BOTHUBO 23:4 - Sumi Naga CL (Re-edited) Bible (BSI)

⁴ “Ni ye kupokichemi eno nongu gholo inami; akumo kuqho-a ghenguno nongu mheghi lakhi I tsülo, tishianguno I no Iw kithimi shiqho luni.”

BAIBEL (BSI)

⁴ “Niye inami eno kupokichemi shi nongu gholo acheni. Inipu kumo qhonike ghenguno ayeghi a-a lakhi ivilo jesu tsulo.”

BOTHUBO 23:4 Iomraidhean Croise

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 23:5

Hittimi no Abraham khochile,

BOTHUBO 3:19

Nono ayeghi lo idewo moke kutolo o tsünhizü o gi lono ijiqi ghi no ye achuqupu chuni, kughengu tipau lono o lhophe; kughengu no ye ayeghimkhu eno ayeghimkhu lo idewove nani.”

BOTHUBO 47:9

Jacob no Pharaoh vilo pi, “I küxü lo kachena shi ighikeu hi ampe 130 shivae. Ampe aghulo likhi aphi ikemu shilusake pachi, eno I puasüqo küxü mpe qhemi kumoe.”

BOTHUBO 49:30

ti ye Canaan yeghi lo Mamre kipelau Machpelah luza lo atuki, khikhi Abraham no Hittimi Ephron luza lo akumoki shiniye qhüluve keno tipau ke.

BOTHUBO 50:13

panongu no pa xapu Canaan yeghi lo ighi no Hittimi Ephron luza, Mamre kipelau Machpelah luza lo atuki akeu, khikhi Abraham no akumoki shiniye qhü keno, tilehi pa shiqhove.

YEKIKITHI ATUGHIU 29:15

Kughengu ni puasüqo no inami eno kupokichemi shi ighi ketoi ningu ghi O zülo titoi kemie. Ayeghi lo ni tsala ye yekükhü toi wove cheni eno lakujupu kühae.

JOB 30:23

Kughengu Nono küxümi kümtsü ghenguno kuto püakeu akithi kilo I sawo süniye akeu I no ithi anie.

LESHELE 119:19

Ni ye ayeghi lo kupokichemi lakhi ke; O zakütsü I launo küsüve kevilo!

LESHELE 39:12

“I kighini chilu tsülo, O Ampeu, eno O kini kugho puwo I ghügha chilu tsülo; I no anhezü piji akelo inaqhoive kevilo! Kughengu ni ye O gholo kupokichemi lakhi ke, I puasü kümtsü toi shoinami lakhi ke.

IPEKULU 2:22

Li no pa lau anu lakhi punu tsü, eno pa no pa je pesü Gershom kuvetsü, kughengu pa no pi, “Ni ye inami yeghi lo kachenami lakhi ke.”

YETSAPIU 12:5

panongu ye qhemghai ke-a jupe msa nani, alaghi lo aküighüpu ithulu nani; almond sübo no puyelei, atikha no asheshi no pükawu nani, eno akiminepu kühave nani, kughengu timi ye paw lhokta kilo wocheae eno mloqa kemi no alaghila lo itsü chenie.

YETSAPIU 12:7

Ayeghimkhu no atüghü lo toi ayeghi lo idewove nani, eno aghungu no Alhou lau idewove nani.

YETSAPIU 6:3

Timi lakhi no atianuli 100 kutolo aghi no ampe kutomo xünamu, pa küxü lo alokivi thimeqo shou alokiqi küha, eno akivishi pa sükumo shiqholu kepu shimo aye, I no pi anike anga akithi shi ghi punu keu huno pa nguno akiviue.

ACHINE 25:23

“Ayeghi ye alhokuthu ghenguno jeve moni, kughengu ayeghi ye Iw eno nongu ye I yeghi lo inaghami eno kachenami ke.

Apostolmi 7:16

eno panongu sükumo ye Shechem lo xapu ighi no Abraham no Hamor nuli vilo ghükayi no qhükeu kumoki lo qhove.

Apostolmi 7:5

Ikeghi tile apukhu kinepu-a mu pesü pa mheghi shi tsümoe, eno pa no anu küha keghi ayeghi pesü pa eno pa polo kughukomi mheghi shitsüni kepi tushoqhie.

IBRIMI 11:9

Aküpülü lono pa ye inami ghakhu lo tüsümi toi pikiqhi yeghi lo, aphiki tshüno pikiqhi mheghi pa gholono kümtsa ithuluni kemi Isaac ngo Jacob pama sasü ache.

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.