BOTHUBO 22:11 - Sumi Naga CL (Re-edited) Bible (BSI)

¹¹ Ikemu Ampeu kungumi no atsütsü lono pa kuno pi, “Abraham, Abraham!” Pa no pi, “Ni hile ani.”

BAIBEL (BSI)

¹¹ Ikemu atsutsu lono AMPEU kungumi lakhino ishi pa ku: “Abraham!” Pano ishi khochile, “Iye, ni hi anie.”

BOTHUBO 22:11 Iomraidhean Croise

BOTHUBO 16:7

Ampeuw kungumi no asayeqha lo Shur la lo azüpuki akeu lono li ithulu.

BOTHUBO 21:17

Eno Alhou no anu sütsa chiluve eno Alhouw kungumi no atsütsü lono Hagar kuno pi, “Kiu no o pünaqhi ani kea, Hagar? Msa kevilo, kughengu anu no ngo akeu-a lono Alhou no pa sütsa chiluve tsüae.

BOTHUBO 21:18

Ithulo! Anu khape lulo, eno o u no mtotoi pa khapelo, kughengu I no pa pesü shiye kije shitsü nani.”

BOTHUBO 22:1

Hipa thiu Alhou no Abraham peju no pa vilo pi, “Abraham!” Pa no pi, “Ni hile anie.”

BOTHUBO 22:10

Tishino Abraham no pa u chhope pa nu ghiqhive niye azüta ikhiluve.

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

BOTHUBO 22:16

eno pi, “I no I je kuno ashoqhi shivae, ipi Ampeu no asheshu, kughengu nono o nu lakhi likhi akeu süchile mono hi shive akehu,

BOTHUBO 24:7

Ampeu, atsütsü Lhou, khuu no I limi eno I sholokumi yeghi lono I saipeghi, eno ‘O tikughukomi lau I no ayeghi hipau tsüni,’ ipi I pütsa eno I lau ashoqhi shi keno, Pa no Paw kungumi o züu puwu tsü nani, eno no ye I nu ghenguno tilauno anipu lusaghi nanie.

BOTHUBO 31:11

Tileno Alhouw kungumi no asamou no I vilo pi, ‘Jacob,’ eno I no pi, ‘Ni hile ani!’

BOTHUBO 37:13

Israel no Joseph vilo pi, “O mu noqo ye Shechem lo ambeloji achu kümza anike kumo? Ighilo, I no panoqo lau o puwuni.” Eno pa no pi, “Ni hile ani.”

BOTHUBO 46:2

Alhou no putho lo kungunhetsü lono pa pütsa no pi, “Jacob, Jacob.” Eno pa no pi, “Ni hile ani.”

BOTHUBO 48:16

kungumi khuu no alhoksa kümtsü lono I xachilelu keno, Pa no apu pama kümghatsü peniu; pama launo I je, I pu Abraham ngo Isaac je pewo peniu; eno ayeghi lo pama pelo aqokitikhi shi ikowolu peniu.”

IPEKULU 3:2

Eno Ampeuw kungumi no asüminipho mta lono ami mili lakhi shi pa lau ipeghi. Pa no ithulu eno julo, asüminipho ye iqü aghi, ikemu tipau ye piti pühave moe.

IPEKULU 3:4

Kughou pa no juniye tsüghü ighikeu Ampeu no ithulu keno, Alhou no asüminipho lono pa ku, “Moses, Moses!” Eno pa no pi, “Ni hile ani.”

ISAIAH 6:8

Tileno I no Ampeu sütsa chilu, “Ni ye khuu puwuni, eno khuu no ni ghenguno wuni kea?” I no khochile, “Ni hile ani! I puwulo.”

Apostolmi 26:14

Kughou ningu kümtsü ayeghi lo iluqive keno, asütsa lakhi no Hebrew tsauno I pütsa keu I no chilu, ‘Saul, Saul, no ye kushiye I ghime ani kea? Ashu lo püsü pukuni keu ye o ghenguno kushokütsüe.’

Apostolmi 9:4

Pa ye ayeghi lo ikiqive eno asütsa lakhino pa vilo pikeu chilue, “Saul, Saul, no ye kushiye I kijipüsa ani kea?”

XAKUTHAMI 2:1

Tipa ghuloki lo Ampeuw kungumi no Gilgal lono Bokhim lo iqho no pi, “I no Egypt lono nongu saipeghi no nongu puasüqo vilo piqhi püakeu yeghi lo sailo, eno pi, ‘I no nongu sasü puloshoqhi shi püakeu khilemu hephomo nani,

SAMUEL ATUGHIU 3:10

Ampeu no ighi no puthughope azüu toi, “Samuel! Samuel!” ipi ku. Samuel no pi, “Pilo, Ampeu, O qeu ye chilu anie.”

SAMUEL ATUGHIU 3:4

Tileno Ampeu no Samuel ku, eno pa no, “Ni hile ani!” ipi