BOTHUBO 19:19 - Sumi Naga CL (Re-edited) Bible (BSI)

¹⁹ Julo, nokujo qeu kimiyeqhiyi tsüno I küxü xaphe tsükeu lono kikimiye kije I piyevae. Ikemu ni ye atoghi lo poka wulu moae, tikumo aye amhekiqi no I haluve no ni ye thive nosae.

BAIBEL (BSI)

¹⁹ Nokujono shishe ikupu ikimiye keuye ikuxu xalutsu keu huno pephe piyevae. Itehi, niye naghuto loye iqhomlae kutsakungo keuno ihaluve nani eno ino ti tomphi lono thivenosae.

BOTHUBO 19:19 Iomraidhean Croise

BOTHUBO 12:13

No ye I chepue pivelo, tishianguno I sapüsa monani, eno o ghenguno I küxü hakholu nani.”

BOTHUBO 19:18

Lot no pama vilo pi, “O moe, I mpeu nokujo.

BOTHUBO 19:20

Julo, mishighüna hipau lo poilo kulupu akupunu lo ani, eno tipau ye aghulo ke. I pelo tilau pokawuve pelo—ti ye aghuloke kumo?—eno I küxü ye ghülu nanie!”

BOTHUBO 19:30

Lot ye Zoar lono iqhove no pa nga kini sasü atoghi lo xüuve, kughengu pa ye Zoar lo xünike msave. Ikehu pa ye pa nga kini sasü atuki lo ache.

BOTHUBO 39:4

Ikehu Joseph ye pa nhethe lo kimiyeqhiyi keu ithuluve eno pa ghini shiche, pa no Joseph pelo pa kibo jukükütsüu shivepe eno pa no pighi akeu kümtsü pa shou kulhuqhive tsü.

BOTHUBO 6:8

Ikemu Noah ye Ampeu zülo amlokiqi shilue.

KUKAMI ATUGHIU 9:9

Tileno timiqo no pi nani, ‘Kughengu panongu no Ampeu pano Lhou khuu no Egypt lono pano puasüqo saipeghi keno, Pa kümsümave eno alhou kütau qhoqhü no mllauve ke. Hi ghenguno Ampeu no pano shou shiküpsa hipau puku tsüe.’”

Mark 9:19

Jisü no panoqo vilo pi, “O aküpülü küküha tiqhelimio, ni ye khitohi nongu gholo anani kea? Ni ye khitohi nongu khea lopi kea? Anu hilau saghi lo.”

Luke 1:58

Ampeu no kimiyekini kije piye keu li kisüghümi eno abolomi no chilu püzü li gholo alovi küqha.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ZAKINIU 31:17

Tipani I mlo kighide panongu shou ikughi no panoqo pheve nani, panongu launo I gi kughove nani, tileno panongu ye kütsaleve nani. Panongu shou alhoksa ngo shiluküsa kutomo ikughi nani, eno panongu no pi nani, ‘Alhoksa hipaqo ni shou ikughi akeu ye, ni Lhou no ni gholo kühave kehu keshea?’

SAMUEL ATUGHIU 27:1

David no pa mlo lono kümsü, “Ni ye ghulo lakhi lo Saul u lono thive nani. I ghengu ye Philistiami yeghi lo pove keu nguno akiviu kühae. Tileno Saul ye Israel ghuthu lo I phuju pühave no aghüthi süve nani, eno ni ye pa u lono pokaluve nani.”