kükau noqo no poche kelo panongu khami ye tipaqo lo ikiqi ilove, eno kütamiqo ye naghuto lo aphu akeqo lo pokhave.

BOTHUBO 16:12

Pa ye timi ghenguno aghalo khurha toi nani, pa u no kümtsü mjochile nani, kümtsü no pa mjochile nani, eno pa ye pa bolomi kümtsü sasü aghümi shi xünani.”

BOTHUBO 16:7

Ampeuw kungumi no asayeqha lo Shur la lo azüpuki akeu lono li ithulu.

BOTHUBO 2:11

Atüghüu je no Pishon. Tipau no Havilah yeghi, khile ameshoyi acheni keno, ti vehomxa qowu chekeu ke.

BOTHUBO 20:1

Tilauno Abraham ye Negeb ghakhu küdau itsüsü wuve eno Kadesh ngo Shur dolo ngove; pa ye Gerar lo inami shi ado hami ngove.

BOTHUBO 21:14

Ikehu Abraham no inaqhe itheno ithu asho ngo azü hughi pesü Hagar bighi lo anu gholono xipipeve no li puwuve. Li ye cheve no Beersheba sayeqha lo itsü wuve.

BOTHUBO 21:21

Pa ye Paran sayeqha lo ache, eno paza no Egypt yeghi lono anipu lakhi pa ghenguno luvetsü.

KUKAMI AKINIU 23:29

Pa ghuloki lono Egypt kükau Pharaoh Neco no Assyria kükau lau Euphrates ghoki lo iqhoe. Akükau Josiah no pa sasü aghü shinike wukelo Pharaoh Neco no Megiddo lono pa ithulu kemtsa pithive.

YEKIKITHI ATUGHIU 1:23

Ophir, Havilah, eno Jobab; hi kümtsü Joktan nuliqoe.

LESHELE 78:64

Pano chinemi ghi azütakikihi lono ikiqive, eno chimemi no mloqa moe.

IPEKULU 15:22

Tithiu Moses no Israelmi sasü Akuhu Züghi lono iqesü Shur sayeqha lo wuve. Panongu no asayeqha lo atsala küthü chesü wu, ikemu azü ithulu move.

EZEKEL 23:23

Babylonmi eno Chaldeami, Pekod, Shoa, Koa, eno Assyriami kümtsü gholono apumi ajukivi, angh, zatsümi, hiyampemi, akighichemi, khurshi küsami kümtsü saighi nani.

SAMUEL ATUGHIU 15:7

Saul no Havilah lono Egypt kipelau Shur kutolo Amalekmi leluve.