BOTHUBO 19:25 - Sumi Naga CL (Re-edited) Bible (BSI)

²⁵ Eno Pa no mishighüna tipaqo, akhila, aphughi lo küxümi eno ayeghi lono kiu lhoipeghi cheni keno ti kümtsü kütsave tsü.

BAIBEL (BSI)

²⁵ Pano aphughi, abokhuqa, aphughiqolo kughunakuami eno ayeghilo lhoipeghi aghikeu kumtsu kutsavetsue.

BOTHUBO 19:25 Iomraidhean Croise

BOTHUBO 13:10

Lot no pa nhethi tsüpuku no Jordan Khila huye azünihoi Ampeu ghutu toi, Zoar küdau Egypt yeghi toi aghikeu ithulu. (Hi ye Ampeu no Sodom ngo Gomorrah kütsa mphi züuke.)

BOTHUBO 13:12

Abram ye Canaan yeghi lo xüsüve, eno Lot no akhila lo mishighünaqo dolo xüsüve no Sodom kutolo pa phiki pekho wove.

BOTHUBO 14:3

Hipaqo no Siddim Khila (ti ye, Amti Züghi) lono panongu küka kumghoe.

LESHELE 107:34

aghüma yeghi pesü amti yeghi shive tsü, tipau lo küghüna akeqo lhoksa ghenguno ke.

ISAIAH 13:19

Chaldeami juaje eno qheküzapu, kükaqha dolo jukighilepu Babylon ye Sodom ngo Gomorrah toi Alhou no kütsaleve nani.

JEREMIYA 20:16

Timi tipau ye Ampeu no küpümo no mishighünaqo haleve ketoi pelo; pa pelo inaqhe aküqa chilu pelo eno puchou kütüghü keu sütsa chilu pelo,

JEREMIYA 23:14

Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”

JEREMIYA 49:18

Sodom ngo Gomorrah eno tipa cheaxü lo mishighünaqo kütsale kelo toi khunomu tile küghüna kithe move nani, Ampeu no pi ani.

JEREMIYA 50:40

Alhou no Sodom ngo Gomorrah eno tipa sükümxa lo mishighünaqo kütsaleve kelo toi milakhimu tile küghüna kithemo nani, ipi Ampeu no sheshu.

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

EZEKEL 16:50

Panongu ye aqheküza eno I zülo aphikümqhüpu kümla shivae. Ikehu kughou I no tipau ithulu keno panoqo ikhive ke.

AMUS 4:11

“Alhou no Sodom ngo Gomorrah kütsave ketoi I no nongu khami kütsavae, nongu ye amiphoki lono amsü püxü phelu ketoie; ikeghi nongu ye I lau ideighi moe,” ipi Ampeu no pi.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;