BOTHUBO 22:18 - Sumi Naga CL (Re-edited) Bible (BSI)

¹⁸ o tikughuko vecheo ayeghi lo shiye kümtsü no müghalu nani, kughengu nono I gholuke.”

BAIBEL (BSI)

¹⁸ Ayeghiqhalo ashiayeh kumtsuno ino oti kughuko kumghavetsu ke toi kumghatsulo pi nani eno tiye nono igholu keu ghenguno ke!”

BOTHUBO 22:18 Iomraidhean Croise

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BOTHUBO 18:18

Abraham ye mtsüqheino kije eno akughushu shiye shi nani, eno ayeghi lo shiye kümtsü pa vecheo müghalu nani.

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

BOTHUBO 22:10

Tishino Abraham no pa u chhope pa nu ghiqhive niye azüta ikhiluve.

BOTHUBO 22:3

Ikehu Abraham no inaqhe itheno ithuve no paw khurgha anhemgha xapipe, eno pa gholo apumi kini eno pa nu Isaac ishi sasü wuve. Akipti kümllagho ghenguno asü ghepuve no Alhou no khipa-a pa piye keno tilau wuve.

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

IPEKULU 7:6

Moses ngo Aaron pama no titoi shi; pama no Ampeu no azah tsü ketoi shie.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

JEREMIYA 7:23

Ikemu azakütsü hipau I no panongu tsüe: ‘I sütsa gholulo, tishiaye I no nongu Lhou shinani, eno nongu no Iw timi shinani. I no nongu azah tsükeu la lo chechelo, tishiaye nongu kivipu shinani.’

MATTHEW 1:1

Jisü Khristo, David nu, Abraham nu, puasüqo laghaphi kaku.

Apostolmi 3:25

Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’

Rommi 1:3

Pa Nu, khuu timi lhoaye gholau no pini aye David polo kughukomi

Galatiami 3:16

Pikiqhitsa ye Abraham ngo pa tikughuko lau shike. Ti ye kutomo lau pipuku ghi, “Eno atikughukoqo lau” ipimoe, ikemu milakhi, ti ye Khristo, lau pipuku ghi, “Eno o tikughuko lau” ipike.

Galatiami 3:18

Kughengu Ayezah vecheo amheghi ighi cheghi aye, ti ye pikiqhitsa shou bepe anike kumovae; ikemu Alhou no pikiqhitsa vecheo amheghi Abraham tsüe.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.