BOTHUBO 18:14 - Sumi Naga CL (Re-edited) Bible (BSI)

¹⁴ Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

BAIBEL (BSI)

¹⁴ AMPEU ghenguye kiu kiumu kushokutsu ani kesha? Ado achipi shi akelo toku hipa ghulokilo ino olau ideghi nani eno Sara ye anga lakhi aniae.”

BOTHUBO 18:14 Iomraidhean Croise

BOTHUBO 17:16

I no li kümghatsü nani, tinguno alau ghi, I no li vecheo anu lakhi o tsü nani. I no li kümghatsü nani, eno li ye shiyeqo paza shi nani; li launo ashiaye kükamiqo ipeghi nani.”

BOTHUBO 17:21

Ikemu I no Isaac, khuu Sarah no tokuu hipa ghuloki lono o lau punutsü nani keno, pa sasü Iw puloshoqhi shi nani.”

BOTHUBO 18:10

Ampeu no pi, “Tokuu hipa ghuloki lo mtsüqheino I no o lau ideighini, eno o nipu Sarah ye anu lakhi ithuluve nani.” Sarah ye aphiki hukikha lo Abraham thiuno iniae.

BOTHUBO 18:13

Ampeu no Abraham vilo pi, “Kushiye Sarah ye nu ghi ishi piani kea, ‘Itehi ni ye kitemi shive akeghi mtsüqheino anu ithulu nani keshea?’

BOTHUBO 18:15

Ikemu Sarah no ti milive no pi, “Ni ye nu moe,” kughengu li ye msaveke. Pa no pi, “Moe, no ye nuveke.”

BOTHUBO 21:1

Ampeu no piqhi ketoi, Pa no Sarah xuju, eno Pa no ashoqhi shi ketoi Sarah lau mlatsüe.

BOTHUBO 21:2

Sarah ye mishipu luve eno Abraham no kitemi shive kethiuno Alhou no piqhi püakeu do ghuloki lono anu lakhi punu.

KUKAMI AKINIU 4:16

Pa no pi, “Toku hipa ghuloki lo no ye anu lakhi khape nani.” Li no pi, “Moe, I mpeu, O Alhou timi; o qeliu pishiqhi kevilo.”

JOB 36:5

“Julo, Alhou ye akumto eno khumu jukünatha chemoe; Paw vethakulu ye mtotoi ke.

JOB 42:2

“I no ithi anike No ye thokha kümtsü shilu nani, eno kiu nomu O kimji hakhave mlae.

LESHELE 90:13

Ideighi lo, O Ampeu! Khitohi kea? O qemiqo shou kikimiye alo!

LESHELE 93:1

Ampeu no ayepe ani; Pa ye kükanguagha phi pepu ani; Ampeu ye chijeboike phi pepu ani; Pa ye akumto pesü Pa pokha shiluvae. Iyei, ayeghiqha ye iqhikumto püani; ti ye khilemu ithamoe.

LESHELE 95:3

Kughengu Ampeu ye akughushu Lhou, eno alhou kümtsü shou akughushu Kükau ke.

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

JEREMIYA 32:27

“Julo, Ni ye Ampeu, timi kümtsü Lhou. I ghenguno kiu kiumu kushokütsü keshea?

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

ZEKHARIA 8:6

Aqokitikhi Mpeu no ishi piani: Tsala ghükulumi itehi akeu hipaqo nhethe lo hi no akümzapu shi aghi aye, I nhethe lo ghi akümzapu shikepu keshea? ipi aqokitikhi Mpeu no asheshu.

AKIKIHI 11:23

Ampeu no khochile, “Ampeu u ye ikholove akeshea? I tsa ye o ghenguno kuchou shinani kemo keno nono ithi nani.”

MATTHEW 14:31

Jisü no pai pa u chhope pa tsüqü luve eno pa vilo pi, “O no aküpülü kükühau, kushiye no ye lipive kea?”

MATTHEW 19:26

Jisü no panoqo jupüzü pi, “Timi ghengu ye kushokütsüpu kemu Alhou ghengu ye thokha kümtsü shilu nani.”

MATTHEW 3:9

Eno kümsükuju lono, ‘Abraham no ningu papu,’ ipi nongu ampi vilo kevilo, kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani.

Mark 10:27

Jisü no panoqo juno pi, “Timi ghengu ye shikümlapue, ikemu Alhou ghengu ye kumoe. Kughengu Alhou ghengu ye thokha kümtsü shikulupu likhie.”

Luke 1:13

Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani.

Luke 1:18

Zechariah no kungumi vilo ighiju, “Ni ye kishino hi ithini kea? Kughengu ni eno I nipu ye kitemi shivae.”

Luke 1:37

Kughengu Alhou gholo ye tokümlapu kiumu kühae.”

Luke 8:50

Jisü no ti chilu kelo yepeu vilo pi, “Msa kevilo, pülüke likhi shilo, eno li ye alove nani.”

Rommi 4:21

eno Alhou no kiu piqhi püa keno shilu nanie pi thebei ithive.

Ephesiami 3:20

Itehi ye khuu no ningu gholo Pa kükakumto pesü mla akeu vecheo ningu no qhüiniju momu kümsü akeu nguno alau kupukuno shi tsülu nani keno,

ZAKINIU 30:3

tileno Ampeu nongu Lhou no angukümgha nongu tsüchile nani, eno Pa no apanagha shiyeqo dolo nongu hapuwuve keu amlo ighiqhiyive no sachile ighi nani.

ZAKINIU 7:21

Panongu jumsa kevilo, kughengu akijeu eno aküighüpu Lhou Ampeu no nongu gholo ani.

FILIPIAMI 3:21

thokha kümtsü Pa qholo süghi lupe keu küka pesü pa no ni phimpi pesü pa juküvü phimpi toi kilive tsü nani.

FILIPIAMI 4:13

Khristo no I shikumto keu vecheo ni ye thokha shilu nani.

IBRIMI 11:19

Alhou ye akithi lo ghi Isaac xüputhu luve nanie pi pa no kiqilu, eno kimghiju aye, pa ye akithi lono Isaac ithulu chileke.

XAKUTHAMI 13:3

Ikelo Ampeuw kungumi no li lau ipeghi no pi, “Julo, no ye anuhami eno atianuli küha no ighivae, ikemu no ye mishiniae eno anu lakhi punu nani.

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”