BOTHUBO 21:33 - Sumi Naga CL (Re-edited) Bible (BSI)

³³ Abraham no Beersheba lo tamarisk bo lakhi shosü eno tileno Ampeu, Shekhaha Lhou sheqhe.

BAIBEL (BSI)

³³ Abraham no Bersheba lo tamarik subo shosue eno AMPEU, shekhaha Lhou je ku-ghi mllae.

BOTHUBO 21:33 Iomraidhean Croise

BOTHUBO 12:8

Tilehi no pa no Bethel kipelau atoghi ghakhu lo iqesü wuve, eno Bethel no kulolau shi, Ai no kipelau shino pa phiki tshü. Eno pa no Ampeu lau akümlla-khache shiqhe no Ampeu je kue.

BOTHUBO 21:32

Ikehu pama no Beersheba lono puloshoqhi shie. Tishino Abimelek ngo paw ghüshimi zatsüu Phicol pama ye ithu no Philistia yeghi lo idewove.

BOTHUBO 26:23

Tilau no pa ye Beersheba lo iqhove.

BOTHUBO 26:25

Ikehu pa no tilehi akümlla-khache shiqhe no Ampeu mlla eno pa phiki shiqhe. Eno Isaac qemi no tilehi azükikhe lakhi chhue.

BOTHUBO 26:33

Pa no tipau je Shibah kuvetsü; tighenguno mishighüna tipau je ye ishi kutolo Beersheba ipi cheni.

BOTHUBO 4:26

Seth lau ghi anu lakhi punu, eno pa je Enosh kuvetsü. Tipa ghuloki lo timiqo ye Ampeu je kuthuve.

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

LESHELE 93:2

O kükalakhü ye mulho lono shosüvae; No ye shekhaha acheghi ke.

IPEKULU 15:18

Ampeu no alholo eno pülhapuju ayepe nani.”

ISAIAH 40:28

Nongu ye mtha eno chimla keo? Ampeu ye lhokta Lhou, ayeghiqha Pulhoküsüu ke. Pa ye qeinaive momu akulho shive chemo, Paw vethakulu lotsü ye lheilo tomlae.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

AMUS 8:14

Samaria kipimi jeku tushoqhi, eno ‘O Dan, o lhou xü anike,’ momu ‘Beersheba Laghi anike,’ ipi chekemi ye ikiqive nani eno khilemu ithughi kithemo nani.”

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

Rommi 1:20

Kughengu ayeghiqha lhoke lono Alhouw ithukümla lho, ti ye Paw lhokta küka eno akimthe lhoaye, huye pulhosü keu thimeqo lono mtsümishei ithikuthulu ighivae. Ikehu panongu ye ajeku kiumu kühavae.

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

ZAKINIU 16:21

“Nongu no Ampeu nongu Lhou ghenguno akümlla-khache mla kelo tipau phivilo Asherah kimihi shi asübo shosü moni.

ZAKINIU 32:40

Kughengu Ni ye alhokupuju xüani eno kungugha küdau I u süqhepe tushoqhi ani,

ZAKINIU 33:27

Lhokta Lhou no o kungo-a ke, Paw pülhapuju u no o puqhe acheni. Pa no o zülono o ghümi haphe no picheni, ‘Kütsave lo.’

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

IBRIMI 13:8

Jisü Khristo ye ighi, ishi eno alholo aphiphie.

XAKUTHAMI 3:7

Israelmi no Ampeu zülo küsakügha shiuve eno Ampeu Alhou kümsümave no Baal ngo Asheroth mllauve.