BOTHUBO 19:16 - Sumi Naga CL (Re-edited) Bible (BSI)

¹⁶ Ikemu pa ye künachove. Ikehu timi pama no pa ngo pa nipu eno anga pama au lono tsüqü luve, Ampeu no pa lau küpüqhiyi akehu pama no pa sasü mishighüna khalau po ipeghive.

BAIBEL (BSI)

¹⁶ Lot ye kunachope ake. AMPEU no pa kimiyekeu akehu timi pamano Lot ngo panipu eno panga kini ishi au lono sunhe sasu aphughi kubalau sape puzu panongu phepuwuve.

BOTHUBO 19:16 Iomraidhean Croise

BOTHUBO 19:15

Inaqhe vüipeghi kelo, kungumi no Lot ghutu ghi pi, “Ithulo! O nipu eno o nga hile akeu pama sawuve lo, tikumo aye nongu ye mishighüna ghime keu gholono joleve nosae.”

BOTHUBO 43:10

Tsala ningu no munumo aye, ningu ye ghuthu kini idechile ighive kepu shivae.”

YEKIKITHI ATUGHIU 16:34

Shikimthi keu Ampeu tsülo, kughengu Pa ye aloe; Pa kikimiye ye alholo mtotoi acheni!

LESHELE 103:13

Apu lakhi no pa tianuli lau kikimiye piye cheke toi, Ampeu no Pa gihu chekemi lau kimiyekini piye cheni.

LESHELE 106:1

Ampeu sheqhelo! Shikimthi keu pesü Ampeu tsülo, kughengu Pa ye aloke, Paw iqemokeu kikimiye ye alholo acheni!

LESHELE 106:8

Ikeghi Pa no Pa je lono panoqo xaluve ke, tishikeu lono Pa no Paw akughushu küka pephe piye niye shike.

LESHELE 107:1

Shikimthi keu pesü Ampeu tsülo, kughengu Pa ye aloe, Paw iqemokeu kikimiye ye alhokupuju acheni!

LESHELE 111:4

Pa no Paw akümzapu kümlaqo kümsü lupe acheni; Ampeu ye küpükini eno kimiyekini ke.

LESHELE 118:1

O shikimthi keu Ampeu tsülo, kughengu Pa ye aloe, kughengu Paw iqemokeu kikimiye ye alholo acheni!

LESHELE 119:60

O zakütsüqo pape niye I no mighi eno munuve moe.

LESHELE 136:1

Shikimthi keu Ampeu tsülo, kughengu Pa ye aloe, kughengu Paw iqemokeu kikimiye ye alhokupuju acheni.

LESHELE 32:10

Kixikilami ghime ye kutomoe, ikemu iqemokeu kikimiye no Ampeu pükhübe kemi bothape acheni.

LESHELE 33:18

Julo, Ampeu nhethi ye khunono Pa sümsa cheni keno, Paw iqemokeu kikimiye shou pükhü chekemi shou acheni,

LESHELE 33:19

tishikeu lono Pa no akithi lono pano ngulho xaphelu eno püqümiye ighi kelo panoqo püxülu cheni.

LESHELE 34:12

Khuu no aküxü kimiye cheni eno angukivi tsala kutomo ithuluni shi cheni kea?

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,

IPEKULU 34:7

tiqheli qhethonhe kutolo iqemokeu kikimiye püacheni, eno hekibide, alughi vecheve keu, axine shive keu kipimi qhivetsü cheni, ikemu kiu gholau nomu küqüve keu palokutove mono tiqheli aküthüu ngo abidiu kutolo apunoqo hekibide ghenguno atianuli tianuli xuju ighi nani.”

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

AKUMLO 3:22

AMPEUw iqemokeu kikimiye ye khilemu tave chemoe; Paw küpükini ye khilemu kishekhave chemoe;

AKIKIHI 14:18

‘Ampeu ye asheshino amloide cheni eno iqemokeu kikimiye no kupukuno, akipimi eno axine qhivetsü cheni, ikemu pimive keu xine ye khilemu nuxatsü mono atianuli tiqheli aküthüu abidiu kutolo pekishe nani.’

Luke 18:13

Ikemu zame küqhau ye putou pa kütashi puthughope pa kütsü mu peqhemo no pa mla kukhu ghi pi, ‘Alhou, ni axinemi kimiyekütü tsülo!’

John 6:44

I Pu I puwu keu no sünhe saghimo keloye khumu I lau ighimlae. Eno ashekha tsala lo I no pa xüputhu nani.

Rommi 9:18

Hi ghenguno Alhou ye khukhumu Pa no pulo keu lau küpükini tsü cheni, eno khukhumu Pa no pulo keu lono shikümkave cheni.

2 Kor. 1:3

Ni Mpeu Jisü Khristo papu Alhou, kimiyekini Papu eno alokughuno kütsü Lhou sheqhelo,

ZAKINIU 4:31

Kughengu Ampeu nongu Lhou ye kimiyekini Lhou ke. Pa ye nongu qhivemo nani, kütsavemo momu no puasü sasü puloshoqhi shikeu kümsümave monani.

ZAKINIU 5:15

Nongu ye Egypt lo aqüaxemi shi ache kepi kümsü luni, eno Ampeu no Lhou no Pa küka kumto lono nongu saipeghi ke. Tighenguno Ampeu nongu Lhou no Sabbath tsala pelu lopi azah nongu tsü ani.

ZAKINIU 6:21

nongu nuli vilo pilo, ‘Ningu ye Egypt lo Pharaoh qüaxemi shi ache kelo Ampeu no Pa küka kumto lono ningu xaphelue.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

JOSHUA 6:22

Ikemu Joshua no pukujumi mishighüna tipau lo wukeu pama vilo pi, “Hu kütüqhaliu kilo wulo, eno li lau tushoqhi püake toi li eno li kibolomi saghi lo.”

2 Peter 2:7

eno tsala Pa no kixikilamiw pitipüza keu kümla lono amikuchou Lot xaphelu püaghi aye

2 Peter 2:9

ikehu Ampeu ye puju-peju keu lono Pa ithi kemi kishi xaphelu kepu keno ithi cheni, eno küghakütha tsala tomoke kutolo amikucho kumomi pesü ghimeni keu ithi cheni,