BOTHUBO 22:17 - Sumi Naga CL (Re-edited) Bible (BSI)

¹⁷ I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

BAIBEL (BSI)

¹⁷ ino shishe okumghatsuni eno oti kughukoqo shishe kighishe tsunie. Panongu ye atsutsulo ayepu je-jehi eno azughi mukulo asaye je-jehi shi nani. Oti kughukoqono aghumi liwo khasulu nani:

BOTHUBO 22:17 Iomraidhean Croise

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 13:16

I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

BOTHUBO 17:6

I no o pelo shishe athi pithi lupe nani, o pesü shiye kutomo kughulho nani, eno o launo kükamiqo ighi nani.

BOTHUBO 24:60

Eno panongu no Rebekah kümghatsü no li vilo pi, “Ni chepu, o pelo qhethonhe no qhethonhe paza shilu peniu, eno o tikughuko no pano mithi chekeqo khagho lelu peniu!”

BOTHUBO 25:11

Abraham no thive kethiu Alhou no pa nu Isaac kümghatsüe. Eno Isaac ye Beer-lahai-roi lo xüsüve.

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 28:3

Akughushu Lhou no o kümghatsü peni eno o pelo athi pithilu eno kughukolu peniu, tishianguno no ye lighimi timi shilu peni.

BOTHUBO 28:4

Pa pelo Abraham kükümgha pesü no eno o gholo o tikughukomi tsü peniu, tishino nono inami shi chekeu yeghi khikhi Alhou no Abraham tsü keno, tino o mheghi shilu peniu!”

BOTHUBO 32:12

Ikemu Nono pi, ‘Mtsüqheino Ni ye o lau akivi shitsü nani, eno o lagha pesü azüghi lo asaye, khikhi kihi khamla keno titoi aqokitikhi shitsü nani.’”

BOTHUBO 32:13

Ikehu pa ye tipaji tilehi ngove, eno pa no kiu pighi akeno tipau lono pa mu Esau ghenguno agho luve,

SAMUEL AKINIU 17:11

Ikemu I kükümsü ye Beersheba lono Dan kutolo Israelmi kümtsü azüghi lo asaye toi o lau hekütsü pelo eno no ampi no aghüshi lo wulo.

KUKAMI ATUGHIU 4:20

Judah ngo Israel lo timiqo ye azüghi mkülo asaye toi ikowove. Panongu no chusho luno ighono alokivi shilu.

KUKAMI ATUGHIU 9:26

Akükau Solomon no Edom yeghi lo Akuhu Züghi mkülo Eloth phivilo Ezion-geber lono zükilu kütsasa mlae.

YEKIKITHI ATUGHIU 27:23

David no apunu mpe muku qhou ye kihi move, kughengu Ampeu no Israelmi pesü atsütsü lo ayepuqo jehi shitsünie pi piqhi püake.

YEKIKITHI AKINIU 1:9

O Ampeu Alhou, O tsa I pu David lau piqhi keu shikupu tsülo, kughengu Nono I pelo timi ayeghimkhu jehi shou akükau shive apeke.

NEHEMIA 9:23

Nono atsütsü lo ayepu jehi, atianuli kutomo pesü panongu tsü, eno pano puasüqo vilo wuno küghüna lo pikeu yeghi lo panongu sailoke.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

ISAIAH 48:19

nongu lagha no asaye jehi, eno nongu kughuko no athi toi aghini cheke; panongu je ye pühave moniche momu I zülono kütsave moni cheke.”

JEREMIYA 32:22

Nono pano puasüqo tsünike tushoqhi keu, akichhizü eno akhingozü qowu akeu yeghi panongu tsüe.

JEREMIYA 33:22

Atsütsü lo ayepuqo kihi khamla eno azüghi lo asaye mighi khamla ketoi, I no I qeu David ti kughuko küghüsü tsü nani, eno Levi chinemi I huthu chekemi ghi tishi tsünani.”

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

HOSIYA 2:1

O thiküzümi vilo, “Nongu ye Iw timi,” eno o chelimi vilo, “Nongu ye küpükini ithuluvae,” ipilo.

MICAH 1:9

Kughengu li zaku ye shipivi kümlapu shivae, eno ti ye Judah lau ighivae; tipau ye Iw timiqow khagho eno Jerusalem tovae.

Rommi 4:13

Kughengu Abraham no ayeghiqha ighilu nanie pi pa eno pa laghami lau pikiqhitsa tsükeu ye Ayezah lono kumono aküpülü vecheo Alhou lau achipikalu keu lono ke.

Rommi 9:27

Isaiah no Israelmi ghenguno ishi sheshu püani: “Israelmi kikihi no azüghi lo asaye jehi aghi namu, ghükulumi aghulo likhi xalu nani,

1 Kor. 15:57

Ikemu Alhou khuu no ni Mpeu Jisü Khristo vecheo tokulu ningu tsü keno Pa shikimthi.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

ZAKINIU 1:10

Ampeu nongu Lhou no nongu kughukove tsüae, julo, itehi nongu ye atsütsü lo ayepuqo jehivae.

ZAKINIU 1:11

Ampeu no puasü Lhou no Pa no piqhike toi ghuthu qhethonhe kutolo alau nongu kighishetsü eno kümghatsü peniu!

ZAKINIU 10:22

Nongu puasüqo ye Egypt lo pano lhotsüni likhi iqie, ikemu itehi ye Ampeu nongu Lhou no nongu pesü atsütsü lo ayepu jehi shive tsüae.

ZAKINIU 13:17

Kütsaveni keu nhemgha kiumu lumoni, tishikeu lono Ampeu no amloide moveno nongu kimiyeqhiyive nani, eno no puasüqo lau tushoqhi ketoi nongu kughuko tsü nani,

ZAKINIU 13:18

nongu no Ampeu nongu Lhou zakütsü khikhi ishi tsala lo I no nongu tsü ani keno, tipaqo pelu no Ampeu zülo kiu no achipi keno ti shilu aye tishitsü nani.

ZAKINIU 21:19

pa puaza no mishighüna khile acheni keno tipa khagho lo sakiphemi zülo pa sawuni,

IBRIMI 11:12

Ikehu thiveke kumlho timi lakhi launo atsütsü lo ayepu eno azüghi mkülo asaye jehi atianuli kughukolue.

IBRIMI 6:14

eno pi, “Kuchou no I no o kümghatsü no o lagha kughuko tsüni.”

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”