BOTHUBO 24:12 - Sumi Naga CL (Re-edited) Bible (BSI)

¹² Eno pa no pi, “O Ampeu, I mpeu Abraham Lhou, kimiyeno ishi tokulu I tsülo eno iqemokeu kikimiye I mpeu Abraham lau piye tsülo.

BAIBEL (BSI)

¹² Pano ishi inikhu, “O AMPEU, impeu Abraham Lhou, ishi izulo angu vilupelo eno impeu Abraham lau piqhi puakeu shitsulo.

BOTHUBO 24:12 Iomraidhean Croise

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

BOTHUBO 24:21

Timi huno Ampeu ye pa ghüzüla lo tokulu shitsü nani kemo keno inaqhoi li chhejuae.

BOTHUBO 24:27

eno pi, “I mpeu Abraham Lhou, Ampeu, khuu no Paw iqemokeu kikimiye eno Paw pükhükulu I mpeu launo süchileve mo keno, Pa sheqhelo. I ghengu ye, Ampeu no ala kupuju lo I kiche sasü I mpeu no bolomi kilo süve tsüae.”

BOTHUBO 24:42

“Ishi I no azüpuki lo ighi no pi, ‘O Ampeu, I mpeu Abraham Lhou, tsala Nono itehi I no wuche keu la heshetsü aghi aye,

BOTHUBO 24:48

Tithiu I no I kütsü pishiqhope I mpeu Abraham Lhou, Ampeu khuu no alaghi achipi lono I mpeu nu ghenguno I sasü pa sholokumi nonga lau ighi keno, Pa mlla eno Pa je sheqhe.

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

BOTHUBO 27:10

Eno no ye tipau pesü o pu pelo chu penike pewulo, tishiaye pa no thimphi lono o kümghatsü nani.”

BOTHUBO 27:20

Ikemu Isaac no pa nu vilo pi, “I nu, kishino no ye paikhavi no ti ithuluve kea?” Pa no khochile, “Kughengu Ampeu o Lhou no tokulu I tsüke.”

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

BOTHUBO 31:42

Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”

BOTHUBO 32:10

ni ye Ow iqemokeu kikimiye eno pükhükulu kümla Nono O qeu lau piye keqo akimkheu mu ithulu küzüpu kumoe, kughengu I kusü likhi kuchope ni ye Jordan hipau kathae, ikemu itehi ni ye aghazü mqo kini shivae.

BOTHUBO 32:9

Eno Jacob no pi, “O I pu Abraham Lhou eno I pu Isaac Lhou, O Ampeu khuu no I vilo, ‘O ghakhu lo eno o sholokumi lau idewove lo, tishianguno I no o lau akivi shi tsünie,’ ipi keno,

BOTHUBO 43:14

Akughushu Lhou pelo timi hupau zülo küpükini nongu tsü peniu, eno pa pelo nongu thiküzüu lakhiu ngo Benjamin kighide puwo peniu. I ghengu ye, tsala I no I tianuli pühave kepu shive namu pühave niae.”

KUKAMI ATUGHIU 18:36

Avela kümllagho do lono tungkupu Elijah no akümlla-khache phivilo ighi no pi, “O Ampeu, Abraham, Isaac eno Jacob Lhou, No ye Israel Lhou, ni ye O qeu eno O zakütsü lono hipaqo shi ani kepi ishi tsala lono panongu pelo ithilu pelo.

KUKAMI AKINIU 2:14

Pa no Elijahw hebephi pesü liküzü no azü lo hesü eno pi, “Elijah Lhou, Ampeu khile ani kea?” Kughou pa no azü lo hesü keno, azü no hula hila kikije kini shive eno Elisha no katha ikuve.

NEHEMIA 1:11

O Ampeu, O kini kughope O qeu kighini chilu tsülo, O qemi kütami O je sümsa chekemi kighini ini tsülo, ishi no ni O qeu lau tokulu puwu tsülo, eno timi hipau zülo ow kimiyekini I tsülo.” Ni ye akükau jukhu kipeu shi cheke.

NEHEMIA 2:4

Akükau no pi, “No ye kiu qhüiniju ani kea?” Tileno I no kungugha Lhou vilo inikhu.

LESHELE 118:25

Nino inikhu ani, O Ampeu, ni xalu tsülo! O Ampeu, nino inikhu ani, tokulu ni tsülo!

LESHELE 122:6

Jerusalem lokughunopu ghenguno inikhulo! “Khunono O kimiye cheni keno sükusho lo apelo!

LESHELE 127:1

Ampeu no aki shiqhe tsümo aye, aki kishimi no aghime shi aju püka akeu ye adoue. Ampeu no mishighüna khekuto tsümo aye, aghukheu no khekuto akeu ye adoue.

LESHELE 37:5

Ampeu lau O laghi kulhuqhi tsülo; Pa shou pükhü lo, eno Pa no mlatsü nani.

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

MATTHEW 22:32

‘Ni ye Abraham Lhou, Isaac Lhou, eno Jacob Lhou ke.’ Pa ye küxümi Lhou kethono kithimi Lhou kumoe.”

FILIPIAMI 4:6

kiu lonomu amlo kütakihi kevilo, ikemu thokha lo shikimthikütsü gholono akighini eno akupulo pesü Alhou lau qhüiniju lo.