BOTHUBO 2:1 - Sumi Naga CL (Re-edited) Bible (BSI)

¹ Ikehu atsütsü ngo ayeghi, eno tilehi akeu kümtsü mlaqhive.

BAIBEL (BSI)

¹ Ike atsutsu ayeghi ngo tile akeqo kumtsu mulaqhiluve.

BOTHUBO 2:1 Iomraidhean Croise

BOTHUBO 1:1

Abothu lono Alhou no atsütsü ngo ayeghi lhoe.

BOTHUBO 1:10

Alhou no qhaike yeghi pesü Ayeghi ipi kuvetsü, eno azü hekütsü kumqo luve keqo pesü Azüghi ipi kuvetsü. Eno Alhou no tipau aloqhiyi ithulue.

BOTHUBO 2:4

Hino Ampeu Alhou no atsütsü eno ayeghi lhophe kelono tipaqo ikoighi keu ke.

KUKAMI AKINIU 19:15

Pa no Ampeu zülono inikhu no pi: “O Ampeu, Israel Lhou, Cherubim shou iqa akeu, ayeghi lo kükaqha kümtsü shou O likhi no Alhou ke; Nono kungugha ngo ayeghi lhoke.

YEKIKITHI AKINIU 2:12

Hiram no highi pi, “Atsütsü eno ayeghi lhokeu Ampeu Alhou sheqhelo, kughengu Pa no alokütsü nu pesü shiye kuloghi shou ka penike David tsüe. Khuu tsükhüi eno shitsa keno, pa no Ampeu chineki eno pa kükaki shiniye kuto anie.

NEHEMIA 9:6

“O likhi no Ampeu ke; Nono kungugha eno atsütsü, aqhi ayepu, ayeghi eno tile thokha thime, azüghi eno alou thokha thime, kümtsü lhoke; Nono ti kümtsü püxüpe qhike; eno kungugha lo aküka jeli no O mllae.

JOB 12:9

Hi ye AMPEU u no mlae pi hipaqo dolo khuu no mthani kea?

LESHELE 104:2

aküvü pesü O küzüpu ani, Nono aphiki toi kungugha xakho ke.

LESHELE 146:6

Pa no kungugha eno ayeghi, azüghi eno tile akeqo lhoke, Pa ye alholo pükhükulupu ke;

LESHELE 33:6

Ampeu tsa no kungugha lhoe, eno Pa kichi lo tuthukishe no yepu yesüqo lhoe.

LESHELE 33:9

Kughengu Pa no atsa pi kelo shikupuve; pa no azah tsükelo ti ye akumtoshi puthughove.

IPEKULU 20:11

Kughengu atsala tsügho lono Ampeu no atsütsü eno ayeghi, azüghi eno tile akeqo kümtsü lhoe, eno atsala akütsüniu loye akulhoqhi ke. Tighenguno Ampeu no Sabbath tsala kümghatsü eno tipau pesü akimthe shi qhike.

IPEKULU 31:17

Hi ye Ni eno Israelmi dolo alholo amchipu ake, kughengu atsala tsügho lono Ampeu no atsütsü ngo ayeghi lhoke, eno atsala akütsüniu lo Pa no akulhoqhi eno aghüthi püxü kithelu ke.’”

ISAIAH 34:4

Atsütsü ye kaku toi liküzüve no aqhi ayepu kümtsü hailove nani. Tipaqo ye atsaibo, mububo nipa ighiqi keshi ikiqighive nani.

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

ISAIAH 45:12

I no ayeghi pulhosü eno tile timi jeli lhosüe; kungugha xachho keu ye I u noke, eno atsütsü lo yepu-yesü kümtsü I zakütsü qholo ani.

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

ISAIAH 48:13

I u no ayeghi boqha qhae, eno I u ajeu no atsütsü sükhope qhike; kughou I no tipaqo kuni keno, tipaqo no kümtsa puthughope ngoluve cheni.

ISAIAH 55:9

Kungugha no ayeghi nguno qhemghai ketoi, I laghi ye nongu laghi nguno qhemghai eno I kükümsü ye nongu kükümsü nguno qhemghai ke.

ISAIAH 65:17

“Julo, I no kungugha kithe eno ayeghi kithe lhophe ani; wovekeu lo shivekeu kümtsü kümsümave nani momu akükümsü lo ighi move nani.

JEREMIYA 10:12

Alhou no Pa küka lono ayeghi lhoe, Pa lokütsü lono ayeghiqha kughuphe, eno Paw vethakulu lono atsütsü qhawo ke.

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani:

Luke 2:13

Paikhavi kungugha lo kungumi aqokitikhi no kungumi tipau gholo ipeghive no iqhaighu Alhou sheqhe ghi pi,

Apostolmi 4:24

Panongu no ti chilu no kümtsa ighamku Alhou vilo pi, “Kümtsü shou Ampeu, khuu atsütsü ngo ayeghi eno azüghi ngo tile akeu kümtsü lhosü keno,

Apostolmi 7:42

Ikemu Alhou no panongu launo tsüghüve eno tungkupmi kaku lo ishi yepüa ketoi panoqo pelo atsütsü lo yepu-yesü mlla penike tsüve: “‘O Israelmi, ampe lhobidi asayeqha lo chekelo, nongu ye lhoxü eno aghakishi pesü I lau ighi keshea?

ZAKINIU 17:3

kütau lhou qeuve eno mllauve no I no lakha chekeu khetsünhe, aqhi, momu ayepuqo mllauve aye,

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

IBRIMI 4:3

Tishiaye ningu khunoqo no pülü luve akeno tipa kulhokiqhi-a lo thebei ilo ani. Ayeghiqha boqha gho ake lono Pa kümla kümtsü tave keghi Pa no pike, “I loghu lono I no tushoqhive ketoi panongu ye I kulhokiqhi-a lo ilomo nani.”