BOTHUBO 19:15 - Sumi Naga CL (Re-edited) Bible (BSI)

¹⁵ Inaqhe vüipeghi kelo, kungumi no Lot ghutu ghi pi, “Ithulo! O nipu eno o nga hile akeu pama sawuve lo, tikumo aye nongu ye mishighüna ghime keu gholono joleve nosae.”

BAIBEL (BSI)

¹⁵ Kughou tsutho ipeghive keno kungumi pamano Lot hakiteghi pi, “Ithulo, onipu ngo onga hile akeu pama sasu ipevelo; tishi maye aphughi hipau puhake lono okuxu ghi puhavetsu nosake.”

BOTHUBO 19:15 Iomraidhean Croise

BOTHUBO 19:14

Ikehu Lot no ipe püzü pa makishimi, pa nongaqo sasü akibo shiniye akemi vilo pi, “Ithulo! Hipa-a lono ipevelo, kughengu Ampeu no mishighüna hipau kütsave niye shivae.” Ikemu amalimi no pa ye ghava shi ani küghashi kümsüve.

BOTHUBO 19:16

Ikemu pa ye künachove. Ikehu timi pama no pa ngo pa nipu eno anga pama au lono tsüqü luve, Ampeu no pa lau küpüqhiyi akehu pama no pa sasü mishighüna khalau po ipeghive.

BOTHUBO 19:17

Pama no panoqo saipe cheke lono milakhi no pi, “Nongu küxü ghenguno pokalu lo. Athiu jupuwo kevilo momu akhila lo ngo kevilo. Atoghi lo poka wuvelo, tikumo aye nongu ye joleve nosae.”

BOTHUBO 19:22

Mtazü tilau povelo, kughengu nono ti tomoke kutolo ni ye kiumu shi mlae.” Tighenguno mishighüna tipau je pesü Zoar kuvetsü.

LESHELE 94:23

Pa no panoqo xine pesü pano shou pechile ighi nani eno panow küsakügha ghenguno pano joleve nani; Ampeu ningu Lhou no panoqo joleve nani.

2 Kor. 6:2

Kughengu Pa no pi ani, “Ikhikulupu ghuloki lono I no nongu sütsa initsü, eno xakulupu tsala lono I no nongu kuphue.” Julo, itehi no ikhikulupu doke; itehi no xakulupu tsalae.

Piyeküsü 18:4

Tishino kungugha lono asütsa kütau lakhi I no ishi chilu, “Iw timiqo, li launo ipeghive lo, tikumo aye nongu ye li xine lo kitimelu nosa, eno li tsükeu püsa küsajelu nosae;