BOTHUBO 21:16 - Sumi Naga CL (Re-edited) Bible (BSI)

¹⁶ Tishino li no shexilika kapuwulu kepu qhemi lo wuno aghüngü lo iqave, kughengu li no pi, “Ni ye anu kithi ju amlae.” Li no anu ghüngü lo iqa no asütsa süqhe ghi qae.

BAIBEL (BSI)

¹⁶ eno li no alu ache lakhi-a kupuju tohilo wupuzu li likhi iqa ae. Lino ishi pi, “Anu kithi ju amlae!” Lino tilau iqa ake lauye, anu no qa ithuve.

BOTHUBO 21:16 Iomraidhean Croise

BOTHUBO 21:15

Kughou ahughi lo azü kühave keno, li no atsünipho qholo anu qhive.

BOTHUBO 27:38

Esau no pa pu vilo pi, “No ye kükümgha lakhi likhimu anima, I pu? Ni ghi I kümgha tsülo, O I pu.” Esau no pa sütsa süqhe no qae.

BOTHUBO 29:11

Tishino Jacob no Rachel müma no igha qauve.

BOTHUBO 44:34

Kughengu apu no I gholo wumo aye, ni ye kishi I pu lau idewoni kea? Alhoksa no I pu lau ighiveni keu ni ye msa anie.”

KUKAMI ATUGHIU 17:12

Li no khochile, “Ampeu o Lhou je lono pi anike ni ye asho kunuve keu kühae, ikemu ashomkhu au kichhi lakhi ani eno thazü kitila abohu lo ani. Itehi ni ye asü kichepe ilo no I nu nikujo ghenguno kutope chuve no tithiu ye thiniae.”

KUKAMI ATUGHIU 3:26

Tileno aza khuu nu no xü akeno, li no amlo lono anu kimiye akehu akükau vilo pi, “O I mpeu, anu pesü li tsüve lo eno kiukiu shimu anu pithitsü kevilo.” Ikemu lakhiu no pi, “Anga ye Iw mu shimo, ow mu shimoe; xaphave lo.”

ESTHER 8:6

Kughengu kishino ni ye Iw timiqo lau amhekiqi ighi niye akeu shou jupuku luni kea? Momu ni ye kishino I laghaqo shou kütsakungo ighi niye akeu puqhe luni kea?”

ISAIAH 49:15

“Aza lakhi ye li nga kughunu kümsümalu nani keshea? Li ye li no punu keu nga kimiye move nani keshea? Li no kümsümave namu, Ni ye khilemu o kümsüma monani.

JEREMIYA 6:26

O Iw timi ngaqo, yeqhiyephi pepu no ayevu lo ihilo; anu lakhi likhi keu ghenguno mlo ketoi, kukhukimji shi mloqa lo, kughengu züleno hekiqhimi no ningu shou ikughuni cheni.

AMUS 8:10

I no now tiqhetini pesü akumlo shivetsü nani eno nongu le kungo pesü amloksa le shivetsü nani; I no yeqhiyephi pesü nongu chita lo khatsü nani eno nongu kütsü lono asa miye khave tsü nani; anu lakhi akeu thive kelo mloqa ketoi shipe nani eno tipau shekuho ye kukhukimji tsala toi nani.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

Luke 15:20

Pa no ithu papu lau idewo. Ikemu pa no putou chephi lono papu no ithuluve no pa mlo saqhiyive, eno pa no anu lau posü wuno pa khadape müma.

XAKUTHAMI 2:4

Kungumi huno Israelmi vilo hi pive kemtsa, timiqo no ighamku qaukhave.

RUTH 1:9

Ampeu no kimiye tsüno nokujo gha pütüta shelo akimi phulu no pa ki lo akulhoqhilu peni!” Tishino li no pama müma kelo pama no ighamku qauve.

SAMUEL ATUGHIU 24:16

David no atsa hipaqo Saul vilo piqhi khavi, Saul no pi, “I nu David, hi ye o sütsa keshea?” Eno Saul no ighamku qauve.

SAMUEL ATUGHIU 30:4

David ngo paw timiqo no aküka kühave no akulho shimoke kutolo ighamku qae.